Yoane 3:36 - Amazwi Yakwe Leza 2013

³⁶ Wino wensi akataila Mwana wene ali nu umi wape. Lelo wino wensi asyayela Mwana wene atalaya nu umi. Ukali wakwe Leza ulaya panoli.

Yoane 3:36 ပူးပေါင်းရင်းမြစ်များ

Yobo 33:28

Leza wampususya ku mfwa nu kuleka lyene inje nu umi, ukufika na pilelo kwene!’

Masamu 2:12

Pano wene ndi wasoka angamulovya, pano icipyu cakwe cikaaka zuwa. Alongo ayayo akazina kunoli.

Masamu 36:9

Umucumi intendekelo ya umi yaya kunuli, tukalola nu luswepo ndi cakuti watukozezya.

Masamu 49:19

nalyo kwene alafwa sile wakwe vino ivikolwe vyakwe vyafwile, nu kuya ikala navyo pee, kuku kwene ukwaya akanda akamuyayaya.

Habakuku 2:4

Uu uli usemo: Yakacita ya viipe yalalowa, l lelo yakacita ya visuma yalaya nu umi. Yonsi akacita vyaololoke yalaya nu umi pano yene acumi kuli Leza.

Mpendwa 32:11

‘Nalapa ukuti pamulandu wakuti yatatwalilile ukuya acumi kunondi, kusi nanti wenga uwamu antu yonsi ali ni myaka amakumi yaili nanti ukuluta, yano yafumile mu mpanga ya Eguputo, alalola impanga ino nalavile Abulaamu, Isaki, na Yakobo.’

Mateo 25:46

Lyene antu yaa yalavunukwa manda pee, lelo antu akacita ivyawololoke yalaya nu umi wape.”

Mako 16:16

Wino wensi alataila nu kuwatiziwa, wene alatuulwa. Lelo wino wensi atalataila alavunukwa ku mfwa.

Luka 2:30

Nindola na manso yane ufyusi wako,

Luka 3:6

Na antu yonsi yalalola ufyusi wakwe Leza.’”

Yoane 1:12

Lelo yamwi, yano amuzengile nu kutaila munoli, yene wayapile nsambu yakuti yaye ana yakwe Leza.

Yoane 10:28

Nemo nazipela umi wapee nga nazyo zitalalowa. Pasi umuntu alazisompola mwi kasa lyane.

Yoane 3:3

Yesu nawe amunena ati, “Cumi, nakunena vino umuntu ndi atavilwe iila lyakwe ciili atangalola Uwene wakwe Leza.”

Yoane 4:36

Na ndakai kazombola akulipilwa malipilo yakwe nga nu kukoozya vizao ku umi wape. Caleka kata wa mbezu na kazombola kwene, oili yalazangila pamwi.

Yoane 5:24

“Cumi namunena vino, wensi wino akuuvwa mazwi yane, nu kutaila wino uwantumile, wene akweti umi wape, wene atalapingulwa, lelo wene watafuma ku mfwa aya ku umi.

Yoane 6:58

Cii cili cakulya cino ciiza pano pansi kufuma kwiyulu. Cisi wa cakulya cino vikolwe vinu vyalile, lelo pacisila vyene vifwa.”

Yoane 8:51

Cumi namunena nati, wino wensi akayela mazwi yane wene atalafwa.”

Milimo 14:2

Lelo Ayuda atakasi kutaila yatunka Akulukuwa kuti yapate aina Klistu.

Loma 4:15

Kuntayela Masunde kukaleta ukali wakwe Leza! Lelo ukusi Masunde kutangaya kuntayela.

Loma 5:9

Ndakai twacitwa kuya aololoke pa manso yakwe Leza mu mfwa yakwe Klistu. Caleka kuluta pali cii, alatutuula nu ku ukali wakwe Leza.

Loma 8:1

Ndakai pasi kuvunukwa kuli yano ailundanya kuli Klistu Yesu.

Galatiya 3:10

Muntu akaikalilila mukuyela Masunde ala wene ali mu citipu. Pano calembwa mu malembelo cati, “Wino wensi asyayela pe vyonsi ivyalembwa mu lupapulo lwa Masunde ala wene umutipwe!”

Efeso 5:6

Mutaleka umuntu umwi amusombe na mazwi auwelewele, pano pamulandu wa vintu vii ukali wakwe Leza ukwiza pali yao asyamuyela.

1 Tesalonika 1:10

Nupya yakalanda pa kulolela kuno mukalolela Yesu Mwana wakwe kuti aiize kufuma mwiyulu. Leza wamuzyukwile kufuma ku afwe, nga pa wanda wa upinguzi Yesu alatutuula ku ukali wakwe Leza ukwiza.

1 Tesalonika 5:9

Leza atasolola kutuvunuka, lelo wene wasolola kuti Klistu Mwene witu atutuule.

Ayebulai 10:29

Uzye lyene citalalusya ku muntu wino akusula Mwana wakwe Leza? Nu ku muntu wino akalola wazi wa upangano wakwe Leza kwati cintu casilesile uno wamuswefya ku ui? Nu ku muntu wino akatuka Mupasi wino akuleta cikuku? Elenganyini kwipisya kwa kuvunukwa kuno wene alavunukwa!

Ayebulai 2:3

Uzye lyene tungatuulwa uli ndi tusyakwika mano ku ufyusi wakula musango uu? Mwene umwisikulu uwatandike kulanda pa ufyusi uu, na yao auvwileko mazwi yaa yasininkizye kunotuli ukuti avino cili.

Ayebulai 3:18

Lino Leza walafile ati, “Yene yatalatala ingile mu mpanga ilya mu kupuza kuno nange njapele,” uzye wene walandanga pali yaweni? Wene walandanga pali yao amusangukile.

Ayebulai 3:19

Lyene twalola vino yene yaposiwe kwingila mu kupuza kuku pano yatakweti utailo.

Umbwilo 21:8

Lelo antete na yano asi nu utailo, na yakacita ya vintu vyawinyi, ni nkomi, yacizelele, alozi, na yakapepa ya tuluwi, na antu yonsi antumpu, wikalo wao a yemba wa moto muno maluti yakapya. Ii ili mfwa yakwe ciili.”