Yoane 15:7 - Amazwi Yakwe Leza 2013

⁷ Ndi mwikala munondi nga na mazwi yane ikala munomuli, lyene mulalenga consi cino mukulonda nga naco cilapelwa kunomuli.

Yoane 15:7 ပူးပေါင်းရင်းမြစ်များ

1 Yamwene 3:5

Kuku kwene ku Gibyoni, Yawe pali pakulolekela kuli Solomoni usiku mu ciloto. Yawe pali pakumunena ati, “Lenga cino ungatemwa kuti inkupeele.”

Yobo 22:26

Ndi wacita vivyo, lyene ulazangila muli Leza Wamaka yonsi, nu kupaalila munoli umu kupama amanda pe.

Yobo 23:12

Nemo lyonsi nkawaka amasunde yakwe yano akanena. Vino akalonda ali vino nkacita. Asi vino nemweneco njitemilwe.

Masamu 119:11

Nkawaka amazwi yako umu mwenzo wane, apakuti intaluvyanya kunuli.

Masamu 37:4

Walonda ukuzangila muli Yawe, nga nawe alakupeela ivikalonda umwenzo wako.

Mapinda 10:24

Antu akacita vyaololoke yakakwata vino yakulonda, lelo antu aipe yalakwata ivikayaletela intete wakwe cimwi.

Mapinda 4:4

yatata yansambilizyanga na mazwi ala yakuti, “Uwake umu mwenzo wako vyonsi vii vino nkukunena, usunge amasunde yane, pakuti uye nu umi.

Ezaya 58:8

“Ndi cakuti caya vivyo ale lyene uluzango lwane lulayengesa wa luswepo lwi lanzi lino likutunka, ni vilonda vinu vilapola sile zuwazuwa ukwaula nu kusumba kasita. Lyene nani kwene ale ndaya namwe lyonsi kwene apa kumupususya. Ndaya penepo apakuti namucingilila monsi monsi.

Yelemiya 15:16

Wemo wavwanzile kunondi nga nani intezya amazwi yako yonsi. Nene wakwako, we Yawe Leza Wamaka yonsi, na mazwi yako ali luzango ni nsansa zyane.

Mateo 7:7

“Caleka namunena nati, lengini nga mumapelwa, londini nga mumazana, konkonsyini nga mumayulilwa.

Yoane 14:13

Na consi cino mulalenga mwi zina lyane, acino ndacita, kuti Tata alumbanyiwe mu Mwana.

Yoane 15:16

Asi mwemwe mwansolwile, lelo nene namusolwile nu kumutuma kuti mukaseeka vizao vingi, vino vikaikalilila. Caleka Tata alamupeela consi cino mulamulenga mwi zina lyane.

Yoane 16:23

“Pa wanda ulya, mutalanguzya pamulandu wa cintu cili consi. Nkumunena cumi vino Tata alamupeela consi cino mulamulenga mwi zina lyane.

Yoane 8:31

Caleka Yesu anena yao amutaile ati, “Ndi mukuyela mazwi yane, mu cumi ale mwemwe alondezi yane.

Yoane 8:37

Nemo manyile vino mwemwe amu mupanda wakwe Abulaamu. Lelo mukulonda kunkoma, pano mutangazumila mazwi yane.

Galatiya 4:2

Lino acili mwance, akauvwila yao akumusunga nu kutungulula vyonsi vili pali aliwe, kufika na pa nsita ino akwasi yakwe yateyanya.

Galatiya 5:16

Nemo nkumunena ukuti, lekini Mupasi Wamuzilo atungulule umi winu, nga lyene mutalazanzya vilondwa vya untunze.

Malango 6:6

Mutezya ukwilila amasunde yaa yano nkumupeela ilelo.

Kolose 3:16

Lekini Ilandwe lyapali Klistu likale mu myenzo inu, mu ukama wi landwe mwasambilizyanya nu kutungululana na mano onsi. Mwaimbi nyimbo zya kulumbanya, ni zyamuzilo kuli Leza. Mwaimbila Leza ni ntaizyo mu myenzo inu.

1 Yoane 2:14

Mwe ana, nkumulembela pamulandu wakuti mwamanya Tata. Mwe yaisi, nkumulembela pano mwamanya wino uwayako kufuma ku utandiko. Mwe yalumendo, nkumulembela pamulandu wakuti mwakoma. Mazwi yakwe Leza yakomeleka munomuli, nupya mwacimvya Mwipe wilya.

1 Yoane 2:27

Lelo mwemo Klistu wamupolelela pa kumupongolwela Mupasi wakwe wikala munomuli, nupya citakulondekwa ukuti umuntu umwi amusambilizya. Mupasi Wamuzilo aliwe akamusambilizya vyonsi. Vino akamusambilizya ivya cumi visi vyaufi. Caleka mulinzile kuyela usambilizyo wakwe Mupasi Wamuzilo nga nu kwikalilila mu utandano na Klistu.

1 Yoane 3:22

Wene akatupeela cili consi cino tukalenga, pano tukayela masunde yakwe nu kucita vintu vino vikamuzanzya.

1 Yoane 5:14

Swemo tukaposya pa manso yakwe Leza, pano twasininkizya ukuti ndi twamulenga wene akatuvwa nu kutwasuka pali consi cino twalenga kulingana nu kulonda kwakwe.