Yoane 16:27 - Amazwi Yakwe Leza 2013

²⁷ pano Tata umwisikulu wamutemwa. Wene wamutemwa pano mwemo mwantemwa nga nu kutaila vino nafumile kunoli.

Yoane 16:27 ပူးပေါင်းရင်းမြစ်များ

Zefaniya 3:17

Yawe Leza winu waya namwe, amaka yakwe akalenga ukuti mwacimvya. Yawe alasansamukila munomuli, nupya wene alamupeela umi upya, pasipano mwemo wamutemwa. Mwemo alamuzangila nu tupundu twa nsansa,

Mateo 10:37

Wino wensi uwatemwa isi na nyina kuluta nene wene ataine kuya mulondezi wane. Na wino wensi uwatemwa umwana umonsi nanti kaci kuluta nene, wene ataine kuya mulondezi wane.

Yoane 14:21

“Wino wensi akapokelela masunde yane nu kuyayela, ala wene uwantemwa. Na wino wensi uwantemwa, wene alatemwikwa na Tata. Nani kwene ndamutemwa nu kuisokolola kunoli.”

Yoane 14:23

Yesu amwaasuka ati, “Wino wensi uwantemwa, wene akayela mazwi yane. Wene alatemwikwa na Tata, nga Tata nani tuliza kunoli nu kwikala nawe.”

Yoane 16:30

Lyene twamanya vino wemo wamanya vintu vyonsi nga usyalonda kuti umuntu umwi akuuzye. Cikwene catulenga kutaila vino wafuma kuli Leza.”

Yoane 17:23

Nemo nao tuye wenga, nga wewe nani tuye wenga, kuti yaye afumaluke muli uwenga. Na kuti antu amu nsi yamanye vino wewe wantumile nga nu kuti wayatemwa ndi vino nani wantemwa.

Yoane 2:11

Yesu wacisile cilangililo cii cakutandika mu Kana, muzi uwaku Galile. Muli cii amuno wasokolwile lulumbi lwakwe, nga na alondezi yakwe yataile munoli.

Yoane 3:13

Pasi umuntu watala wakwela kwiyulu, suka sile Mwana wa Muntu wino uwisile kufuma kwiyulu.”

Yoane 7:29

Nemo namumanya, pano nafuma kunoli, nupya aliwe uwantuma.”

Yoane 8:42

Yesu ayanena ati, “Leza ndi a So mu cumi, nga mwantemwa, pano nemo nafuma kuli Leza. Nupya ndakai ndi pano. Ntaizile nenga, lelo aliwe uwantuma.

Loma 8:3

Leza wene watacita vino Masunde yakwe Mose yaposiwe kucita pamulandu wakuti miyele ya untunze yaya itonte. Wene wavunwike iifyo mu untu apa kutuma Mwana wakwe, uwizile mu musango wa untu wakwe sweswe swe yakaifya, pakuti aiize aipeele kuya impolelwa ya kukulula antu ku maifyo yao.

1 Kolinto 15:47

Adamu wakutandika, wene waumvilwe kufuma kwi vu. Adamu wakwe cili wene wafumile kwiyulu.

1 Kolinto 16:22

Muntu umwi ndi asyatemwa Mwene, Atipwe! Malanata! Mwene witu, iza!

2 Kolinto 5:14

Kutemwa kwakwe Klistu ukukatupindulula pano twamanya kwaula kutwisika kuti muntu wenga wafwilile antu onsi, lyene swensi kwene twakuma ku mfwa yakwe.

Galatiya 4:4

Lelo lino nsita yafisile Leza watumile Mwana wakwe, uwizile avyalwa ku mwanaci. Mwana kwene wii wayelanga Masunde yakwe Mose

Efeso 6:24

Cikuku cakwe Leza ciye na antu yonsi yano atemwa Mwene witu Yesu Klistu nu kutemwa kwa pe.

1 Timoti 1:15

Muvwango uu, uwa cumi wakuti, Klistu Yesu wizile muno nsi ku kutuula yakaifya. Nupya nene kaifya uwaluta onsi.

Ayebulai 12:6

Pano Mwene akakalipila umuntu wensi wino watemwa nu kusunda umuntu wensi wino wazumila wa mwana.”

1 Petulo 1:8

Mwamutemwa nanti angala mutamulola, nupya ndakai musyamulola lelo mwamutaila. Lyene mukazanga, nga kusi mazwi angalondolola luzango lwinu lwa kutuulwa,

1 Yoane 4:19

Swemo tukatemwa pano Leza uwatandike ukututemwa.

Umbwilo 3:19

Nkanenola nu kuvunuka yonsi yano natemwa. Lyene ikako mano nu kuzenzuka.

Umbwilo 3:9

Uvwa! Kuli antu yamwi amwi umba lyakwe Ciwa, yene yakatumpoka pa kuilanda yati Ayuda lino yasi Ayuda. Ndalenga kuti ize yafukame pa ngazo zyako. Lyene yalamanya vino nakutemwa.