Yoane 15:8 - Amazwi Yakwe Leza 2013

⁸ Tata akalumbanyiwa ndi mukuseeka vizao vingi. Mu musango ndi uu, mulaya alondezi yane mu cumi.

Yoane 15:8 ပူးပေါင်းရင်းမြစ်များ

Ezaya 60:21

Antu yako yonsi pyu yalaya asuma, yalasyukila ni mpanga pee. Umucumi anene nayasimpa, nene nayaumvile apakuti yanena antu yauze vino nemo nacindama.

Ezaya 61:3

Wantuma na pakumyalalika yonsi yano yakulosya mu Zioni, na akuilizyanya ku kuyasansamusya. Apakuti umu nyimbo zyao zya malanda, impyanikizyepo inyimbo zya luzango. Umweneco Leza aliwe amayasunganga. Alino nayo lyene yamayenkemanga wa miti yalulembelya. Yonsi pyu yamayanga asuma, yamalumbanyanga na Leza pa miombele yakwe yamaka.

Hagai 1:8

Yangini uku myamba mukalepule imbao apakuti mwize munkuulile Ng'anda ikulu iisuma iyakuti naikalamo nu kucindamikilwa mwenemo.” Avino Yawe wavwanga.

Mateo 5:16

Mu musango uli onga kwene namwe mwaengesa wa luswepo pa antu onsi, kuti yalola imilimo inu isuma, nga yalumbanye So uwa mwiyulu.

Mateo 5:44

Lelo nemo namunena nati, temwini anisi inu, pepelini yano akamuzunya,

Mateo 9:8

Lelo lino maumba yacilola yuvwa intete, yalumbanya Leza, pa kupeela antu amaka ali ndi yaa.

Luka 6:35

Lelo temwini anisi inu nu kuyacitila visuma. Nupya mwakongwesya kwaula kupaalila kupokelela cimwi kunoyali. Lyene mulakwata icilambu cikulu, nupya mulaya ana yakwe Leza uwa papelapela. Pano wene akacita visuma kuli yano asitaizya na aipe kwene.

Yoane 13:35

Ndi mukutemwana lyene antu yonsi yalamanya vino mwemwe alondezi yane.”

Yoane 15:5

“Nene mutingi namwe mwemwe misambo. Wino wensi wikala munondi, nga nani munoli, wene akaseeka vizao vingi. Pano mutangacita cimwi kwaula nene.

Yoane 8:31

Caleka Yesu anena yao amutaile ati, “Ndi mukuyela mazwi yane, mu cumi ale mwemwe alondezi yane.

1 Kolinto 10:31

Endi, consi cino mukucita, cingaya ukulya nanti kumwa, mucicite ku lulumbi lwakwe Leza.

1 Kolinto 6:20

Leza wamukazile pa mutengo ukulu cuze. Caleka omvini mili inu mu kupeela lulumbi kuli Leza.

Filipi 1:11

Nga umi winu ulavulilwa vizao vyawololoke ivikaizila muli Yesu Klistu ku kuleta lulumbi nu kulumbanyiwa kwakwe Leza.

Tito 2:10

Yene yatalinzile kwiya vintu vyao. Lelo mu cifulo cakwe cico, yene yalinzile kulangilila yauze ukuti lyonsi yaya asuma akutailwa, pakuti Leza Katuula witu apelwe mucinzi muli vyonsi vino yakucita.

Tito 2:5

na kuti yaikanya, yaye asanguluke nupya aci asuma akuyela yaiya. Yene yalinzile kucita cii pakuti kutaya umuntu nanti wenga uwakulandila Ilandwe lyakwe Leza viipe.

1 Petulo 2:12

Lekini micitile inu pakasi ka antu atataila Leza iye isuma cuze, cakuti nanti angala yangamupeela milandu yakwifya, lyene pa Wanda wa upinguzi yene yalalumbanya Leza pa kulanda vintu vino yaweni mukucita.

1 Petulo 4:11

Wino wensi akakosola alinzile kukosola mazwi yakwe Leza. Wino wensi akatumikila alinzile kutumikila na maka yano Leza akamupeela, pakuti Leza atasiwe muli vyonsi. Klistu awino alalenga kuti cii cicitike. Lulumbi na maka ivyakwakwe manda pe. Ameni.