Yoane 15:4 - Amazwi Yakwe Leza 2013

⁴ Ikalini munondi nani munomuli. Musambo utangaseeka vizao onga ndi utailundinye ku mutingi. Mu musango uli onga namwe kwene mutangaseeka vizao suka ndi mwikala munondi.

Yoane 15:4 ပူးပေါင်းရင်းမြစ်များ

Lwimbo lwakwe Solomoni 8:5

Uzye aweni wilya akwiza akufuma mu lwanga, iyalemana makasa nu mukundwe wakwe? Umwisika lya muti umu apo nakuzyuzile. Kuku akuno nyonko wakusenzile umu ndilwa, akuno wene wakuvyalile.

Oseya 14:8

Uzye nupya aina Izlaeli yalacita cani nu tuluwi? Anene ndaasuka amapepo yao nu kuyasakamala. Nemo indi wa mulemo umu paini uulembe lyonsi. Nene ndi ntulo ya upolelelo wao onsi.”

Mateo 12:33

“Ndi mwavwanga mwati, umuti uu usuma, kuli kuti ni vizao vyauko ivisuma. Lelo ndi mwati umuti uu uwipe ala ni vizao vyauko iviipe. Pano umuti onsi ukamanyika ku vizao vino ukaseeka.

Luka 8:15

Imbezu izyaponile pa musili uvunde, ayao yano ndi yuvwa mazwi yakwe Leza, yayapokelela nu mwenzo usuma uwakuyela. Caleka yaposya kufika lino yaseeka vizao.”

Yoane 14:20

Mu wanda ulya, mulamanya vino nemo na Tata twaya wenga, nga namwe kwene pamwi nani twaya wenga.

Yoane 17:23

Nemo nao tuye wenga, nga wewe nani tuye wenga, kuti yaye afumaluke muli uwenga. Na kuti antu amu nsi yamanye vino wewe wantumile nga nu kuti wayatemwa ndi vino nani wantemwa.

Yoane 6:56

Wino wensi akulya umwili wane nu kumwa uwazi wane wene akaikala munondi, nga nani nkaikala munoli.

Yoane 8:31

Caleka Yesu anena yao amutaile ati, “Ndi mukuyela mazwi yane, mu cumi ale mwemwe alondezi yane.

Milimo 11:23

Lino wafisile nu kulola vino Leza wapolelile antu, aya nu luzango nga ayanena yonsi kuti mu myenzo yao yatwalilile mu utailo ni cumi ku Mwene.

Milimo 14:22

Yakomelezya yano ataile nu kuyakonkomezya kuti yatwalilile kuya acumi mu utailo. Yayasambilizya yati, “Pakuti tukingile mu Wene wa mwiyulu, tulinzile kupita mu ntazi zingi.”

2 Kolinto 13:5

Muyezye mweisikulu pakuti muilole ndi mu cumi mukwikala mu utailo. Lelo ndi Klistu asyaikala muno muli, ale lyene mwaposiwa.

Galatiya 2:20

Nemo nafwa, lelo Klistu akaikala munondi. Umi uno ndakai ndi nao, nkaikala pakutaila mu Mwana wakwe Leza, wino uwantemilwe nga nu kupeela umi wakwe pamulandu wane

Efeso 3:17

Nupya nkupepa kuti Klistu aikala mu myenzo inu pa kutaila kwinu kuti muzyansye nu kwika misisi mu kutemwa kwakwe.

Filipi 1:11

Nga umi winu ulavulilwa vizao vyawololoke ivikaizila muli Yesu Klistu ku kuleta lulumbi nu kulumbanyiwa kwakwe Leza.

Kolose 1:23

Mulinzile kutwalilila kuya acumi nupya akomeleke cuze mu utailo winu. Mutalinzile kuta upaalilo uno mwapokelile lino muvwile Ilandwe Lisuma. Lyene lyakosozilwe ku antu yonsi pano nsi, nga nani nemwisikulu nene muomvi wi Ilandwe kwene lii.

Kolose 1:27

Ipange lyakwe Leza ilya kuumbula nkama kwene ii iyalulumbi ku antu yakwe. Nupya nkama ii iyakupeela ku antu onsi. Nkama iyakuti Klistu aikala munomuli, nupya wene ali upaalilo winu uwa kukuma ku lulumbi lwakwe Leza.

Kolose 2:6

Mwemo mwazumila Klistu kuya Mwene winu. Caleka twalililini ukwikalilila muli aliwe.

1 Tesalonika 3:5

Uli mulandu uno natumile Timoti. Naposiwe kulolela. Caleka namutumile kuti aiize alondelezye nu kumanya ningo vya pa utailo winu. Cumi kwene nemo napaalile ukuti Ciwa atatunsile mwemwe nu kulenga mulimo witu kuya uwasilesile.

Ayebulai 10:39

Swemo tusi antu yano akamufutatila nu kulowa. Lelo tukweti utailo ukuti twatuulwa.

1 Yoane 2:6

Wino wensi akalanda ukuti wikala muli Leza wene alinzile kucita vino Klistu wacitanga.

2 Yoane 1:9

Muntu asyakulondela usambilizyo wakwe Klistu, nda kapuzya mwenemo wene asi na Leza. Wino wensi akayela usambilizyo wakwe wene ali na Tata nu Mwana kwene.