Yoane 18:11 - Amazwi Yakwe Leza 2013

¹¹ Lelo Yesu anena Petulo ati, “Swilizya lupanga lwako mu cipata caluko! Uzye ukwelenganya vino ntangamwa lwako lwa ucuzi luno Tata watampela?”

Yoane 18:11 ပူးပေါင်းရင်းမြစ်များ

2 Samueli 16:10

Lelo umwene anena Abisyai na Yoabu umwina wakwe, ati, “Icintu cii citamupazi, mwe ana yakwe Zeluya. Ndi wene akuntipwila pamulandu wakuti Yawe watamunena ukucita cico, uzye lyene aweni akweti insambu zya kuuzya umulandu cino akucitila cico?”

Masamu 75:8

Yawe alemile ulwako mu minwe, uluzilemo waini umukali wakwe cimwi, wino akutambikizya uku antu yonsi apanonsi. Aipe yonsi yali nukumwa tonsi pyu, yafipilile nu twakusyalikizya.

Ezekelo 23:31

Walondelelanga imisango yakwe nyokolenzi. Caleka nani kwene ndakufulilwamo.

Mateo 20:22

Lelo Yesu ayanena ati, “Mutamanyile cino mukulenga. Uzye mungamwa mu lwako lwa ucuzi luno nasya imwemo?” Nao yaasuka yati, “Tungacita.”

Mateo 26:39

Apita katalamukila panono, afukama pansi ainime, nga apepa ati, “Tata ndi cingaya, leka ulwako luu lwa ucuzi lusisiwe kunondi. Kusi kulonda kwane, lelo kulonda kwako kucitike.”

Mateo 26:42

Nupya aswilila iila lyakwe ciili, apepa ati, “Tata, ndi citangaya kuti lwako luu lwa ucuzi lusisiwe kunondi suka nkamwemo, leka kulonda kwako kucitike.”

Luka 12:30

Pano antu atataila Leza alio yakasakamala pa vintu vii vyonsi. So wamanya vino mukalonda vintu vii.

Luka 22:42

“Tata, ndu kasi sisya lwako luu lwa ucuzi kunondi. Kusi kulonda kwane, lelo kulonda kwako kucitike.” [

Yoane 15:10

Ndi mwayela masunde yane, ale lyonsi mumaikala mu kutemwa kwane, ndi vino nani nkayela masunde yakwe Tata nu kwikala mu kutemwa kwakwe.

Yoane 17:24

“Tata! Wayampela, nga nani nkasi kuti yaye nani kunondi, kuti yangalola lulumbi lwane luno wampile. Pano wemo wantemilwe lino insi itali icitwe.

Yoane 18:36

Yesu avwanga ati, “Uwene wane usi uwa muno nsi! Ndi uwene wane uya uwa muno nsi, lyene alondezi yane nga yakulwisya kuti ntapelwa ku ntunguluzi zya Ciyuda. Awe, uwene wane usi uwa muno nsi.”

Yoane 20:17

Yesu amunena ati, “Utandemamo pano ntali nkwele inje kuli Tata. Lelo yanga ku inane ukayanene vino nkukwela inje kuli Tata, ali So, Leza wane nupya Leza winu.”

2 Kolinto 10:4

nanti kuomvya vyanzo vya muno nsi pa kulwa ulwi. Lelo mu cifulo cakwe cii, swemo tukaomvya maka yakwe Leza yano angonona malinga ya mwanisi. Swemo tukaonona kwelenganya kwa ntumpu

2 Kolinto 6:7

tukalanda ivya cumi nga na maka yakwe Leza yaomba muno tuli. Tukaomvya vyanzo vya wololoke kwi kasa itu lunji ni limani kwene.

Ayebulai 12:2

Lekini twike manso pali Yesu, wino utailo witu wimililapo kufuma kukutandika kufika nu ku mpela. Wene atanenwike pamulandu wa mfwa ya pa lupanda! Wene atelenginye cimwi pa kuzewana kwa mfwa ya pa lupanda, pamulandu wa luzango luno lwali nkolelo. Ndakai atenzi kwi kasa lilunji lya cilimba cakwe Leza.