Yoane 16:17 - Amazwi Yakwe Leza 2013

¹⁷ Caleka alondezi yakwe yamwi yauzyanya yati, “Uzye cii cikusenula cani? Wene watunena vino pa kasita kanono tutalamulola, nga nupya pa kasita kanono tulamulola. Alino nupya ayanena ati, ‘Pano nkuya kuli Tata.’

Yoane 16:17 ပူးပေါင်းရင်းမြစ်များ

Mako 9:10

Lyene yayela ilamulo lyakwe, lelo yavwanzyanya aisikulu yati, “Uzye kuzyukuka kufuma ku mfwa cikusenula cani?”

Mako 9:32

Lelo yene yatamanyile vino usambilizyo u wasenulanga, nga yuvwile intete kuti yamuzye.

Luka 18:34

Lelo alondezi yatamanyilepo nanti cimwi ca pa vintu vii. Yene yatilwike cino Yesu walandanga, pano calanga cafiswa kunoyali.

Luka 9:45

Lelo yene yatamanyile vino cii casenulanga. Walanga muvwango uu wafiswa kunoyali cakuti yatamanyile vino ukusenula nga yuvwile intete kuti yamuzye pamulandu uu.

Yoane 12:16

Pa kasita kaka alondezi yakwe yatilwike vintu vii. Lelo lino Yesu watumpwilwe nu kupelwa lulumbi, yene iusya vino malembelo yalanda cii pali aliwe, nga na vino yamucitile vintu vii.

Yoane 14:22

Yuda (asi Yuda Iskalyoti) amuuzya ati, “Mwene, uzye cingaya uli kuti wemo uisokolole kuli sweswe, lelo ku antu amu nsi foo?”

Yoane 14:5

Tomasi amunena ati, “Mwene, tutamanyile kuno ukuya, nga tungamanya uli nzila yakuya kuko?”

Yoane 16:1

“Nati munena vintu vii kuti mutanenuka mu utailo winu.

Yoane 16:16

“Pa kasita kanono mutalandola nupya, nga nupya pa kasita kanono mulandola.”

Yoane 16:18

Uzye vino akuvwanga ukuti pa kasita kanono cikusenula cani? Tutamanyile cino akuvwanga!”

Yoane 16:19

Yesu amanya vino yakasi kumuuzya, caleka ayanena ati, “Uzye mukuuzyanya pali cino nali namunena nati, ‘Pa kasita kanono mutalandola, nga pa kasita kanono mulandola nupya.’”

Yoane 16:5

Lelo ndakai nkuya kuli wino uwantumile, nga lelo kusi umwi uwa munomuli wakuti anguzye kuno nkuya.