Yoane 20:16 - Amazwi Yakwe Leza 2013

¹⁶ Yesu amunena ati, “Maliya!” Nawe Maliya aseleukila kunoli nga amuvwanzya mu Ciyebulai ati, “Laboni!” (Kuli kuti, “Kasambilizya.”)

Yoane 20:16 ပူးပေါင်းရင်းမြစ်များ

Utandiko 22:1

Insita imwi Leza wezizye Abulaamu avwanga kunoli, ati, “Abulaamu!” Nawe aasuka ati, “Mukwai, nkutezya!”

Utandiko 22:11

Lelo mungeli wakwe Yawe alaizya ukufuma umwiyulu ati, “Abulaamu, Abulaamu!” Nawe aasuka ati, “Anene mukwai.”

Utandiko 45:12

Yosefu atwalilila kuvwanga ati, “Ndakai mwensi pyu, nga nawe kwene Benjamini, mwasininkizya ukuti nene Yosefu.

Kufuma 3:4

Lino Yawe walola ukuti Mose akupalamila pipi, alaizya kunoli mukasi ka cimpuza ati, “Mose! Mose!” Nga Mose aasuka ati, “Mukwai.”

Kufuma 33:17

Lyene Yawe anena Mose ati, “Cisuma pamulandu wakuti nakumanya ningo nupya nkazangila munuli, namacita wakwe vino wavwanga.”

Lwimbo lwakwe Solomoni 3:4

Walanga nkufuma sile pa antu yalya, imuzana umukundwe wane. Imulema kwaula kumuta mpaka imwingizya nu mu ng'anda yakwe mayo, ku muputule uno navyalilwemo.

Lwimbo lwakwe Solomoni 5:2

Nemo nakaswile, lelo umwenzo wane walolanga. Nalosile kuno mukundwe wane akukonkonsya ku cisasa. Akuti, “Njulilako we mutemwikwa wane, we mukundwe wane, we nkunda yane, we unji. Umutwe wane watiutipata ku lumi, ni nyele zyane zyatizitipata kuli kungwi.”

Ezaya 43:1

Lelo ndakai, Yawe uwakuumvile we Yakobo, wiyo uwakupanzile we Izlaeli, akuti, “Utuvwa intete, pano natinkukulula, nakwama ukwi zina, wewe wakwane.

Mateo 14:27

Lyene lilyo kwene Yesu nawe avwanga kunoyali ati, “Posyini! Anene! Mutoopa!”

Mako 10:51

Yesu amuuzya ati, “Uzye ukulonda kuti nkucitile cani?” Impafu imwasuka iti, “Kasambilizya, nkulonda kuti nalola.”

Luka 10:41

Mwene nawe amwaasuka ati, “Mata! Mata! Wati usakamikwa nu kucuziwa pamulandu wa vintu ivingi.

Yoane 1:38

Yesu aseleuka, alola vino yakumulondela, nga ayauzya ati, “Mukulonda cani?” Nao yamunena yati, “Labi (kuli kuti Kasambilizya), uzye ukaikala kwi?”

Yoane 1:49

Natanaeli avwanga ati, “Kasambilizya wewe Mwana wakwe Leza! Wewe Mwene wa Izlaeli!”

Yoane 10:3

Awino na kalolela wa mulyango akayulila. Ni mfwele zyakwe zikauvwa izwi lyakwe lino akuzyama mazina nga nu kuzitungulula kunzi.

Yoane 11:28

Pacisila lino Mata wavwanga vii, apita aya aama kaci muze Maliya mu nkama amutotoza ati, “Mwene wataiza akukwama.”

Yoane 13:13

“Mukangama mukuti kasambilizya, nu Mwene. Mukalungika pano avino ndi.

Yoane 20:28

Tomasi amunena ati, “Mwene wane, Leza wane.”

Yoane 3:2

Wene waile kuli Yesu usiku, amunena ati, “Kasambilizya, twamanya vino wewe Kasambilizya wino wafuma kuli Leza. Pano pasi umuntu angacita vilangililo vino wemo ukacita, suka Leza ali nawe.”

Yoane 5:2

Mu Yelusalemu, pipi ni mpongolo yamwangwa Mpongolo ya Mfwele, mwali ciziya cino mu cilimi ca Ciyuda camwangwa Betisaida, cino cazingulwikwe ni nkungu zisano.

Yoane 6:25

Lino yamuzana ku mbalama yuze yakwe yemba, yamuzya yati, “Kasambilizya, uzye alilaci lino wizile kuno?”

Milimo 10:3

Uwanda umwi manguzi, cali manye nsita yakwe 3 koloko lino Konelio waweni cilolwa, muno waweni mungeli wakwe Leza akwiza kunoli, amunena ati, “Konelio!”

Milimo 9:4

Lyene apona pansi auvwa izwi likuti, “Saulo, Saulo! Pacani ukunzunya?”

1 Samueli 3:10

Yawe aiza aimilila papa nu kumwama vivi kwene wakwe vino wali wamwama na pankolelo ati, “Samueli, Samueli!” Lyene Samueli nawe aasuka ati, “Vwanga, pano umuomvi wako akutezya.”

1 Samueli 3:6

Nupya kwene Yawe aama Samueli ati, “Samueli!” Nga Samueli akatuka aya kuli Eli nga Eli nawe amunena ati, “Mwali mukungama. Anene mukwai!” Lelo Eli avwanga ati, “Mwanane, ala ntali nkukwama. Mwanane swilila kalambalale.”