Yoane 16:32 - Amazwi Yakwe Leza 2013

³² Lolini kasita kakwiza, endi, kati kiza lino mulasalangana, cila muntu alapita ukwakwe nga munsye nenga. Lelo mu cumi nsi nenga, pano Tata ali nani.

Yoane 16:32 ပူးပေါင်းရင်းမြစ်များ

Zakaliya 13:7

Yawe Wamaka yonsi wavwanga wati, “Ale we lupanga lwane, zanza kacema wane, zanza umuntu akambombela. Ukome kacema pakuti imfwele zisalangane. Nani namazanzapo utwana twa mfwele.”

Mateo 26:31

Lyene Yesu nawe ayanena ati, “Usiku kwene uu, mwensi kwene mumamfutatila nu kunsya nenga, pano calembwa cati, ‘Ndakoma kacema nu ufyo wa mfwele ulasalangana.

Mateo 26:56

Lelo vyonsi vii vyati vicitika pakuti vino yakasema yalemvile vifikiliziwe.” Alino alondezi yonsi kwene yutuka yamusya wenga.

Mako 14:27

Yesu nawe ayanena ati, “Mwensi kwene mumamfutatila nu kunsya nenga, pano calembwa cati, ‘Ndakoma kacema, ni mfwele zilasalangana.’

Mako 14:50

Alino alondezi yonsi yutuka yamusya.

Yoane 12:23

Yesu avwanga ati, “Kasita kati kafika kuti Mwana wa Muntu apelwe lulumbi lukulu cuze.

Yoane 16:2

Yalamuzinga mu mang'anda ya mapepo, endi, na kasita kakwiza lino wino wensi wamukoma alelenganya vino pa kucita cii, akutumikila Leza.

Yoane 16:25

“Vintu vii nkamunenela mu milumbe. Lelo kasita kakwiza lino ntalamunenela mu milumbe, lelo ndamunena paswe vya pamulandu na Tata.

Yoane 16:31

Yesu ayanena ati, “Uzye ndakai mwataila?

Yoane 19:27

Alino anena nu mulondezi wakwe ati, “Mwana, wii a nyoko.” Kufuma pa kasita kwene kako mulondezi amutola kuti aikala nawe ukwakwe.

Yoane 20:10

Lyene alondezi yaswilila kumwao.

Yoane 4:21

Yesu amunena ati, “Kaciwe, taila vino nkukunena ukuti kasita kaliza lino mutalapepa Tata pa mwamba uu, nanti mu Yelusalemu kwene.

Yoane 4:23

Lelo kasita kakwiza, nupya kati kafika, lilyo lino yakapepa acumi yalapepa Tata mu Mupasi nu mu cumi, pano ali ndi yaa, ayano Tata watemwa kuti yamupepa.

Yoane 5:25

Cumi namunena vino, kasita kakwiza, nupya kati kafika, lino afwe yaluvwa izwi lya Mwana wakwe Leza. Lyene yano aluvwa izwi lyakwe yalaya nu umi.

Yoane 5:28

Mutazunguka pali cii pano kasita kakwiza, kano antu yonsi ali mu malindi yaluvwa izwi lyakwe, nu kufumamo.

Yoane 8:16

Lelo nanti nali nu kupingula, upinguzi wane ungaya uwa cumi, pano nsyacita cii nenga. Tata wino uwantuma ali nani.

Yoane 8:29

Wino uwantuma ali nani. Wene asinsya nenga pano lyonsi nkacita vintu vikamuzanzya.”

Milimo 21:6

Lyene tupakasyanya nao, twingila mu wato nga yaswililamo kumwao.

Milimo 8:1

Na Saulo wazumilizye ukukomwa kwakwe Sitivini. Pa wanda kwene ulya iuvi mu Yelusalemu litandika kuzunyiwa cuze. Onsi ataila, yasalangana mu miputule yonsi yamu Yudeya nu mu Samaliya. Suka sile atumwa.