Yoane 16:5 - Amazwi Yakwe Leza 2013

⁵ Lelo ndakai nkuya kuli wino uwantumile, nga lelo kusi umwi uwa munomuli wakuti anguzye kuno nkuya.

Yoane 16:5 ပူးပေါင်းရင်းမြစ်များ

Yoane 13:3

Yesu, wamanyile vino Isi wamupeela maka yonsi, na vino wafumile kuli Leza nga nupya ali nu kuswilila kuli Leza.

Yoane 13:36

Simoni Petulo auzya Yesu ati, “Mwene uzye umaya kwi?” Yesu amwaasuka ati, “Ndakai utangandondela kuno nkuya, lelo ulandondela pacisila.”

Yoane 14:28

Mwali muvwa vino nali nati, ‘Nkupita, lelo ndawela kunomuli.’ Ndi mwantemwa, mungazanga pa kuvwa vino nkuya kuli Tata. Pano Tata andusile.

Yoane 16:10

Yene aponge pamulandu wa kuntamanya vya wololoke, pano nemo nkuya kuli Tata nga mutalandola nupya.

Yoane 16:16

“Pa kasita kanono mutalandola nupya, nga nupya pa kasita kanono mulandola.”

Yoane 16:17

Caleka alondezi yakwe yamwi yauzyanya yati, “Uzye cii cikusenula cani? Wene watunena vino pa kasita kanono tutalamulola, nga nupya pa kasita kanono tulamulola. Alino nupya ayanena ati, ‘Pano nkuya kuli Tata.’

Yoane 16:28

Nafumile kuli Tata, nga niza mu nsi. Nupya ndakai namasya insi nu kuya kuli Tata.”

Yoane 17:13

Ndakai nkwiza kunuli. Vintu vii nkuvwanga mu nsi, kuti luzango luno nkweti luzuziwe mu myenzo yao.

Yoane 17:4

Nati mpela lulumbi kunuli nu mu nsi nati malila milimo ino wampile kuti ncite.

Yoane 6:62

Uzye lyene cingaya uli ndi mwaweni Mwana wa Muntu akukwela kwiyulu, kuswilila kuno wafumile?

Yoane 7:33

Yesu avwanga ati, “Kwasyala kasita kanono nde ndi namwe, lyene nga mpite kuli Tata wino uwantumile.

Ayebulai 1:3

Kuyengesa kwa lulumbi lwakwe Leza kukaloleka muli aliwe, nupya wene atapusana na aliwe mu mwata wakwe. Wene walemelela vintu vyonsi kwi zwi lyakwe lya maka. Pacisila cakuswefya antu kufuma ku maifyo, wene waile aikala kwiyulu kwikasa lilunji lyakwe Leza wa maka yonsi.

Ayebulai 12:2

Lekini twike manso pali Yesu, wino utailo witu wimililapo kufuma kukutandika kufika nu ku mpela. Wene atanenwike pamulandu wa mfwa ya pa lupanda! Wene atelenginye cimwi pa kuzewana kwa mfwa ya pa lupanda, pamulandu wa luzango luno lwali nkolelo. Ndakai atenzi kwi kasa lilunji lya cilimba cakwe Leza.