Yoane 15:6 - Amazwi Yakwe Leza 2013

⁶ Wino wensi asyaikala munondi wene alasumbwa wa musambo nu kunyala. Antu yakakolonganika misambo ndi vino uu, yaisumba mu moto, muno ikapya.

Yoane 15:6 ပူးပေါင်းရင်းမြစ်များ

2 Samueli 23:7

Wino wensi akwipula imyunga alinzile ukuomvya iciombelo ca cela nanti umusako wi sumo. Yene ilociwa mpaka isyale itwi.

Yobo 15:30

Atangafuma umu kanda. Icimbilimbili cilumika insaala zyakwe. Umuza ulasenda maluwa yakwe.

Masamu 80:15

Iza sile ndu pususye umutingi uno we mweneco walemile. Akateeta ka mutingi uno wasya aka maka wakwe cimwi!

Ezaya 14:19

Lelo wemo yakusumbila ukunzi yi lindi, ungati wewe vikona vya muselu. Yatiyakukupilizya uku vyala vya vita, vino yakomile umu nkondo, nu kukusumbila mu ciwina ca mawe nu kucilyatola.

Ezaya 27:10

Umusumba wa malinga watiusyala sile ivitotela vitupu. Antu yatiyasaama mwenemo, mwatimusyala sile cele ungati umu mutengo. Iviteekwa ali muno vikulya nu kulala. Amuno vikulya amafwa ni vipupa.

Ezekelo 17:9

“Uyanene uti, ‘Yawe Simwandalali wavwanga wati, Uzye ulalemuka? Uzye lyang'anda atalawipa, uzye atalaukuntola iviseekwa nu kuleka amafwa apya yonsi yano yatumba yakanyale? Apakwipa kumwi ni misisi patalalondekwa amakasa akome nanti antu avule.

Mateo 13:41

Mwana wa Muntu alatuma angeli yakwe mu wene wakwe, nao yalakonganika nu kufumyamo antu yonsi akalenga auze kwifya nga na antu yonsi akacita viipe.

Mateo 27:5

Caleka Yuda asya wasumbila impiya zyakwe siluva mu Ng'anda ikulu yakwe Leza. Alino apita aya aikulika.

Mateo 3:10

Na ndakai kwene impasa iteyanyiziwe kusinda imiti pa visinte. Umuti onsi uno usiseeka vizao visuma ulakomwa nu kusumbwa mu moto.

Mateo 7:19

Umuti onsi uno usyaseeka vizao visuma ukakomwa, nu kusumbwa mu moto.

Yoane 15:2

Tata akasisya misambo yonsi muli nene ino isyaseeka vizao, nga yonsi ino ikaseeka, yene akaitungwila kuti izifiwe nu kuseeka vizao vingi.

Ayebulai 10:27

Icingasyala kweneko ukulolela nu koopa upinguzi uno ukwiza nga nu moto uwipisye uno ulonona antu, yano akana Leza.

2 Petulo 2:20

Lino antu yasambilile pali Yesu Klistu, Mwene nupya Katuula witu, yene yatuuzilwe ku vintu vikowele ivyamu nsi. Lelo nupya ndi yalemwa nu kutungululwa ni vintu vii ivya winyi, ale lyene yali mu mwata uwipisye kuluta vino yali nkolelo.

1 Yoane 2:19

Cumi kwene antu yaa yatali mu utandano naswe. Uli mulandu uno yatusile. Ndi yali mu utandano naswe yene yange yaye pamwi naswe. Lelo yene yatusile pakuti cimanyike ukuti munoyali pasi nanti wenga wino mu cumi ali mu utandano naswe.

Umbwilo 20:15

Wino wensi atalemvilwe izina lyakwe mu lupapulo lwa umi wene wasumbilwe muli yemba wa moto.

Umbwilo 21:8

Lelo antete na yano asi nu utailo, na yakacita ya vintu vyawinyi, ni nkomi, yacizelele, alozi, na yakapepa ya tuluwi, na antu yonsi antumpu, wikalo wao a yemba wa moto muno maluti yakapya. Ii ili mfwa yakwe ciili.”