Yoane 19:40 - Amazwi Yakwe Leza 2013

⁴⁰ Antu ya oili yatoola icala cakwe Yesu, yacipomba mu nsalu itiswe yamutengo kumwi ni vya mununko usuma, kulingana nu lutambi lwa Ciyuda lwa kuteyanya kuzika icala.

Yoane 19:40 ပူးပေါင်းရင်းမြစ်များ

Utandiko 50:2

Alino Yosefu apeela malamulo kuli yasing'anga, aomvi yano amuombelanga kuti yapake icala amafuta akulesya kuola kwa cala cakwe isi. Yasing'anga iyacita ndi vino Yosefu wayanenyile.

2 Milandu 16:14

Yaile iyamuzika umwi lindi lino umwisikulu walanga wateyanya mpiti, umu Musumba wakwe Davidi. Apa kumuzika yamupasile ivimuti nga na mafuta acinunu cisuma. Apa ndosya yakwe iyapemba ni cininkwa ca moto icikulu sana.

Mateo 26:12

Umwanaci wii wali wapongolwela amafuta acinunu cisuma pa mwili wane kuti ateyanye kunzika.

Mako 14:8

Umwanaci wii watacita cino angacita! Watapongolwela amafuta yaa acinunu cisuma pa mwili wane, kuti auteyanye inkolelo ya nsita ya kunzika.

Luka 24:12

Lelo Petulo akatuka asimwilila nu kwi lindi. Lyene ainama, asungamilamo, alola sile insalu zitiswe zyamutengo zituzi. Alino aswilila ukwakwe ala akuzunguka pali cino icacitike.

Yoane 11:44

Alino Lazalo afuma, ala makasa na maulu yakwe yafufilwe mu nsalu ya mufwe, nga nu ku manso yakwe kwafufilwe ni citambala. Yesu ayanena ati, “Mufupululini nsalu, lekini apite.”

Yoane 12:7

Lelo Yesu avwanga ati, “Mulekini! Wene watasunga amafuta yaa acinunu cisuma kukuteyanyizizya wanda wa kuzikwa kwane.

Milimo 5:6

Alino alumendo iiza iingila mu ng'anda, yapomba icala cakwe mu nsalu, yafumya yaya yazika.