Yoane 21:12 - Amazwi Yakwe Leza 2013

¹² Yesu ayanena ati, “Izini mulye.” Lelo patali umwi uwamu alondezi wakuti amuzye ati, “Uzye wewe weni?” Pano yonsi yamanyile vino wene Umwene.

Yoane 21:12 ပူးပေါင်းရင်းမြစ်များ

Mateo 22:46

Kutali umuntu nanti wenga wakuti amwasuke. Nupya kufuma pa wanda kwene ulya kutali umuntu nanti wenga wezizye kumuuzya iuzyo na lyuze.

Mako 9:32

Lelo yene yatamanyile vino usambilizyo u wasenulanga, nga yuvwile intete kuti yamuzye.

Luka 9:45

Lelo yene yatamanyile vino cii casenulanga. Walanga muvwango uu wafiswa kunoyali cakuti yatamanyile vino ukusenula nga yuvwile intete kuti yamuzye pamulandu uu.

Yoane 16:19

Yesu amanya vino yakasi kumuuzya, caleka ayanena ati, “Uzye mukuuzyanya pali cino nali namunena nati, ‘Pa kasita kanono mutalandola, nga pa kasita kanono mulandola nupya.’”

Yoane 21:11

Caleka Simoni Petulo apatama mu wato nga akulila isumbo ukunzi ala lizilemo ni nswi zikulu mwanda onga na makumi yasano na zitatu. Lelo nanti zyali zingi cuze, isumbo litalepwike.

Yoane 21:15

Pacisila lino yalya, Yesu auzya Simoni Petulo ati, “We Simoni mwana wakwe Yoane, uzye wantemwa kuluta vino yaa yauze yantemwa?” Awe aasuka ati, “Endi Mwene, wamanya vino nakutemwa.” Yesu nawe amunena ati, “Uwalisya ana ya mfwele akwane.”

Yoane 4:27

Lilyo kwene na alondezi yakwe Yesu yawela, nga yazunguka pa kuzana akuvwanga nu mwanaci. Lelo patali umuntu uwakuti amuzye ati, “Uzye ukulonda cani ku mwanaci?” Nanti uwakuti amuzye ati, “Uzye ukumuvwanzizya cani?”

Milimo 10:41

kusi ku antu onsi, suka sile sweswe, swe muno Leza wasolwile mpiti kuya yakambone yakwe. Kuli kuti walolekile kuli sweswe swe muno twalile nu kumwa pamwi nawe pacisila cakuzyukuka kwakwe kufuma ku mfwa.