Yoane 18:30 - Amazwi Yakwe Leza 2013

³⁰ Nazyo zyasuka ziti, “Ndu muntu wii asi kacita wa viipe, nga tutamupile kunuli.”

Yoane 18:30 ပူးပေါင်းရင်းမြစ်များ

Mako 10:33

Ayanena ati, “Uvwini, tukuya ku Yelusalemu kuno Mwana wa Muntu alakoopelwa kuli yasimapepo akalamba na kuli yakasambilizya ya Masunde, nu kumuvunuka kuti afwe. Alakoopelwa ku Akulukuwa.

Mako 15:3

Alino yasimapepo akalamba yamulongwela milandu iingi,

Luka 24:7

ati, ‘Umwana wa muntu alinzile apelwe ku antu yakaifya, nu kutanwa, na pa wanda wakulenga yatatu alazyukuka.’”

Yoane 18:29

Caleka Pilato afuma aya kuno zili azyuzya ati, “Uzye mulandu cii uno mukupeela umuntu wii?”

Yoane 18:31

Pilato avwanga ati, “Musendini mweisikulu mukamupingule kulingana na Masunde inu.” Ayuda nao yamunena yati, “Tutazumiliziwa kukoma umuntu ali wensi.” (

Yoane 19:12

Lyene lino Pilato uvwa cii, aezya kulonda inzila yakuti asapule Yesu. Lelo iumba lisanzika izwi liti, “Ndi umamusapula, ale usi cuza wakwe Kesa! Wino wensi akuitaka vino wene mwene ala akusangukila Kesa!”

Milimo 3:13

Leza wakwe Abulaamu, Isaki na Yakobo, Leza wa vikolwe vitu uwapela lulumbi kuli Yesu muomvi wakwe. Mwemo mwamupile ku ntunguluzi zya Ciyuda mumukana pa manso yakwe Pilato, nanti angala Pilato wakasi kuti amusapule.

2 Timoti 2:9

Pamulandu wa kukosola Ilandwe Lisuma, nemo nkacula nu kunyepwa mu minyololo kwati nene cipondo. Lelo mazwi yakwe Leza yene yatanganyepwa mu minyololo.

1 Petulo 4:15

Umwi uwa munomuli ndi wacula, lekini citaya pamulandu wakuti wene inkomi nanti umwivi nanti cipondo nanti wino akaitumpa mu vintu vitamupazi.