Yoane 17:19 - Amazwi Yakwe Leza 2013

¹⁹ Pamulandu wao nemo naitula kunuli kuya uwakwako, kuti nao kwene yaitule kunuli yaye akwako mu cumi.

Yoane 17:19 ပူးပေါင်းရင်းမြစ်များ

Ezaya 62:1

Nemo pali wewe Zioni ntange nikale sile cele. Nemo pali wewe Yelusalemu ntange ntonte kulanda pali wewe, mpaka sile ukululwe, mpaka sile indole ukuti insambu zyako zicate wa kasanya nu kucimvya kwako kuye wa luswepo ulukukozya usiku mu kanda.

Yelemiya 1:5

“Nakusolwile lino ntacili nkuumbe mu ndilwa yakwe mayo wako, Lino utali uvyalwe ala nakusonta mpiti, kuti uce uye kasema wa mitundu yonsi.”

Mpendwa 7:15

Alino na kacipambasi konga, na suuku wenga, nu mwana wa mfwele wenga wa mwaka onga. Vyonsi vii vya wila wakoca.

Yoane 10:36

Nemo Tata wansolola nu kuntuma mu nsi. Uzye lyene mungati uli nkuvwanga mazwi ya misuli kuli Leza, pano inavwanga vino nene Mwana wakwe Leza?

Yoane 15:13

Pasi kutemwa kwa muntu ukwaluta kuu, ukuti umuntu aipeele kufwila yacuza yakwe.

Yoane 15:3

Ndakai mwaswefiwa pamulandu wa mazwi yane.

Yoane 17:17

Leka icumi ciyacite kuya akwako. Mazwi yako lyonsi acumi.

Yoane 17:20

“Ntakupepela sile yaa, lelo na yao alantaila pamulandu wa mazwi yao.

1 Kolinto 1:2

Kwi uvi lyakwe Leza ilili mu Kolinto, na kuli yonsi yano aamwa kuti yaye antu yakwe Leza amuzilo, ali akwakwe mu kutaila kwao muli Klistu Yesu, pali pamwi na antu yonsi konsikonsi yano akapepa Mwene witu Yesu Klistu, Mwene witu nupya wakwao.

2 Kolinto 4:15

Vii vyonsi vyacisilwe pamulandu winu, pakuti vino cikuku cikufika ku antu aingi vivyo kwene cikungilizya ntaizyo ku lulumbi lwakwe Leza.

2 Kolinto 7:14

Namunenyile vino nkailumba pali vino mwaya, nga namwe mutandenga kuya uwa nsonyi. Ndi vino lyonsi tukulanda cumi kuno muli, avino cili pali vino nanenyile Tito ivya pali mwemwe.

2 Kolinto 8:9

Mwamanya cikuku ca Mwene witu Yesu Klistu. Nanti angala wali umukama, wene waicisile mupina kuti muye akama kupitila mu upina wakwe.

Kolose 1:6

Ilandwe Lisuma likutwalilila kuleta upolelelo nupya likusalangana mu nsi yonsi, ndi vino likacita lyonsi pakasi kinu kufuma pa wanda uno mwatandike kuvwa pa cikuku cakwe Leza nu kucimanyikisya vino caya.

1 Tesalonika 4:7

Leza atatwama kuti twacita vya winyi, lelo watwama kuti tuye amuzilo.

2 Timoti 2:10

Acino nemo nkaposya muli vyonsi pamulandu wa antu asololwe yakwe Leza. Nemo nkacita cii kuti nao kwene Klistu Yesu ayatuule nu kupokelela lulumbi lwa manda pe.

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

Ayebulai 10:29

Uzye lyene citalalusya ku muntu wino akusula Mwana wakwe Leza? Nu ku muntu wino akalola wazi wa upangano wakwe Leza kwati cintu casilesile uno wamuswefya ku ui? Nu ku muntu wino akatuka Mupasi wino akuleta cikuku? Elenganyini kwipisya kwa kuvunukwa kuno wene alavunukwa!

Ayebulai 2:11

Wene akaswefya antu ku maifyo yao, nga aliwe pamwi na yao aswefiwa yonsi kwene Isi a wenga mpo. Uli mulandu uno Yesu asi ni nsonyi zya kuyama ukuti aina yakwe.

Ayebulai 9:13

Wazi wa mbuzi na yacipambasi ya ng'ombe nga ni twi lya ndama vyonsi vikakanyiwa pa antu akowele kulingana ni mipepele ya Ciyuda. Mu musango uu amuno yakaswefiwa ku kukukowela kwa ku mwili.

Ayebulai 9:18

Uli mulandu uno nu upangano wankolelo kwene waombanga sile pa kuomvya uwazi.

Ayebulai 9:26

pano acita vivyo wange acule maila aingi kufuma ku kuumbwa kwa vintu vyonsi. Lelo ndakai, lino mpelelekezyo ya nsita zya mikulo yonsi yapalama, wene waloleka lyonga nupya calimwi kuti atufumizye maifyo kupitila mu mpolelwa ino umwisikulu waipile.

1 Yoane 3:18

Mwe ana yane mwe, kutemwa kwitu kutaya sile mukulanda. Kwene kulinzile kuya ukwa cumi nupya kwaloleka mu milimo.

1 Yoane 3:3

Muntu ali wensi wino uwakwata upaalilo uu muli Klistu, ala wene akaikala mu muzilo ndi vino Klistu wikala.