Yoane 4:22 - Amazwi Yakwe Leza 2013

²² Mwe Asamaliya mukapepa wino mutamanya, lelo swemo swe Ayuda tukapepa wino twamanya, pano ufyusi walailwe kupitila mu Ayuda.

Yoane 4:22 ပူးပေါင်းရင်းမြစ်များ

Utandiko 49:10

Intuwa ya wene ilikala mu makasa yakwe Yuda amanda pe, nga na amu mupanda wakwe yalateeka amanda pe. Inko zilaleta vya mawila kunoli. Nga yalamuvwila nu kumufukamila.

Ezila 4:2

Acino yiza kuli Zelubabeli nu ku akalamba ya lupwa nga iyayanena iyati, “Lekini tumwazwe uku kuula, pamulandu wakuti naswe kwene tukalondesya Leza winu wakwe vino mukamulonda. Tukaapeela ni mpolelwa kunoli ukutandika sile apa nsita yakwe Esalaadoni mwene wa ina Asilya, wiyo uwatulesile kuno.”

Masamu 147:19

Akapeela ilandwe lyakwe ku antu yakwe, amasunde yakwe na malamulo yakwe.

Masamu 68:20

Leza witu, a Leza akatutuula. Ukufuma kuli Yawe Simwandalali ali kuno ufyusi witu ukafuma.

Ezaya 12:2

Cumi kwene Leza ali ufyusi wane. Nkutaila lyene apaula ukoopa, pano Yawe ali maka yane, nu lwimbo lwane, nu ufyusi wane.”

Ezaya 12:6

Pundisyini nu kwimbila ni nsansa, mwe antu aku Zioni, pano Wamuzilo wilya waku Izlaeli wene umukulu pakasi kinu.”

Ezaya 2:3

Yalavwanga nu kuti, “Tuyini twapita tutumbele umwamba wakwe Yawe, apakuti aye akatusunde vino tuli nu kucita, apakuti twalondela mwi kula lyakwe.” Umu cumi amasunde yakwe Yawe yakafuma mu Yelusalemu, pano umu Zioni ali muno akapeelela antu yakwe amalango.

Ezaya 46:13

Ala mwandini uwanda wakucimvya natimbupalamika. Pasikulengela foo. Nemo nsikusumba akasita foo, Apakupususya antu yane. Nemo nasya mpususye Yelusalemu, incindamike na ina Izlaeli aya mwenemo.”

Zakaliya 9:9

Sansamukini sile mwe ikazi amu Zioni! Umilini tupundu mwe ina Izlaeli! Lolini umwene winu awilya akwiza kuno muli! Wiza yakumucinila isoonga, pano watacimvya, lelo kwene wataicefya akuipitila pali punda, nawe indama mwana punda.

Luka 24:47

nga nu kuti mwi zina lyakwe kuye kukosola ku antu amu nko zyonsi, kutandikila mu Yelusalemu, pakuti yazenzuke nu kuti Leza ayelele maifyo yao.

Milimo 17:23

Pano lino natandalanga mu musumba winu nu kulola mu vifulo vino mukapepelamo, nazanyile akavuwa apalembwa ukuti, ‘Kuli Leza wino atamanyikwa.’ Cico cino mukapepa mu kuntamanya, acino ndakai namamulandila.

Milimo 17:30

Caleka nsita zyakuntamanya Leza wasulanga kuli vino antu yacitanga. Lelo ndakai watapela ilamulo ku antu yonsi konsikonsi kuti yazenzuke.

Milimo 3:26

Caleka Leza wasolwile muomvi wakwe nu kumutuma kuli mwemwe nkolelo, ku kwiza mupolelela mu kulenga cila muntu afume ku misango yakwe iipe.”

Loma 11:18

Caleka mutalinzile kusuula yao aputwilwe wa misambo ilya. Uzye pacani mungaitutumika? Mwemo mwemwe misambo. Mwemo musyatungilila misisi. Lelo misisi ikatungilila mwemwe.

Ayebulai 7:14

Camanyikwa ningo ndi vino wene wavilwe mu mutundu wakwe Yuda. Lelo Mose atalanzile mutundu uu lino wavwanzile ivya pali yasimapepo.