Yoane 3:11 - Amazwi Yakwe Leza 2013

¹¹ Cumi, nakunena vino swemo tukavwanga cino twamanya, nupya tukalanda cino twalola. Lelo kusi umwi uwa munomuli akataila umboni witu.

Yoane 3:11 ပူးပေါင်းရင်းမြစ်များ

Ezaya 50:2

Uzye pacani cino ntazanyilepo nanti wenga lino nizile? Uzye pacani cino kutali nanti wenga wakwasuka lino nalaizye? Uzye ikasa lyane lyali ilipi ilyakuposiwa kumutuula? Uzye ntakwata amaka akumutuula? Apakukalipa kwane sile, nemo ningakamya yemba ni nguzi cakuti ni nswi zyonsi izyaya mwenemo zikamilwe, apamulandu nu kuulizya amanzi, zifwe nu kufwa uku lusala.

Ezaya 53:1

Antu nayo ali pakwasuka yati, “Wino angazumila ivintu vii vino tukulanda aweni? Nga wino angiluka ukuti Yawe ali wino akucita cii, aweni?

Ezaya 55:4

Lola ninkucita kambone wa mitundu, intunguluzi na kateeka wa mitundu.

Ezaya 65:2

Nemo lyonsi naya umwi umuiteyanye ukuzengela antu yaa, nanti yene yakaluvyanyizizya sile itolo, nu kuicitila vino aeneco yaitemilwe.

Mateo 11:27

“Tata wampeela vintu vyonsi. Pasi nanti wenga uwamanya Mwana suka sile Tata, nupya pasi nanti wenga uwamanya Tata suka sile Mwana, nga na yao yonsi yano Mwana wasola kuti amusokolole kunoyali.

Mateo 23:37

“Mwe antu amu Yelusalemu, Yelusalemu! Mwakoma yakasema nu kutama na mawe inkombe zino Leza watuma kunomuli. Amaila yanga yano nalondanga kumufukatila, wakwe vino nyinankoko akafukatila ana mu maapa yakwe, lelo mutanzumilizya!

Luka 10:22

“Tata, wampeela vintu vyonsi. Pasi nanti wenga uwamanya Mwana suka sile Tata. Nupya pasi nanti wenga uwamanya Tata suka sile Mwana, nga na yao yonsi yano Mwana wasola kuti amusokolole kunoyali.”

Yoane 1:11

Wizile ku mpanga yakumwao, lelo antu akumwao yatamuzengile.

Yoane 1:18

Pasi umuntu watala alola Leza. Suka Mwana wenga sile wino wikala pamwi ni Isi. Mwana kwene uwiza wamusokolola.

Yoane 12:49

Pano ntakuivwangila, lelo Tata uwantuma wene wampeela ilamulo muno ningavwangila na muno ningakosolela.

Yoane 14:24

Wino wensi atantemwa wene asyayela mazwi yane. Na mazwi yano muvwa yene yatafuma kunondi, lelo yafuma kuli Tata, wino uwantuma.

Yoane 3:12

Ndi namunena pamulandu ni vintu vino vikacitika muno nsi, musyataila. Uzye lyene mungataila uli, ndi namunena pamulandu ni vintu vino vikacitika mwiyulu?

Yoane 3:13

Pasi umuntu watala wakwela kwiyulu, suka sile Mwana wa Muntu wino uwisile kufuma kwiyulu.”

Yoane 3:3

Yesu nawe amunena ati, “Cumi, nakunena vino umuntu ndi atavilwe iila lyakwe ciili atangalola Uwene wakwe Leza.”

Yoane 3:5

Yesu aasuka ati, “Cumi, nakunena vino, umuntu ndi atavilwe ku manzi na kuli Mupasi Wamuzilo, wene atangingila mu Wene wakwe Leza.

Yoane 5:43

Nemo nizila mwi zina lyakwe Tata, namwe musikunzengela. Muze ndi angiza mwi zina lyakwe na lwakwe, wene mulamuzengela.

Yoane 7:16

Yesu ayanena ati, “Vino nkasambilizya visi vyakwane, lelo vikafuma kuli Tata wino uwantuma.

Yoane 8:14

Yesu ayanena ati, “Nanti ningaicitila umboni, lelo cino nkulanda ca cumi, pano namanya kuno nafuma na kuno nkuya. Mwemo mutamanya kuno nafuma na kuno nkuya.

Yoane 8:26

Nkweti vintu vingi vyakumunena makamaka pa viipe vino mwacita. Lelo wino uwantuma wene uwa cumi, nga nani nkanena amu nsi vino nuvwa sile kunoli.”

Yoane 8:38

Nkavwanga vintu vino Tata wandanga, lelo mwemo mukacita vino so wamunena.”

Milimo 22:18

muno Mwene ala akunena akuti, ‘Kalauka fuma mu Yelusalemu zuwa, pano kuno antu yatalapokelela umboni wako pali nene.’

2 Kolinto 4:4

Yene yatataila, pano Satana wino ali leza uwa nsi ii, walesyanya kuti yatalola luswepo ululi Ilandwe Lisuma lya pali Klistu uwa lulumbi.

Umbwilo 1:5

Cikuku nu mutende viye namwe kufuma kuli Yesu Klistu kambone uwakutailwa, uwali wankolelo kuzyukuka kufuma ku mfwa, nupya wene ali kateeka wakwe yakateeka yonsi amu nsi. Wene watutemwa nupya waipile kuti atukulule ku maifyo itu

Umbwilo 3:14

“Lemba ku ntunguluzi yakwi uvi ku Lodesiya uti, “Lii ilandwe kufuma kuli wino akwamwa Ameni, kambone uwakutailwa nupya uwa cumi. Wene ali ntulo yakwe vyonsi vino Leza waumba.