Yoane 16:7 - Amazwi Yakwe Leza 2013

⁷ Lelo nkumunena cumi vino camuzipila kuti mpite, pano ndi ntapisile kaazwa ataliza kunomuli. Lelo ndi napita lyene ndamutuma kunomuli.

Yoane 16:7 ပူးပေါင်းရင်းမြစ်များ

Masamu 68:18

Akwela na papelapela apasamuke, ala asenzile na azya yano yalemile. Ala akupokelela ivya mawila uku antu yauze kumwi na yacisanguka kwene. Fwandi papo kwene, apano Yawe amaikalanga amanda yonsi.

Luka 24:49

Nani ndatuma panomuli cino Tata wandaya. Lelo mulinzile mulolele mu musumba, kufika lino mulapokelela maka kufuma kwiyulu.”

Luka 4:25

“Kutikini kunondi, icacumi nkumunena ukuti kwali yamukamfwilwa aingi mu Izlaeli pa nsita yakwe Eliya, lino kwali cilala pa myaka itatu na citika. Lyene cipowe cikulu cuze caponyile mu mpanga yonsi.

Luka 9:27

Cumi namunena vino, apano yali yamwi pano atalafwa kufika lino yalalola Uwene wakwe Leza.”

Yoane 14:26

Lelo kaazwa, Mupasi Wamuzilo, wino Tata alatuma mwi zina lyane, wene alamusambilizya vintu vyonsi nu kumwiusya vyonsi vino namunena.

Yoane 14:28

Mwali muvwa vino nali nati, ‘Nkupita, lelo ndawela kunomuli.’ Ndi mwantemwa, mungazanga pa kuvwa vino nkuya kuli Tata. Pano Tata andusile.

Yoane 14:3

Lyene ndi napita kukumuteyanyizizya ncende, ndawela kwiza mutola kuti kunondi akuno namwe mukaye.

Yoane 15:26

“Lelo kaazwa aliza, ali Mupasi, wino akasokolola cumi ca pali Tata, nupya akafuma kuli Tata. Ndamutumila wii kwene kufuma kuli Tata, nga nawe alapeela umboni pamulandu wane.

Yoane 16:8

Nawe Mupasi alala wiza alasinila antu amu nsi vino yene aponge pamulandu wa maifyo na pa kuntamanya vya wololoke nga nu upinguzi wakwe Leza.

Yoane 7:39

Lino Yesu wavwanzile cii, wavwanzile pamulandu na Mupasi Wamuzilo wino yano amutaila yalapokelela. Pa nsita ilya walanga Mupasi Wamuzilo atali kuti apelwe, pano ala Yesu atali atumpulwe nu kupelwa ululumbi.

Milimo 10:34

Petulo atandika ukuvwanga ati, “Ndakai namanya vino ica cumi Leza ataya na kasoozi pa muntu ali wensi.

Milimo 2:33

Wene wakwela nu kwikala kwi kasa lilunji lyakwe Leza, nga wapokelile Mupasi Wamuzilo, kufuma kuli Isi, wakwe vino wamulavile. Na ndakai vii vino mukulola nu kuvwa, uwila wakwe Yesu uno watatuma panotuli.

Loma 8:28

Nupya twamanya ukuti mu vintu vyonsi Leza akaomba kuti vizipile yao amutemwa. Yao ali yano Leza waama pano lyali lili pange lyakwe.

2 Kolinto 4:17

Macuzi itu angupale ansita inono, lelo yakatuletela lulumbi lukulu kuluta pa macuzi nupya ulwa pe.