Yoane 18:20 - Amazwi Yakwe Leza 2013

²⁰ Yesu amunena ati, “Nsita zyonsi navwanganga paswe kuli cila muntu. Kusambilizya kwane konsi kwacitwanga mu mang'anda yamapepo, nga nu mu Ng'anda ikulu yakwe Leza, muno Ayuda yonsi yakongananga. Ntatala navwanga cimwi mu nkama.

Yoane 18:20 ပူးပေါင်းရင်းမြစ်များ

Masamu 22:22

Namalandilanga antu yane ululumbi lwako. Namakulumbanyanga lyonsi umu kukongana kwao.

Masamu 40:9

Umu ukongano ukulu wa antu yako, amuno nemo numa imbila yi landwe lisuma ilya ufyusi wako. Ala we Yawe wamanya mpiti ukuti nemo ntalatala inte ukwalazya ilandwe lii.

Ezaya 45:19

Insikulandila mu umfisolo foo, nanti ukufisa vino nkapanga ukucita. Nsilonda kuti amu mupanda wakwe Yakobo yandonda cilondelonde apasi cimwi. Ne Yawe nkalanda icumi, nkamanyisya antu ivilungame.”

Ezaya 48:16

“Acino fwandi mwemo palamilini sile kuno, muvwe vino nemo nkuvwanga. Ukutandika sile uku katalili, nemo nkamulandila ivintu apaswe, nupya lyonsi nkaleka vino ndanzile vicitike.” (Lyene Yawe wampeela Umupasi wakwe, nu kuntuma.)

Mateo 24:26

“Caleka antu ndi yaca yamunena yati, ‘Lolini, Klistu awilya kuku, mu lwanga!’ Mutakayeko. Nanti ndi yaca yamunena yati, ‘Klistu ali kuno, mu miputule ya mukasi ka ng'anda.’ Mutakayataile.

Mateo 26:55

Pa kasita kaka, Yesu anena iumba ati, “Uzye mwizile kuli nene ni mpaanga ni zya ntuwa pa kundema, ungati nene cipondo? Manda aingi nazanwanga mu Ng'anda ikulu yakwe Leza, ala nkusambilizya, nga namwe mutandemile.

Mateo 26:65

Lyene Simapepo Mukulu alepula mwingila wakwe, avwanga ati, “Watuvwanga mazwi ya misuli apali Leza. Tusikulonda umboni nauze! Ndakai mwati muvwa mazwi ya misuli apali Leza.

Mateo 4:23

Lyene Yesu apitana mu Galile monsi, ala akusambilizya mu mang'anda ya mapepo nu kukosola Ilandwe Lisuma lya Wene nga nu kupozya alwile ndwala zya misango yonsi.

Mateo 9:35

Lyene Yesu apitana mu misumba nu mu mizi yonsi kwene, ino yali pipi na yemba uwaku Galile. Wene asambilizya mu mang'anda ya mapepo nu kukosola Ilandwe Lisuma lya Wene wakwe Leza, nu kupozya indwala zya misango yonsi, ni ndema.

Mako 8:32

Avwanga paswe kunoyali. Caleka Petulo amusenda pa mbali atandika kumukalipila.

Luka 21:37

Manda onsi Yesu wasambilizyanga mu Ng'anda ikulu yakwe Leza. Amanguzi lyonsi wayanga ku Mwamba wa Olivi akuno aikala.

Luka 4:15

Wene wasambilizyanga mu mang'anda ya mapepo, na antu yonsi yamulumbanya.

Yoane 18:21

Uzye lyene, pacani ukunguzya? Uzya antu yao anguvwile. Uyuzye pali vino nayanenyile. Yene yamanyile vintu vino navwanzile.”

Yoane 6:59

Yesu wavwanzile vintu vii ala akusambilizya mu ng'anda ya mapepo ku Kapenaumu.

Yoane 7:14

Lino manda ya kuzevya cimulo yafika pakasi, Yesu aingila mu Ng'anda ikulu yakwe Leza atandika kusambilizya.

Yoane 7:26

Lolini, wene akuvwanga paswe, nga kusi nanti wakumucilima! Uzye ale intunguluzi zyamanya ningo ukuti wene ali Katuula uwalavilwe?

Yoane 7:28

Lino Yesu wasambilizyanga mu Ng'anda ikulu yakwe Leza, asanzika izwi ati, “Uzye nemo mwamanya mu cumi, nga na kuno nafuma? Nemo ntaizila pa lwane. Lelo Tata wino uwantuma uwa cumi. Mwemo mutamumanya.

Yoane 7:4

Pasi umuntu akafisa milimo yakwe nda kulonda kuti amanyikwe na antu. Pano ndu kucita vintu vii leka antu yonsi yamanye.”

Yoane 8:2

Katondo tondo pa wanda uwalondelile aya aingila mu Ng'anda ikulu yakwe Leza. Antu yonsi yamuunganila, nga aikala pansi atandika kusambilizya.

Yoane 8:26

Nkweti vintu vingi vyakumunena makamaka pa viipe vino mwacita. Lelo wino uwantuma wene uwa cumi, nga nani nkanena amu nsi vino nuvwa sile kunoli.”

Milimo 26:26

Mwene Agilipa! Ningavwanga kunuli nu kupama, pano umanyile vintu vii. Nati nsininkizya ukuti pasi cimwi cino utamanyile, pano vintu vitacitikile mu umfisolo.