Yoane 19:26 - Amazwi Yakwe Leza 2013

²⁶ Lino Yesu walola nyina, nu mulondezi wino watemilwe cuze, ala yaimi pipi, anena nyina ati, “Mayo, wii umwana wako.”

Yoane 19:26 ပူးပေါင်းရင်းမြစ်များ

Yoane 13:23

Wenga uwamu alondezi, wino Yesu watemilwe, watenzi pipi na Yesu lino yali pa cipango yakulya.

Yoane 2:4

Yesu amwaasuka ati, “Mayo, vivyo vitampazi. Kasita kane katali kafike.”

Yoane 20:2

Caleka asimula aya kuli Simoni Petulo nu mulondezi muze, nga ayanena ati, “Yati yafumya Mwene mwi lindi, nga tutamanyile kuno yati yamwika.”

Yoane 21:20

Petulo aseleuka, nga alola mulondezi wino Yesu watemilwe kuluta ala alondile. Wikwene ali wino watenzi pipi na Yesu lino yali pa cipango yakulya, auzya ati, “Mwene, uzye aweni amakukoopa?”

Yoane 21:24

Mulondezi kwene wii aliwe wapela umboni nga nu kulemba vintu vii vyonsi. Twamanya vino umboni wakwe uwa cumi.

Yoane 21:7

Alino mulondezi wino Yesu watemilwe kuluta anena Petulo ati, “Ala wii Umwene!” Lino Simoni Petulo uvwa vino umuntu wii Umwene, azwala ikoti (pano walanga watasamwila) nga aisumba muli yemba.