Yoane 3:29 - Amazwi Yakwe Leza 2013

²⁹ Nawinga uwakwe siwinga, lelo cuza wakwe siwinga wene akaimilila pipi, nu kuvwa kunoli, nupya akazanga cuze lino uvwa izwi lyakwe siwinga. Vii avino nkazanga cuze.

Yoane 3:29 ပူးပေါင်းရင်းမြစ်များ

Lwimbo lwakwe Solomoni 3:11

Mwe anaci amu Zioni, fumini, nga mwize mulole Umwene Solomoni watazwala cilongwe, cilongwe cino nyina wamuzwisile pa wanda wa winga wakwe, wanda uno mwenzo wakwe wazanzile cuze.

Lwimbo lwakwe Solomoni 5:1

We mutemwikwa wane, nawinga wane, ala nemo natimfika mu calo cane. Nkuzombola usule wane ni vintu vyane vya mununko usuma. Nkulya uci wane na nacisenga wane uwa uci. Nkumwa waini wane ni ziya lyane. Mwemuno mwakundana, lyangini nu kumwa. Mwemuno mwakundana mwangini sile wakwe cimwi.

Ezaya 54:5

Pano uwakuumba kwene aliwe alaya uwako. Izina lyakwe a Yawe Wamaka yonsi. Ali Katuula wako Wamuzilo wakwe Izlaeli, akaamwa Leza wa nsi yonsi.

Ezaya 66:11

Ali pakuti monke nu kwikuta ku maele yakwe. Monkesye wakwe cimwi nu luzango ku maele yakwe acindamisye.”

Yelemiya 2:2

“Nkaiusya ukuti lino mwali ance mwali ni cuvwilo. Mwemo mwantemilwe wakwe cimwi muli unawinga winu. Yandondile umu lwanga, itupita suka tufika mu mpanga itatala yalimwa.

Ezekelo 16:8

“Nga lino napisile umupipi nawe, nakulolekesya, nazana nu kuti insita yako iya citemwiko, yatifikila. Alino niza navungulula isempe lya cikuwalo cane, nakuvimbilikizya apakufisa impamba zyako, pano wali tupu. Nga lino nalapa nu mulapo wakupingana nawe upangano pano lyene waya wewe wane.” Vii, ivyalanda ne Yawe Simwandalali.

Oseya 2:19

We Izlaeli ndakutaisya kuti uce uye umuci wane mpaka umuyayaya. Ndakutaisya mu ulungami, mu wololoke, nu mu lukundo nga nu luse.

Mateo 22:2

“Uwene wa mwiyulu wakolana ni cacitike lino mwene umwi wacitile mwana wakwe cimulo ca winga.

Mateo 25:1

“Yesu ayanena mulumbe uu ati, Uwene wa mwiyulu ukoline ni cacitike usiku wanda umwi, lino akazyana ikumi, yatozile inyali zyao zizi ku winga ku kukomanya siwinga.

Mateo 9:15

Yesu aasuka ati, “Uzye asukilizi ali pa cimulo ca winga yangikala akungumale lino yali pamwi na siwinga? Citangaya vivyo! Lelo manda yaliza lino siwinga alasendwa kufuma pano yali, lyene alino yalaizilizya ukulya.

Luka 15:6

nu kuisenda ku ng'anda ukwakwe. Lyene aama yacuza yakwe na ainipamba pali pamwi, ayanena ati, ‘Zangini pamwi nani, pano nati nzana mfwele yane iyaponzile.’

Yoane 15:11

“Nati munena vintu vii kuti muye mu luzango ndi luno nkweti, na kuti luzango lwinu luye lufumaluke.

Yoane 16:24

Kufika na ndakai mutali mulenge cimwi mwi zina lyane. Lengini nga mulapelwa, kuti muzange cuze.

Yoane 17:13

Ndakai nkwiza kunuli. Vintu vii nkuvwanga mu nsi, kuti luzango luno nkweti luzuziwe mu myenzo yao.

Yoane 3:30

Wene alinzile akule mu ucindami nu kunduta, lelo nemo namacepanga mu ucindami.”

2 Kolinto 11:2

Nemo nkweti uzuwa pamulandu winu, wakwe vino Leza nawe akweti. Mukoline wakwe mwali musanguluke wino nalaya kumufumalizya ku muntu wenga sile. Muntu wiyo a Klistu umwisikulu.

Filipi 2:2

lyene mukafikilizya nsansa zyane. Mwikale mukusakamalana pa kulanga kutemwana. Mulemane mukwelenganya kwati limwi ukwelenganya kwa muntu wenga.

1 Yoane 1:4

Twamulembela cii pakuti luzango lwitu luye ulumalilike.

2 Yoane 1:12

Nkweti vingi ivyakuti munene, lelo ntakulonda kumulembela. Nkulonda kwiza landana namwe nemwisikulu, pano cico mucumi cilatulenga kuya nu luzango.

Umbwilo 21:9

Mungeli wenga uwamu angeli cinimbali yano yakweti ngeso cinimbali izyazilemo vilumbelo cinimbali vyakusyalikizya aiiza kunondi anena ati, “Iza kuno, nga nani namakulanga nawinga, muci wa Mwana wa Mfwele.”