Yoane 3:27 - Amazwi Yakwe Leza 2013

²⁷ Yoane nawe aasuka ati, “Kusi cimwi wakwe cii cingacitikila umuntu, suka Leza ndi waleka kuti cicitike.

Yoane 3:27 ပူးပေါင်းရင်းမြစ်များ

Yelemiya 1:5

“Nakusolwile lino ntacili nkuumbe mu ndilwa yakwe mayo wako, Lino utali uvyalwe ala nakusonta mpiti, kuti uce uye kasema wa mitundu yonsi.”

Yelemiya 17:16

Lelo kwene asi nene nakupamvizye kuti ulete uononesi pano yali. Nupya asi nene nakumvilwe ukuyaletela uwanda wa ntazi. Wemo umanyile cii. Umanyile cino nalanda.

Amosi 7:15

Yawe uwizile antola, andesya ni milimo ya kucema imfwele, nga anena ati, “Pita ukaseme ku antu yane aina Izlaeli.”

Mpendwa 17:5

Alino lyene intuwa ino imalemba, ale izina ililemvilwe penepo ali muntu wino nene nasolola. Vii ali vino nene ne Leza winu namaputula ivikanza ivya kuilizyanya ivili pali mwemwe.”

Mateo 21:25

Uzye Yoane wafumizye kwi maka akuwatizya? Uzye akuli Leza nanti ku antu?” Nao yatandika kupazyanya aisikulu yati, “Uzye tumati uli? Ndi twati, ‘Wafumizye kuli Leza,’ nawe amati, ‘Uzye lyene, pacani mutataile Yoane?’

Mateo 25:15

Wayapile impiya kulingana na vino cila wenga angaziomvya. Kuli wenga apeela impiya mazimbi yasano, na kuli wakwe ciili apeela impiya mazimbi yaili, alino na kuli wakwe citatu apeela impiya izimbi lyonga. Alino apita pa lwendo lwakwe.

Mako 13:34

Cili wa muntu wino ali pa lwendo kufuma ku muzi wakwe nu kusya aomvi kuti yaangalila milimo yakwe. Lyene apeela kuli wenga na wenga incito yakuti aomba nu kunena kalinda kuti aapempula.

Yoane 10:41

Antu aingi iiza kunoli yamunena yati, “Yoane atacisile cilangililo. Lelo vintu vyonsi vino Yoane wavwanzile pamulandu nu muntu wii vyali vya cumi.”

Yoane 6:65

Nupya Yesu ayanena ati, “Uu, uli mulandu kwene uno nali namunena vino kusi umwi angiza kunondi, suka sile Tata ndi waleka kuti alonde kwiza kunondi.”

Loma 1:5

Kupitila muli Klistu amuno Leza wampeela isyuko lyakuya mutumwa pakuti ntungulule antu amu nko zyonsi kuti yataile nu kuyela Leza na kuti Klistu acindikwe.

Loma 12:6

Acino lekini tuomvye mawila itu apusanepusane yano Leza watupeela mu cikuku cakwe. Ndi twapelwa uwila wa kukosola mazwi yakwe Leza, mu cumi tulinzile kucita vivyo kwene kulingana nu utailo uno tukweti.

1 Kolinto 1:1

Kalata kufuma kuli ne Paulo, wino uwamwa ku kulonda kwakwe Leza kuti nje mutumwa wakwe Klistu Yesu, pamwi na Sositeni mwina witu.

1 Kolinto 12:11

Lelo a Mupasi Wamuzilo wenga nupya ali umwi kwene wino akacita vii vyonsi. Kuli cila muntu, wene akapeela uwila uiyele ndi vino akasi.

1 Kolinto 15:10

Lelo ku cikuku cakwe, Leza wancita kuya vino ndi, ni cikuku cakwe citali caula milimo kunondi kuluta atumwa yauze, nanti angala asi anene naombanga, lelo maka yakwe Leza akankomelezya.

1 Kolinto 3:5

Uzye Apolo aweni? Uzye Paulo aweni? Sweswe aomvi sile yakwe Leza, yao amwazwilizye kuti mutaile. Cila wenga uwa munotuli akaomba mulimo uno Leza wamupile kuti acita.

1 Kolinto 4:7

Uzye aweni uwakwisile kuya mukulu kuluta pa auzo? Uzye Leza atakupile vyonsi vino wakwata? Uzye lyene ungaitumika uli kwati cino wakwata cisi uwila?

Galatiya 1:1

Kalata kufuma kuli ne Paulo, wino kwamwa kwane kwa kuya mutumwa kutafuma ku muntu nanti kupitila mu muntu, Lelo kwafuma kuli Yesu Klistu, na Leza Tata, wino uwazyukwile Klistu kufuma ku afwe.

Efeso 1:1

Kalata kufuma kuli ne Paulo, ne muno nasolwa kuti nje mutumwa wakwe Klistu Yesu. Ku antu yakwe Leza yonsi yao akaikala mu Efeso nupya alondezi ataila muli Klistu.

1 Timoti 2:7

Acino wene wantumile kuya mutumwa nupya kasambilizya wa Akulukuwa, kuti nakosola ilandwe ilya kulenga antu yataile cumi. Nemo nsyakutumpoka. Lelo nkulanda cumi!

Yakobo 1:17

Wila usuma onsi ni cakupeelwa cifumaluke consi cikafuma kwiyulu, kuli Tata, kaumba wino uwaumvile ivya mwiyulu vyonsi vino vikapeela luswepo. Wene ali umwi lyonsi, nupya luswepo lwakwe lusyazima nanti panono.