Yoane 17:13 - Amazwi Yakwe Leza 2013

¹³ Ndakai nkwiza kunuli. Vintu vii nkuvwanga mu nsi, kuti luzango luno nkweti luzuziwe mu myenzo yao.

Yoane 17:13 ပူးပေါင်းရင်းမြစ်များ

Neemiya 8:10

Neemiya ayanena ati, “Pitangini muye mukalye inyama izinone. Mukamwe ni vyakumwa ivilyompe. Wiyo atakweti ivyakuteyanya nawe mumutumile kweneko, pano uwanda uu, uwanda umwi upaatwilwe Yawe Leza witu. Mutaezya mwateeza nanti ukukungumala, pano uluzango luno Yawe amamupeela lumamukomelezyanga.”

Masamu 126:5

Leka yayo akatovya umu kulila aminsozi, yace yasinze ni nsansa.

Masamu 43:4

Nga alino lyene ndaya nkapalamile nu ku kavuwa kako we Leza, ukwaya insansa zyane nu luzango. Ali kuno ndazangila nu ku kuwanzizya mwi zeze, Leza, we Leza wane!

Yoane 13:3

Yesu, wamanyile vino Isi wamupeela maka yonsi, na vino wafumile kuli Leza nga nupya ali nu kuswilila kuli Leza.

Yoane 15:11

“Nati munena vintu vii kuti muye mu luzango ndi luno nkweti, na kuti luzango lwinu luye lufumaluke.

Yoane 16:33

Nati munena vintu vii pakuti muzane mutende munondi. Lino mucili mu nsi mulacula. Lelo posyini! Nemo nati ncimvya maka amu nsi ii.”

Yoane 17:11

Ndakai nkwiza kunuli. Ntacili mu nsi, lelo yene yacili mu nsi. Tata Wamuzilo! Yasunge kupitila mu maka yako yano wampile, kuti yaye wenga ndi vino wewe nani twaya wenga.

Yoane 3:29

Nawinga uwakwe siwinga, lelo cuza wakwe siwinga wene akaimilila pipi, nu kuvwa kunoli, nupya akazanga cuze lino uvwa izwi lyakwe siwinga. Vii avino nkazanga cuze.

Yoane 7:33

Yesu avwanga ati, “Kwasyala kasita kanono nde ndi namwe, lyene nga mpite kuli Tata wino uwantumile.

Milimo 13:52

Lelo alondezi amu Antioki yazuziwa nu luzango nga na Mupasi Wamuzilo.

Loma 14:17

Mu Wene wakwe Leza cintu cikulu asi kulya nanti kumwa, lelo kucita vyawololoke, mutende nu luzango, vino vikapelwa na Mupasi Wamuzilo.

Galatiya 5:22

Lelo Mupasi Wamuzilo wene akatulenga kuti twatemwana, kuya nu luzango, mutende, kuteeka mwenzo, uluse, cikuku, kuya a cumi,

Ayebulai 12:2

Lekini twike manso pali Yesu, wino utailo witu wimililapo kufuma kukutandika kufika nu ku mpela. Wene atanenwike pamulandu wa mfwa ya pa lupanda! Wene atelenginye cimwi pa kuzewana kwa mfwa ya pa lupanda, pamulandu wa luzango luno lwali nkolelo. Ndakai atenzi kwi kasa lilunji lya cilimba cakwe Leza.

1 Yoane 1:4

Twamulembela cii pakuti luzango lwitu luye ulumalilike.

2 Yoane 1:12

Nkweti vingi ivyakuti munene, lelo ntakulonda kumulembela. Nkulonda kwiza landana namwe nemwisikulu, pano cico mucumi cilatulenga kuya nu luzango.