Yoane 20:1 - Amazwi Yakwe Leza 2013

¹ Katondo tondo pa wanda wakutandika mulungu, lino kucili mfinzi, Maliya uwaku Magadala aya kwi lindi, nga alola vino iwe lyati lisisiwa pa mulyango wi lindi.

Yoane 20:1 ပူးပေါင်းရင်းမြစ်များ

Mateo 27:56

Pali yaa, pali Maliya uwaku Magadala, Maliya nyina wakwe Yakobo na Yosefu, nga nu muci wakwe Zebedi.

Mateo 27:60

aya aciika mwi lindi ilyakwakwe, lino umwine wafukwile mwi we. Lyene akunkulusizyapo iwe likulu pa mulyango wi lindi nga apita.

Mateo 27:64

Acino pela ilamulo ukuti ilindi lilindwe kufika pa manda yatatu. Pano ndu tacisile vivyo, ale limwi alondezi yakwe yangiza iiye icala cakwe Yesu nu kunena antu yati watazyukuka. Kusomba ku kwakusyalikizya kwene kulaya ukwipisye kuluta kwankolelo.”

Mateo 27:66

Caleka yapita yaya yalinda ilindi ningo. Yika cimanyililo piwe lya pa mulyango, cakumanyila umwi ndi walikunkulusya, kulifumyapo. Alino yasyapo na yakalinda akuti yalindapo.

Mateo 28:1

Lino Sabata lyapita, lyene ku macaca pa wanda walondelela wakutandika mulungu, Maliya uwaku Magadala nga na Maliya muze yaya kukulola ilindi.

Mateo 28:2

Awe lilyo kwene kuya ni cilundumusi cikulu, pano mungeli wa Mwene wika mwiyulu, aiiza akunkulusya iwe, alifumya nga aikalapo.

Mako 15:46

Yosefu wakazile insalu itiswe yamutengo nupya isalale. Alino aisya icala pansi, acipomba mu nsalu, nga aya aciika mwi lindi lino yafukwile mwi we. Lyene akunkulusizyapo iwe likulu pa mulyango wi lindi.

Mako 16:9

Pacisila lino Yesu wazyukuka kufuma ku mfwa, katondo tondo pa wanda wakutandika mulungu, aloleka inkolelo kuli Maliya uwaku Magadala, wino wafumizyemo mipasi yankota cinimbali.

Yoane 11:38

Nupya Yesu auvwa ulanda cuze, nga akatuka aya kwi lindi, lino ilyali ni iwe pa mulyango.

Yoane 11:41

Alino yasisya iwe. Lyene Yesu alingamila kwiyulu avwanga ati, “Tata, nakutaizya pano wanguvwa.

Yoane 19:25

Pipi nu lupanda lwakwe Yesu paimi nyina wakwe Yesu, na kaci muze mwina wakwe nyina, na Maliya muka Keleopa, nga na Maliya uwaku Magadala.

Yoane 20:26

Pacisila ca manda cinani, alondezi yakwe pali pamwi na Tomasi nupya yali mukasi ka ng'anda. Alino Yesu aiiza aimilila pakasi kao, ala ni milyango yatifiikilwa, nga ayanena ati, “Mutende uye namwe.”

Milimo 20:7

Pa wanda wakutandika mulungu tukongana pali pamwi ku kumokoola umukate wa wina. Paulo avwanga ku antu, atantalizya kuvwanga kufika usiku pakasi, pano wali nu kupita uwanda walondelela.

1 Kolinto 16:2

Cila wanda uwakutandika mulungu cila wenga uwa munomuli alinzile apaatule impiya zimwi pa mbali nu kusunga kulingana na vino walonka, pakuti kutakaye kusangula kwa mpiya lino ndiza.

Umbwilo 1:10

Pa wanda wa Mwene Mupasi Wamuzilo aikila panondi nga nuvwa izwi likulu, lino ilyuvwikike kwati lya ntandala, ala likulanda ku cisila cane.