Yoane 19:42 - Amazwi Yakwe Leza 2013

⁴² Pamulandu wakuti wali uwanda wakuteyanya uwa Ayuda, nga na pano ilindi lyali pipi, antu yaa oili iika cala cakwe Yesu mwenemo.

Yoane 19:42 ပူးပေါင်းရင်းမြစ်များ

Yoane 19:31

Wali uwanda wakuteyanya Sabata. Na Sabata walondelile wali uwamuzilo kuluta. Na Ayuda yatalondanga antu kusyala pa lupanda pa wanda wi Sabata. Acino yuzya Pilato kuti yavune maulu yakwe yao atanyilwe, nga yaisye.

Yoane 19:14

Cali pa wanda wa kuteyanya kuzevya Cimulo ca Ucilo, manye lino ilanzi lyafika mutwe papela (12 koloko). Pilato anena antu ati, “Mwene winu auwi kuno!”

Yoane 19:41

Kuno Yesu watanyilwe kwali calo, nga nu mukasi kaciko mwali lindi muno mutatazile mwikwemo icala.

Ezaya 53:9

Yamulalike ku mbiko apali ponga na yakaifya. Wazisilwe pamwi na akama. Nanti wene atatazile acite vya ukakasi, nanti ukulapa ivyaufi mu kanwa kakwe.”

Kolose 2:12

Pano lino mwawatiziwe, mwazisilwe pamwi na Klistu, nga nu mu luwatizyo mwazyukwike pamwi na Klistu pamulandu wakutaila mu maka yakwe Leza, wino uwalenzile kuti Klistu azyukuke kufuma ku afwe.

1 Kolinto 15:4

Alino wene wazisilwe nga pacisila ca manda yatatu aca azyukuka kufuma ku mfwa, ndi vino calembwa mu malembelo. Mat 12:40; Mil 2:24

Milimo 13:29

Lyene lino yamala kucita vyonsi vino malembelo yakataka pali aliwe, yamwisya pa lupanda, nga yamuzika mwi lindi.

Yoane 19:20

Antu aingi yaciwelenzile, pano cifulo cino Yesu watanyilwepo citali kutali nu musumba wa Yelusalemu. Cimanyisyo cii calemvilwe mu Ciyebulai, mu Cilatini, nga nu mu Cigiliki.

Mateo 12:40

Pano wakwe vino Yona waizi munda ya ciswi amanda yatatu musanya nu usiku, avino nu Mwana wa Muntu alalala mu musili amanda yatatu musanya nu usiku.

Masamu 22:15

Icikolomilo cane caticuma wa lukungu, nu lulimi lwane lwatilulematila ku kanwa. Watunsya wa mufwe umu lukungu lwa mfwa.