Yoane 4:21 - Amazwi Yakwe Leza 2013

²¹ Yesu amunena ati, “Kaciwe, taila vino nkukunena ukuti kasita kaliza lino mutalapepa Tata pa mwamba uu, nanti mu Yelusalemu kwene.

Yoane 4:21 ပူးပေါင်းရင်းမြစ်များ

Ezaya 66:1

Yawe wavwanga wati, “Iyulu ali cilimba cane, insi nayo ali cilyatilo ca ngazo zyane. Uzye ing'anda cii fwandi ino mungankuulila? Incende cii fwandi ino ningapuzilamo?

Ezekelo 14:3

“We mwana wa muntu, antu yaa yatiyika imyenzo yao ku tuluwi twao, nu kwika amanso yao pa vintu vyuze vyakupumika kweneko. Uzye yene yakwelenganya ukuti nemo ndayaasuka lino yanguzya?

Ezekelo 20:3

“We mwana wa muntu, unene antu ukuti Yawe Simwandalali wavwanga wati, ‘Uzye mwemo mwizile mu kuuzya vino nkalonda? Awe, nemo nsikuleka muzye penepo nanti cimwi. Ivyalanda ne Yawe Simwandalali.

Malaki 1:11

Antu aikala amasi yonsi yalancindika. Konsi kwene antu yalaoca ubani nu kupeela amawila aswefiwe mwi zina lyane. Pasi pano antu amu nko zizyo yalancindika.

Mateo 18:20

Pano kuno antu yaili nanti yatatu yakongana mwi zina lyane, nani ndaya nao.”

Mateo 28:19

Caleka yangini konsi mu nsi mucite antu amu nko zyonsi kuya alondezi yane. Mwayawatizya mwi zina lyakwe Tata, nu Mwana, nu Mupasi Wamuzilo,

Luka 21:24

Yamwi yalakomwa ku mpaanga nu kusendwa mu uzya ku nko zyonsi, nga na Yelusalemu alalyatolwa na antu atataila Leza kufika lino kasita kao kalasila.

Yoane 14:6

Yesu amwaasuka ati, “Nene ndi nzila, ni cumi, nu umi. Pasi umwi angiza kuli Tata suka wizila muli nene.

Yoane 16:2

Yalamuzinga mu mang'anda ya mapepo, endi, na kasita kakwiza lino wino wensi wamukoma alelenganya vino pa kucita cii, akutumikila Leza.

Yoane 16:32

Lolini kasita kakwiza, endi, kati kiza lino mulasalangana, cila muntu alapita ukwakwe nga munsye nenga. Lelo mu cumi nsi nenga, pano Tata ali nani.

Yoane 4:23

Lelo kasita kakwiza, nupya kati kafika, lilyo lino yakapepa acumi yalapepa Tata mu Mupasi nu mu cumi, pano ali ndi yaa, ayano Tata watemwa kuti yamupepa.

Yoane 5:25

Cumi namunena vino, kasita kakwiza, nupya kati kafika, lino afwe yaluvwa izwi lya Mwana wakwe Leza. Lyene yano aluvwa izwi lyakwe yalaya nu umi.

Yoane 5:28

Mutazunguka pali cii pano kasita kakwiza, kano antu yonsi ali mu malindi yaluvwa izwi lyakwe, nu kufumamo.

Milimo 6:14

Tuvwile akuti Yesu uwaku Nazaleti alomoola Ng'anda ikulu yakwe Leza nu kusenula intambi zitu zyonsi izyafumile kuli Mose!”

Efeso 2:18

Muli Klistu, swensi kwene Ayuda na Akulukuwa tungapalama kuli Tata kupitila mu Mupasi onga kwene.

Efeso 3:14

Caleka pali cii, mwi pepo nkafukama nkolelo yakwe Leza.

1 Timoti 2:8

Mu kutumikila mwi uvi lyonsi nkulonda kuti aonsi aipeelesya kuli Leza yapepa, yala yakukatusya makasa yao kwaula kusoka nanti vikanza.

1 Petulo 1:17

Lino mukupepa mukaama Leza muti, “Tata.” Wene ataya na kasoozi. Lelo akapingula antu yonsi kulingana na vino cila muntu wacita. Acino lyene mwacindika Leza lino mucikweti umi muno nsi.

Umbwilo 21:22

Lelo mu musumba ntawenimo Ng'anda ikulu yakwe Leza, pano Mwene Leza Wamaka yonsi nga nu Mwana wa Mfwele ali Ng'anda ikulu iyaya mwenemo.