Yoane 19:4 - Amazwi Yakwe Leza 2013

⁴ Nupya kwene afuma aya avwanga kwi umba ati, “Lolini namufumya kunomuli, kuti mumanye vino nemo ntamuzanyile nu mulandu.”

Yoane 19:4 ပူးပေါင်းရင်းမြစ်များ

Mateo 27:19

Lelo lino Pilato watenzi pa cilimba ca kuputwila milandu, muci atuma izwi kunoli ati, “Utacita cintu nanti cimwi ku muntu wiyo uwakaele, pano usiku nali nalota vintu vingi pamulandu wakwe.”

Mateo 27:24

Lino Pilato walola vino waposiwa cakucita, lelo kuluta kuti mpanzela ikatuke, atoola manzi afulala minwe pa manso yi umba avwanga ati, “Nemo insi na mulandu wa kukoma umuntu wii uwakaele. Mwemwe mumanye vyakucita.”

Mateo 27:4

Lyene ayanena ati, “Nati nifya pa kukoopa umuntu uwakaele kuti afwe.” Nao yamunena yati, “Uzye cico cingatusakamika? Wewe umanye vyakucita.”

Mateo 27:54

Musika wa mpuka ya vita na yano wali nao, alindanga Yesu, yuvwa cilundumusi nu kulola vyonsi vyacitike. Alino yuvwa intete nga yavwanga yati, “Cumi, wene wali Mwana wakwe Leza!”

Luka 23:4

Lyene Pilato anena yasimapepo akalamba nga ni iumba ati, “Umuntu wii ntamuzanyile nu mulandu.”

Luka 23:41

Swemo catulingana ukuvunukwa, pano tukupokelela cilambu ciine ni milimo itu. Lelo pasi cintu cimwi ciipe cino umuntu wii wacita.”

Luka 23:47

Musika wa mpuka ya vita lino walola vino ivyacitike alumbanya Leza, ati, “Cumi umuntu wii wali uwakaele!”

Yoane 18:33

Nupya Pilato aingila mwi sano, aama Yesu nga amuuzya ati, “Uzye wewe uli Mwene wa Ayuda?”

Yoane 18:38

Alino Pilato auzya ati, “Uzye cumi icani?” Lyene Pilato afuma, aya nupya ku Ayuda, nga ayanena ati, “Ntamuzanyile nu mulandu wakuti avunukwe.

Yoane 19:6

Lino yasimapepo akalamba na yakalinda ya Ng'anda ikulu yakwe Leza yamulola, yasanzika mazwi yao yati, “Atanwe pa lupanda! Atanwe pa lupanda!” Pilato ayanena ati, “Mwemwe kwene musendini mukamutane, pano kwene nemo ntamuzanyile nu mulandu.”

2 Kolinto 5:21

Klistu atatazile aifye! Lelo Leza wamucisile wakwe kaifya pamulandu witu, kuti muli Klistu tukume ku wololole wakwe Leza.

Ayebulai 7:26

Lyene Yesu ali Simapepo Mukulu wino akafikilizya vilondwa vitu. Wene uwa muzilo. Wene atakwata mulandu, munoli mutaya ui. Wene wapatulwa kuli yakaifya, nupya wasendwa kwiyulu kupeelapela.

1 Petulo 1:19

Lelo yene uwazi wamutengo wa mpolelwa yakwe Klistu, wino wakoline wa mwana wa mfwele uwaula indema nanti iyala.

1 Petulo 2:22

Klistu atatazile aifye nupya kusi umwi uwatazile auvwa akutumpoka.

1 Petulo 3:18

Pano Klistu umwisikulu wafwile lyonga sile pamulandu wa maifyo itu. Wene wali uwakaele pa kufwila yakaifya, pakuti amutungulule kuli Leza. Wene wakomilwe, lelo aya nu umi ku mupasi.

1 Yoane 3:5

Mwamanya ukuti Klistu walolike kuti asende maifyo, nu kuti munoli mutaya iifyo.