Yoane 20:20 - Amazwi Yakwe Leza 2013

²⁰ Walanga wavwanga vintu vii ayalanga makasa yakwe nga nu mu mbazo. Lyene alondezi yazanga cuze pano yalola Mwene.

Yoane 20:20 ပူးပေါင်းရင်းမြစ်များ

Mateo 28:8

Caleka anaci yakumpeka kufuma kwi lindi, ala yakuuvwa intete, mbali yali nu luzango cuze, yasimula kuti yakanene alondezi yakwe.

Yoane 16:20

Cumi nkumunena vino mulalila nu kulosya, lelo amu nsi yalasansamuka. Mulaya nu ulanda lelo ulanda winu ulasenuka uye insansa.

Yoane 16:22

Vii avino cili kunomuli. Ndakai muli nu ulanda, lelo ndiza mulole nupya, nga ni myenzo inu ilazulamo ni nsansa zino pasi umuntu nanti umwi angazisisya kufuma kunomuli.

Yoane 19:34

Lelo wenga uwamu asilika amutota ni sumo mu mbazo, nga lilyo kwene mufuma wazi na manzi. (

Yoane 20:25

Caleka alondezi yauze iiza yamunena yati, “Twati tulola Mwene.” Lelo wene ayanena ati, “Ntakutaila, suka ndi nalola viyazi ivyacisilwe ni nsunga mu makasa yakwe nga nu kwika umunwe wane pa viyazi vivyo, nga ni kasa lyane mu mbazo zyakwe.”

Yoane 20:27

Lyene anena Tomasi ati, “Ndu simpe umunwe wako paa nu kulola makasa yane. Tambika ikasa lyako ulipisye mu mbazo zyane. Taa ukutwisika, nga utaile!”

1 Yoane 1:1

Twamulembela pali wiyo akaamwa ukuti Izwi likapela umi, wiyo uwaliko kufuma ku utandiko, wino tuvwile, nupya wino twaweni na manso itu. Endi twamulolekisye, nupya twamukumizye ni minwe itu.