Yoane 17:18 - Amazwi Yakwe Leza 2013

¹⁸ Ndi vino wantumile mu nsi, avino nani nayatuma.

Yoane 17:18 ပူးပေါင်းရင်းမြစ်များ

Mateo 10:5

Lino Yesu watuma atumwa ikumi na yaili ayapeela amalamulo ati, “Mutaya ku Akulukuwa nanti ukwingila mu musumba uli onsi uwa ina Samaliya.

Mateo 23:34

Caleka, ndatuma yakasema, na antu yamano na yakasambilizya. Mulakoma nu kutana pa lupanda yamwi munoyali. Yauze nao mulayanyambola nu kuyuma mu mang'anda ya mapepo nu kuyazinganya kufuma mu muzi onga nu uze kwene.

Yoane 17:21

Nkuyapepela kuti yonsi kwene yaye wenga. Tata! Si leka yaye wenga, ndi vino wewe nani twaya wenga. Si leka yaye wenga, kuti antu amu nsi yataile vino wewe wantumile.

Yoane 17:23

Nemo nao tuye wenga, nga wewe nani tuye wenga, kuti yaye afumaluke muli uwenga. Na kuti antu amu nsi yamanye vino wewe wantumile nga nu kuti wayatemwa ndi vino nani wantemwa.

Yoane 17:25

Tata, wewe mololoke! Antu amu nsi yatakumanyile, lelo nemo nakumanya, nga na yaa yamanya vino wewe wantumile.

Yoane 17:3

Umi wapee uwakuti antu yamanye wewe, Leza wenga sile uwa cumi, nga nu kumanya Yesu Klistu wino watumile.

Yoane 17:8

Nayapile mazwi yano wampile, nga nao yayapokelile. Yamanya vino cacumi nemo nafumile kunuli, nu kutaila vino wewe wantumile.

Yoane 20:21

Yesu nupya ayanena ati, “Mutende uye namwe. Ndi vino Tata wantumile avino nani namutuma.”

Yoane 3:17

Pano Leza atatumile Mwana wakwe muno nsi kuti aiize apingule amu nsi, lelo kuti atuule umi wao.

Yoane 4:38

Mwemo namutuma ku kuzombola mu vyalo vino mutalimile. Yauze ayano yalimile, nga namwe mukazana muzano pali vino yaomba.”

2 Kolinto 5:20

Twatumilwe kuya nkombe zyakwe Klistu, Leza umwisikulu akumupapata kuti mupange mutende pakasi kinu na aliwe.

Efeso 3:7

Nemo Leza wancisile muomvi wi Landwe Lisuma kupitila mu wila wakwe uiyele uno wampile mu kuomba kwa maka yakwe.