Yoane 18:4 - Amazwi Yakwe Leza 2013

⁴ Yesu wamanyile vintu vyonsi vino yali nu kucita kunoli, caleka aya pa nkolelo nga ayauzya ati, “Uzye mukulonda weni?”

Yoane 18:4 ပူးပေါင်းရင်းမြစ်များ

1 Yamwene 18:10

Awe nkulanda icumi, pali Yawe Leza wako uwa umi, kusi uluko nanti uwene umwi kuno umusambazi wane atatumako umuntu umwi wakuti afume akukulonda. Na lino amu luko nanti uwene uwo yalanda ukuti utaaya kweneko, wene akayanena kuti yalape nu mulapo ukuti wemo yatakuzana kweneko.

Neemiya 6:11

Lelo nemo namwaswike inti, “Uzye icumi umuntu uwaya wakwe nene, nawe angapuuka? Uzye umu cumi umuntu wa milimo ino nakwata angapuukila uli umu Ng'anda ikulu yakwe Leza kuti apusuke? Awe, cakana nemo nsyakuya mwenemo.”

Masamu 27:3

Nanti sile iumba lya vita lyankatukila, nemo ntange nuvwe ni ntete. Nanti sile anisi yane yanzanza, nemo indataila sile muli Leza.

Masamu 3:6

Ntange noope anisi amazimbi nyanya, ati yandizizya umu mbali zyonsi.

Mapinda 28:1

Umuntu mwipe akapuuka, ala pasi na akumuzinganya. Umuntu musuma wene wapama wakwe cisama.

Mateo 16:21

Kufuma pa nsita kwene ilya nu kutwalilila, Yesu atandika kunena alondezi yakwe paswe ati, “Indi nu kuya ku Yelusalemu, kuno ndapelwa mu makasa ya ikolo ya Ayuda, yasimapepo akalamba na yakasambilizya ya Masunde, yano alancuzya cuze. Yalankoma, lelo pa wanda uwalenga yatatu ndazyukuka nu kuya nu umi.”

Mateo 26:2

“Mwati mumanya vino kwasyala manda yaili kufika pa wanda wa kuzevya Cimulo ca Ucilo, nga nu Mwana wa Muntu alapeelwa kuti yamutane pa lupanda.”

Mateo 26:21

Walanga yacili yakulya, Yesu ayanena ati, “Wenga uwa munomuli amankoopa.”

Mateo 26:31

Lyene Yesu nawe ayanena ati, “Usiku kwene uu, mwensi kwene mumamfutatila nu kunsya nenga, pano calembwa cati, ‘Ndakoma kacema nu ufyo wa mfwele ulasalangana.

Luka 24:44

Lyene ayanena ati, “Vii, vili vintu vino namunenanga lino nali namwe, ukuti vintu vyonsi vino vyalemvilwe pamulandu wane mu mpapulo zyakwe Mose na zyakwe yakasema, nga nu mu Masamu vilinzile kufikiliziwa.”

Yoane 13:1

Kwasile sile uwanda onga kufika ku kuzevya kwa Cimulo ca Ucilo. Yesu wamanyile vino kasita kati kafika ka kufuma mu nsi kuya kuli Isi. Pano insita zyonsi watemilwe akwakwe yano ali mu nsi. Wene wayatemilwe cuze.

Yoane 13:11

Pano wamanyile wino amamukoopa caleka Yesu wavwanzile ati, “Mwensi kwene mwemwe aswepe, suka sile wenga.”)

Yoane 18:5

Nao yaasuka yati, “A Yesu uwaku Nazaleti.” Yesu avwanga ati, “Anene.” Na Yuda kwene wino uwali nu kukoopa Yesu ala aimi nao papa kwene.

Yoane 18:7

Nupya kwene Yesu ayauzya ati, “Mukulonda weni?” Nao yaasuka yati, “A Yesu uwaku Nazaleti.”

Yoane 19:28

Alino pa nsita ilya Yesu wamanyile vino vyonsi vyati visila, nga pakuti cifikiliziwe cino calembwa mu malembelo, avwanga ati, “Nuvwa lusala.”

Yoane 6:64

Lelo nalyo kwene yamwi munomuli yasyakutaila.” (Kufuma ku utandiko wa kutumikila kwakwe, Yesu wamanyile yao atalamutaila nga na wiyo alamukoopa)

Milimo 2:28

Wandanga inzila zyakuntwala ku umi, nga nani ndazanga cuze lino wemo waya pipi nani.’

1 Petulo 4:1

Klistu wacuzile ku mwili lino wali pano pa nsi. Acino namwe kwene mulinzile kuikomelezya mweisikulu ni myelenganyizizye ili yonga na ino wene wakweti. Pano wino wensi uwacula ku mwili ala wene asyakukumako ku kwifya nupya.