Yoane 17:14 - Amazwi Yakwe Leza 2013

¹⁴ Nayapile izwi lyako, nga na antu amu nsi yayapata, pano yasi wa antu amu nsi ndi vino nani kwene nsi wa antu amu nsi ii.

Yoane 17:14 ပူးပေါင်းရင်းမြစ်များ

Utandiko 3:15

Nika uwanisi pakasi kako nu mwanaci, pakasi ka mwana wako nu mwana wakwe. Alakufwamfwanta ku mutwe, nga nawe ulamuluma ku cintunta.”

Mapinda 29:27

Antu asicita vyaololoke yakapata antu aololoke, asuma nayo yakapata aipe.

Zakaliya 11:8

Lelo yakacema yatatu yano yampasile, yamansalosya ku nsingo, nani ali pakuyazinga yonsi pa mwezi onga.

Mako 10:39

Nao yaasuka yati, “Tungacita.” Yesu ayanena ati, “Icacumi mungamwa mu lwako luno indi nu kumwelamo nu kuwatiziwa umu nzila ino indi nu kuwatiziwilamo.

Yoane 17:16

Ndi vino nsi wa antu amu nsi, nao kwene yasi wa antu amu nsi.

Yoane 17:8

Nayapile mazwi yano wampile, nga nao yayapokelile. Yamanya vino cacumi nemo nafumile kunuli, nu kutaila vino wewe wantumile.

Yoane 7:7

Mwemo amu nsi yatangayamupate, lelo nemo yampata pano nkayanena vino vicitwa vyao iviipe.

Yoane 8:23

Alino Yesu ayanena ati, “Mwemo mwafuma muno nsi, lelo nemo nafuma kwiyulu kupela. Mwemo mwemwe antu amuno nsi, nemo nsi wamuno nsi.

1 Yoane 3:12

Tutalinzile kukolana na Kaini. Wene wali kumbali ya Mui, nupya wakomile Abeli mwina wakwe. Uzye pacani cino Kaini wamukomile? Apamulandu wakuti milimo yakwe Kaini yali iipe. Lelo milimo ya mwina wakwe yali iisuma.

1 Yoane 3:13

Acino inane, mutazunguka ndi antu amu nsi ii yamupata.