Yoane 19:31 - Amazwi Yakwe Leza 2013

³¹ Wali uwanda wakuteyanya Sabata. Na Sabata walondelile wali uwamuzilo kuluta. Na Ayuda yatalondanga antu kusyala pa lupanda pa wanda wi Sabata. Acino yuzya Pilato kuti yavune maulu yakwe yao atanyilwe, nga yaisye.

Yoane 19:31 ပူးပေါင်းရင်းမြစ်များ

Kufuma 12:16

Pa wanda wakutandika, nga na pa wanda uwalenga cinimbali, mulinzile kukongana ku kupepa. Mutalinzile ukuomba mulimo nanti umwi pa manda yao, lelo ivyakulya vyene mungateyanya.

Mapinda 12:10

Umuntu akacita vyaololoke akasakamala umi wa viteekwa vyakwe, lelo umunkalwe wene atavikwatila uluse, awe.

Mika 3:3

Mwacita kwati mukalya antu yane, nu kuyafuwa impapa, nu kukontola amafupa yao, nga nu kuyaputolela mu ntendo ungati inyama.

Mateo 27:62

Pa wanda walondelile, pa Sabata, yasimapepo akalamba na Afaliseo yakongana kwakwe Pilato.

Mako 15:42

Cali lino ilanzi lyatemba pa wanda wakuteyanya, lino Sabata lyati lyatandika.

Yoane 19:1

Lyene Pilato apeela ilamulo kuti yume Yesu vikoti.

Yoane 19:14

Cali pa wanda wa kuteyanya kuzevya Cimulo ca Ucilo, manye lino ilanzi lyafika mutwe papela (12 koloko). Pilato anena antu ati, “Mwene winu auwi kuno!”

Yoane 19:42

Pamulandu wakuti wali uwanda wakuteyanya uwa Ayuda, nga na pano ilindi lyali pipi, antu yaa oili iika cala cakwe Yesu mwenemo.

Yoswa 8:29

Alino akulika umwene waku Ai ku cimuti, nga amusya akulelemba kuku kwene mpaka lino ilanzi lyawa. Nga lino ilanzi lyawa, Yoswa ayapeela ilamulo lya kusamula icala nu kucifuntula pa wingililo wa mpongolo ya musumba ulya. Alino lyene iyalonga penepo umutumba ukulu wa mawe, uno uliko ukufika na pilelo kwene.