Yoane 19:36 - Amazwi Yakwe Leza 2013

³⁶ Cii cacitike kuti cifikiliziwe cino calembwa mu malembelo cikati, “Kusi ifupa lyakwe nanti lyonga ililavunwa.”

Yoane 19:36 ပူးပေါင်းရင်းမြစ်များ

2 Yamwene 15:12

Fwandi ali vino ulayo wakwe Yawe wafikiliziwe, uno wanenyile umwene Yeu ati, “Amu mupanda wako, ukwizafika uku mukulo uwalenga cini, ali yano yalalasikwa pa vilimba vya wene umu Izlaeli.”

Masamu 22:14

Nemo natintemboka, lyene nkwituluka sile wa manzi. Na mafupa yane nayo yatiyafyontoka. Umwenzo wane ukoline ipula, ilyatilisunguluka.

Masamu 34:20

Yawe akawakilila amafupa yakwe yonsi pyu. Patangepaye nanti lyonga ilya kuvunika.

Masamu 35:10

Umwili wane onsi umatakanga ukuti, “Kutaya nanti wenga uwaya wakwe wewe! Ukatulanya anyukuntike kuli yao amaka, alanda na ulilwe, kuli yao akatitikizya!”

Kufuma 12:46

Mulinzile kuliila vilyo vyonsi mu ng'anda ino vyateyanyiziwa. Kusi cilyo cimwi cakufumizya panzi. Nupya kusi kuvuna ifupa nanti lyonga lya nyama iyo.

Mpendwa 9:12

Yene yatalinzile kusya nanti cimwi pali vii ukufika na katondo. Nupya yatakezye kukontola nanti ukukokota ifupa. Ali vino yali nu kuzevya Cimulo ca Ucilo mu kulondela amalamulo yonsi.

Mateo 1:22

Vintu vii vyonsi vyacitike kuti cifikiliziwe cino Mwene walanzile kupitila muli kasema ati,

Yoane 13:18

“Ntakulanda pamulandu wakwe mwemwe mwensi. Manyile yao yano nasolola. Lelo ilembelo lilinzile lifikiliziwe, lino likati, ‘Umuntu wino akulya pamwi nani watankatukila.’

Yoane 19:24

Asilika yavwanzyanya yati, “Lekini tutaulepula. Lekini tupendole kuti tulole wino amautola.” Cii cacitike kuti cifikiliziwe cino calembwa mu malembelo cikati, “Yankine nsalu zyane aisikulu nga na pa mwingila wane yacita usilizi.” Vii avino asilika yacisile.

Yoane 19:28

Alino pa nsita ilya Yesu wamanyile vino vyonsi vyati visila, nga pakuti cifikiliziwe cino calembwa mu malembelo, avwanga ati, “Nuvwa lusala.”