Yoane 20:27 - Amazwi Yakwe Leza 2013

²⁷ Lyene anena Tomasi ati, “Ndu simpe umunwe wako paa nu kulola makasa yane. Tambika ikasa lyako ulipisye mu mbazo zyane. Taa ukutwisika, nga utaile!”

Yoane 20:27 ပူးပေါင်းရင်းမြစ်များ

Masamu 78:38

Nga lelo Leza wene wayayelelanga uluse. Wene wafutanga uyi wao nga atayalovizye foo. Amaila sile aingi, wasokolokanga nu kuwezya umwenzo.

Mateo 17:17

Yesu ayanena ati, “Ala! Uzye namaya namwe kufika lilaci? Mwe antu amu mukulo usi na utailo nupya uvulungane! Uzye namamutekelela kufika lilaci? Leta mwana wako mulumendo kunondi.”

Mako 9:19

Yesu ayanena ati, “Ala! Mwe antu amu mukulo usi na utailo! Uzye namaya namwe kufika lilaci? Uzye namamutekelela kufika lilaci? Muletini kunondi!”

Luka 24:39

Lolini, makasa yane ni ngazo zyane. Ala anene kwene! Mumpampante nu kulola, pano umuyeye utakwata munyefu na mafupa, wakwe vino mukulola nkweti.”

Luka 24:40

Lyene lino walanda cii, ayalanga makasa yakwe ni ngazo zyakwe.

Luka 9:41

Lyene Yesu ayanena ati, “Ala! Mwe antu amu mukulo usi na utailo nupya uvulungane! Uzye namaya namwe nu kumutekelela kufika lilaci?” Lyene anena umuntu ati, “Leta umwana wako kuno.”

Yoane 20:20

Walanga wavwanga vintu vii ayalanga makasa yakwe nga nu mu mbazo. Lyene alondezi yazanga cuze pano yalola Mwene.

Yoane 20:25

Caleka alondezi yauze iiza yamunena yati, “Twati tulola Mwene.” Lelo wene ayanena ati, “Ntakutaila, suka ndi nalola viyazi ivyacisilwe ni nsunga mu makasa yakwe nga nu kwika umunwe wane pa viyazi vivyo, nga ni kasa lyane mu mbazo zyakwe.”

Yoane 20:28

Tomasi amunena ati, “Mwene wane, Leza wane.”

Loma 5:20

Masunde yapilwe pakuti antu yalole kuvula kwa maifyo. Lelo kuno maifyo yavula, cikuku cakwe Leza cavulilako kuluta.