Yoane 21:22 - Amazwi Yakwe Leza 2013

²² Yesu amwaasuka ati, “Ndi nkasi kuti alali kufika na lino ndiza, uzye cikupazi? Wemo ndondela.”

Yoane 21:22 ပူးပေါင်းရင်းမြစ်များ

Mateo 16:24

Lyene Yesu anena alondezi yakwe ati, “Muntu umwi ndi akasi kundondela, aikanye, aisendele ulupanda nga andondele.

Mateo 24:27

Pano ukwiza kwa Mwana wa Muntu kulakolana wa nkuwa ino ikamyansya kucilinganya ulwelele lonsi kufuma ku ufumondaka nu kufika ku uwondaka.

Mateo 24:3

Lino Yesu watenzi pa Mwamba wa Olivi, alondezi iiza kunoli, yamuzya mu nkama yati, “Uzye alilaci lino cii cilacitika? Nupya icani cilaya cilangililo cakulanga ukwiza kwako nga ni mpelelekezyo ya nsi?”

Mateo 24:44

Caleka namwe kwene mulinzile muiteyanye, pano Mwana wa Muntu aliza pa nsita ino mutenekile.

Mateo 25:31

“Lino Mwana wa Muntu aliiza mu lulumbi lwakwe, pamwi na angeli onsi, wene alikala pa cilimba cakwe ca wene.

Mateo 8:22

Lelo Yesu amunena ati, “Ndondela, leka afwe yazike afwe yao.”

Mako 9:1

Alino atwalilila kuvwanga ati, “Cumi namunena nati, apano yali yamwi pano atalafwa kufika lino yalalola Wene wakwe Leza ukwiza na maka.”

Yoane 21:19

(Yesu wavwanzile vii kuti alange musango wa mfwa ino Petulo alafwa nu kuleta lulumbi kuli Leza.) Walanga wavwanga vii, anena Petulo ati, “Ndondela.”

Yoane 21:21

Lino Petulo wamulola, auzya Yesu ati, “Mwene, uzye ku muntu wii nawe cilaya uli?”

1 Kolinto 11:26

Cii cikusenula ukuti lyonsi lino mwalya umukate uu nga nu kumwa mu lwako luu ala mukulanda imfwa ya Mwene kufika lino aliza.

1 Kolinto 4:5

Acino mutalinzile kupingula umuntu ali wensi lino nsita yasontwa itali kuti ifike. Upinguzi wakusyalikizya utalacitika suka Mwene akize. Wene alasokolola paswe vintu vino vyafiswa mu mfinzi, nga nu kuumbula mapange ya nkama aya mu melenganyo ya antu. Alino lyene umuntu wensi Leza alamutasya ndi vino cingamulinga.

1 Tesalonika 2:19

Pano amwemwe kusi nayauze, mwe muno tukapaalilamo nu luzango, nu kwiza pokelela penepo cilambu cino tulailumbanyizizya penepo pali Yesu Mwene witu lino aliza nupya.

Yakobo 5:7

Inane, lyene tekini myenzo kufika lino Umwene aliiza. Lolini vino mulimi akateeka mwenzo lino acili akulolela kuti vilimwa vya mpomvu vice mu calo cakwe. Wene akalolela nu kuteeka mwenzo kuti vipokelele mvula ya pa miundo ni yamu koolo.

Yakobo 5:8

Namwe kwene mulinzile kuteeka myenzo. Lekini kupaalila kwinu kutanenuka, pano wanda wa kwiza kwa Mwene wati upalama.

Umbwilo 1:7

Lolini, wene akwiza mu makumbi! Antu yonsi yalamulola, pamwi na yao kwene amutosile mu mbazo. Antu yonsi pano nsi yalalosya pamulandu na aliwe. Vii avino cilaya.

Umbwilo 2:25

Lelo kufika lino ndiza, mulinzile kulemelela na maka kuli vino mwasambilila.

Umbwilo 22:20

Wino akupeela umboni wakwe kuli vii vyonsi akuti, “Endi! Nkwiza zuwa!” Ameni! Iza Mwene Yesu!

Umbwilo 22:7

Yesu akuti, “Uvwini! Nkwiza zuwa! Alongo ayao yano yakayela mazwi ya usemo amu lupapulo luu.”

Umbwilo 3:11

Nkwiza zuwa. Lemasya cino ukweti, kuti kutaya umwi uwa kukupoka cilambu cako.