Yoane 20:15 - Amazwi Yakwe Leza 2013

¹⁵ Alino Yesu amunena ati, “Kaciwe, uzye pacani ukulila? Uzye aweni wino ukulonda?” Maliya welenginye vino umuntu wii umulimi wa calo, caleka amunena ati, “Ndi cakuti wewe watumufumya, unene kuno watumwika nga nani namaya nkamutole.”

Yoane 20:15 ပူးပေါင်းရင်းမြစ်များ

Lwimbo lwakwe Solomoni 3:2

Insuka inti, “Awe kankatuke sile, indyatoke mu musumba, ncevyanye mu miseo nu mu masansa, nsuke inzane mukundwe wane. Akula nalondalonda, awe asi wakulola, awe.”

Lwimbo lwakwe Solomoni 6:1

We, wemuno wayemba ukuluta anaci onsi, uzye aukwi kuno mukundwe wako aile? Uzye inzila cii ino mukundwe wako wali walondela, pakuti tukwazwe ukumulonda?

Mateo 12:34

Mwe ana ya nzoka mwe! Uzye mungavwanga uli vintu visuma lino mwemwe yaipe? Pano mulomo ukavwanga vintu vizile mu mwenzo.

Mateo 28:5

Alino mungeli anena anaci yaya ati, “Mutoopa, pano manyile vino mukulonda Yesu, wino watanyilwe pa lupanda.

Mako 16:6

Nawe ayanena ati, “Mutaya ni ntete.” Manyile vino mukulonda Yesu uwaku Nazaleti, wino watanyilwe pa lupanda. Asimo muno, watazyukuka! Lolini pano yamwisile aepa.

Luka 2:44

Yelenginye vino ali mwi umba. Caleka yapisile uwanda upuma nga yatandika kumulonda mu akazi kao na muli yacuza yao.

Luka 24:5

Anaci yuvwa intete cuze, nga inamila pansi, alino antu yaya yayuzya yati, “Uzye pacani mukulondela umupuma mu afwe?

Yoane 1:38

Yesu aseleuka, alola vino yakumulondela, nga ayauzya ati, “Mukulonda cani?” Nao yamunena yati, “Labi (kuli kuti Kasambilizya), uzye ukaikala kwi?”

Yoane 18:4

Yesu wamanyile vintu vyonsi vino yali nu kucita kunoli, caleka aya pa nkolelo nga ayauzya ati, “Uzye mukulonda weni?”

Yoane 18:7

Nupya kwene Yesu ayauzya ati, “Mukulonda weni?” Nao yaasuka yati, “A Yesu uwaku Nazaleti.”

Yoane 20:13

Angeli yamuzya yati, “Kaciwe, uzye pacani ukulila?” Nawe aasuka ati, “Yati yafumya Mwene wane mwi lindi, nga ntamanyile kuno yati yamwika.”

1 Samueli 1:16

Utezya untunganye ne muomvi wako ukuti nene mwanaci iciwelewele. Insita yonsi ii nalinkupepa pa ulanda wane na pa cikonko cino cafundika ku mwenzo wane.”