Yoane 17:6 - Amazwi Yakwe Leza 2013

⁶ “Nati ndenga kuti antu yano wampile kufuma mu nsi yakumanye. Yene yali akwako, nga nawe wayampile. Yene yakayela mazwi yako,

Yoane 17:6 ပူးပေါင်းရင်းမြစ်များ

Masamu 119:11

Nkawaka amazwi yako umu mwenzo wane, apakuti intaluvyanya kunuli.

Masamu 22:22

Namalandilanga antu yane ululumbi lwako. Namakulumbanyanga lyonsi umu kukongana kwao.

Kufuma 9:16

Lelo pakuti nkulange maka yane kuti uye umumi pakuti antu munsi yonsi yandumbanye.

Mapinda 2:10

Pano umakwatisyanga amano, nu kusansamuka, umasansamukanga apa mano yako.

Mapinda 23:23

Wemo ule ukale icumi, nupya utezya kucikazya. Ukale na mano, icuvwilo nu kwiluka.

Yoane 1:18

Pasi umuntu watala alola Leza. Suka Mwana wenga sile wino wikala pamwi ni Isi. Mwana kwene uwiza wamusokolola.

Yoane 12:28

Tata, langa antu yonsi lulumbi lwi zina lyako!” Alino izwi lifuma mwiyulu liti, “Nati ndangizya antu lulumbi lwane nga ndacita cii nupya kwene.”

Yoane 15:19

Ndi mwemo muya amu nsi, nga amu nsi yamutemwa wa antu yao. Lelo mwemo namusolwile kufuma mu nsi ii. Mwemo musi amu nsi, caleka amu nsi yamupata.

Yoane 15:3

Ndakai mwaswefiwa pamulandu wa mazwi yane.

Yoane 15:7

Ndi mwikala munondi nga na mazwi yane ikala munomuli, lyene mulalenga consi cino mukulonda nga naco cilapelwa kunomuli.

Yoane 17:12

Lino nali nao, nayasunganga ningo kupitila mu maka yako yano wampile. Nayacingililanga, nga kutali wenga uwalowa, suka sile umuntu wino uwasolwilwe kulowa, kuti cino calembwa cifikiliziwe.

Yoane 17:14

Nayapile izwi lyako, nga na antu amu nsi yayapata, pano yasi wa antu amu nsi ndi vino nani kwene nsi wa antu amu nsi ii.

Yoane 17:16

Ndi vino nsi wa antu amu nsi, nao kwene yasi wa antu amu nsi.

Yoane 17:2

Pano wemo wamupile maka pa antu onsi, kuti angapeela umi wa pee kuli yonsi yano wamupile.

Yoane 17:24

“Tata! Wayampela, nga nani nkasi kuti yaye nani kunondi, kuti yangalola lulumbi lwane luno wampile. Pano wemo wantemilwe lino insi itali icitwe.

Yoane 17:26

Nene nalenzile kuti yakumanye, nupya namatwalilila kucita vikwene, kuti kutemwa kuno wakwata panondi kuye panoyali. Na kuti nani ningaya wenga nao.”

Yoane 17:7

nga ndakai yamanya ukuti vintu vyonsi vino wampile vyafuma kunuli.

Yoane 18:9

Wavwanzile cii kuti yafikiliziwe mazwi yano wavwanzile ati, “Muli yao yano wampile, ntaponzya nanti wenga.”)

Yoane 6:37

Onsi yano Tata wampeela yaliza kunondi, na wino wensi uwiza kunondi ntalamuzinga.

Yoane 6:39

Na kuu kuli kulonda kwakwe wino uwantuma, ukuti ntakaponzye nanti wenga pali yonsi yano wampela. Lelo ukuti nkaleke yonsi yakazyukuke yaye nu umi pa wanda wampelelekezyo.

Yoane 8:51

Cumi namunena nati, wino wensi akayela mazwi yane wene atalafwa.”

Yoane 8:52

Ayuda yati, “Ndakai twamanya nu kusininkizya vino uli nu mupasi wankota! Abulaamu wafwa, na yakasema nao yafwa nga nawe wavwanga wati, wino wensi, akayela mazwi yako wene atalafwa.

Milimo 13:48

Lino Akulukuwa yuvwa cii, yazanga nu kutasya ilandwe lya Mwene. Na yao yonsi yano Leza wasolwile kuti yaye nu umi wape, yataila mu Mwene.

Loma 11:2

Leza atafutatila antu yakwe yano wasolwile kufuma ku utandiko wa uumbo. Uzye mutakwiusya vino calembwa mu malembelo ukuti Eliya wailizyanyizye kuli Leza pamulandu wa ina Izlaeli ati,

2 Kolinto 4:6

Calembwa mu malembelo cati, “Leza watile kuye luswepo, luyako.” Luswepo luyengesa mu mfinzi. Lyene ndakai Leza kwene wiyo akuyengesa mu myenzo itu kuti antu yamanye vino lulumbi lwakwe lukaloleka muli Yesu Klistu.

Kolose 3:16

Lekini Ilandwe lyapali Klistu likale mu myenzo inu, mu ukama wi landwe mwasambilizyanya nu kutungululana na mano onsi. Mwaimbi nyimbo zya kulumbanya, ni zyamuzilo kuli Leza. Mwaimbila Leza ni ntaizyo mu myenzo inu.

2 Timoti 1:13

Komeleka umu kuyela usambilizyo wa cumi uno nakupile, uye icilangililo kunuli kuti avino wasambilizya. Twalilila mu utailo nu kutemwa kwakwe Klistu Yesu.

Ayebulai 2:12

Wene wavwanga wati, “We Leza, nemo ndanena aina yane ivya pali wewe. Ndakulumbanya mu ukongano wao.”

Ayebulai 3:6

Lelo Klistu u Mwana uwakutailwa wino akaangalila ng'anda yakwe Leza. Sweswe tuli ng'anda yakwe, ndi twalemasya kuposya nu kutaila muli vino tukapaalila.

1 Petulo 1:1

Kalata kufuma kuli ne Petulo mutumwa wakwe Klistu Yesu. Nkulembela antu asololwe yakwe Leza, yano asalangana wa mbutusi mu miputule yonsi yamu Ponto, Galatiya, Kapadokiya, Asiya, nga nu mu Bitiniya.

1 Yoane 5:20

Twamanya ukuti Mwana wakwe Leza wiza nupya uwalenga kuti tumanye Leza wa cumi. Swemo tukaikala muli Leza wa cumi, na muli Yesu Klistu Mwana wakwe. Wene ali Leza wa cumi nupya aliwe akatupeela umi wape.

Umbwilo 2:13

Namanya kuno ukaikala akuno Ciwa wika cilimba cakwe ca wene. Mwemo mwaya akutailwa kunondi, nupya mutatala mwata kutaila nu mu nsita kwene ino Antipa kambone wane uwakutailwa wakomilwe kumwinu kuko kuno Ciwa akaikala.

Umbwilo 3:10

Pano wayela sunde lyane nu kuposya. Caleka ndakusunga ningo mu nsita yakweziwa lino iliza pa nsi yonsi, kuti yonsi aikalapo yeziwe.

Umbwilo 3:8

Namanya milimo yako. Nakuyulila mulyango nupya kusi angauyala. Namanya vino maka yako yatavula, lelo ukayela mazwi yane nupya utankana.