Yoane 21:16 - Amazwi Yakwe Leza 2013

¹⁶ Nupya amuuzya iila lyakwe ciili ati, “We Simoni mwana wakwe Yoane, uzye wantemwa?” Nawe aasuka ati, “Endi Mwene, wamanya vino nakutemwa.” Yesu amunena ati, “Uwasunga mfwele zyane.”

Yoane 21:16 ပူးပေါင်းရင်းမြစ်များ

Masamu 100:3

Manyini ukuti Yawe ali Leza. Aliwe uwatuumvile, nga sweswe akwakwe. Sweswe antu yakwe, imfwele zya ufyo wakwe.

Masamu 95:7

Pano wene ali Leza witu, nupya sweswe yacemwa yakwe, uufyo uno akatungulula. Ilelo mule muvwe ukwi zwi lyakwe!

Zakaliya 13:7

Yawe Wamaka yonsi wavwanga wati, “Ale we lupanga lwane, zanza kacema wane, zanza umuntu akambombela. Ukome kacema pakuti imfwele zisalangane. Nani namazanzapo utwana twa mfwele.”

Mateo 2:6

‘Nawe Betelemu, mu mpanga yakwe Yuda, Usi munono muli yakateeka yakwe Yuda. Pano munuli mulafuma intunguluzi, ino ilaya akateeka wa antu yane aina Izlaeli.’ ”

Mateo 25:32

Antu amu nko zyonsi pano nsi yalakongana pa manso yakwe, nga nawe alapalukanya antu ndi vino kacema akapalukanya mfwele ni mbuzi.

Mateo 26:72

Petulo akana nupya nu mulapo ati, “Ntamanyile umuntu wii.”

Luka 19:10

“Mwana wa Muntu wizile kuti alonde nu kutuula aponge.”

Yoane 18:17

Alino mukazyana uwali pa mpongolo auzya Petulo ati, “Uzye nawe kwene usi wenga uwamu alondezi a muntu wii?” Petulo aasuka ati, “Asi nene.”

Yoane 18:25

Petulo waimi ala akoota. Alino yao ali penepo yamuzya yati, “Uzye nawe kwene usi wenga uwamu alondezi yakwe?” Lelo Petulo akana ati, “Asi nene.”

Yoane 21:17

Yesu amuuzya iila lyakwe citatu ati, “We Simoni mwana wakwe Yoane, uzye wantemwa?” Petulo auvwa ulanda pano Yesu wamuzya iila lyakwe citatu ati, “Uzye wantemwa?” Alino Petulo amunena ati, “Mwene wamanya vintu vyonsi. Wamanya vino nakutemwa!” Alino Yesu amunena ati, “Uwalisya mfwele zyane.

Milimo 20:28

Caleka muisunge mweisikulu, musunge nu ufyo uno Mupasi Wamuzilo wamwika kuya angalizi. Muye yakacema aiuvi lyakwe Leza, lino wacisile ukuya ilya kwakwe ukupitila mu mfwa ya Mwana wakwe.

Ayebulai 13:20

Leza uwazyukwile Yesu Mwene witu kufuma ku mfwa. Yesu ali Mucemi Mukulu uwa mfwele pano imfwa ino wafwile pa kuipeela impolelwa ili ino wapangamo upangano namwe, wa manda pe.

1 Petulo 2:25

Mwemo mwakoline wa mfwele ziponge. Lelo ndakai Leza wamuwezya kuli Kacema nupya Kacingilila winu.

1 Petulo 5:2

kuti musunge ningo mauvi yakwe Leza. Citini cii mu musango uli onga na uno yakacema yakasungilamo mfwele. Mwacita cii ndi vino Leza akalonda kuti mucite, kwaula kupatikiziwa. Ombini mulimo winu asi pamulandu sile wa kulipilwa, lelo pamulandu wa kulondesya kutumikila.

Umbwilo 7:17

pano Mwana wa mfwele, wino ali pakasi ka cilimba ca wene alaya ali kacema wao. Wene alayatungulula ku tufukoka twa manzi yano akapeela umi. Leza nawe alayakumbula minsozi yonsi.”