Yoane 15:18 - Amazwi Yakwe Leza 2013

¹⁸ “Antu amu nsi ndi yamupata, iusyini vino nene yatandike kupata.

Yoane 15:18 ပူးပေါင်းရင်းမြစ်များ

1 Yamwene 22:8

Aabu aasuka Yeosafati ati, “Akunoli umuntu umwi wino angatuuzizya kuli Yawe, lelo namupata pano wene atatala ansemela cimwi icisuma. Lyonsi kwene akansemela sile amasyamo. Wene a Mikaya umwana umonsi wakwe Imila.” Yeosyafati nawe aasuka ati, “Umwene atalinzile kuvwanga vivyo.”

Mapinda 29:27

Antu asicita vyaololoke yakapata antu aololoke, asuma nayo yakapata aipe.

Ezaya 49:7

Yawe wavwanga wati, Umuntu umwi wino antu yasuulisya wakwe cimwi, wino imitundu ya antu yapatisya, wino na yamwene alukang'ansi yateeka uzya, ali wino Yawe Katuula nupya Wamuzilo wilya wakwe Izlaeli, akunena ati, “Lino yamwene yalalola kuno wakululwa, yene yalakatuka nu kukucindika. Intunguluzi nazyo kwene zilakatuka nu kukufukamila, apa kukucindika. Pano uwakusolola anene, ne Yawe uwatailwa, Wamuzilo wilya wakwe Izlaeli.”

Ezaya 53:3

Wasaalukanga nu kusulwa ku antu, wali umuntu wa ulanda, wene uvwanga ukali. Swemo twamusuuzile cakuti tutalondanga nu kumulolekesya, pano tutamwikanga pa untu foo.

Ezaya 66:5

Uvwini kuno mwemuno mukaoopa ne Yawe! Anyonko, yano yamupata, yano yamusuula pamulandu sile ni zwi lyakwe nene, yakamuwela ala yakuti, “Ale tumamulozyanga vino mumasansamukanga. Yawe kamulange tuvwe vino wacindama na vino angamupususya. Kwene antu yayo yalazewanilapo sile!

Zakaliya 11:8

Lelo yakacema yatatu yano yampasile, yamansalosya ku nsingo, nani ali pakuyazinga yonsi pa mwezi onga.

Mateo 10:22

Onsi yalamupata pamulandu wane. Lelo wino wensi alaposya kufika nu ku mpelelekezyo, wene alatuulwa.

Mateo 24:9

“Lyene yalamulema, yalamuzunya nu kumukoma. Antu amu nko zyonsi yalamupata pamulandu wane.

Mateo 5:11

“Alongo amwemwe ndi antu yamutuka, yamuzunya, nu kumutumpwila vintu vyonsi viipe pamulandu wane.

Mako 13:13

Onsi yalamupata pamulandu wane. Lelo wino wensi alaposya kufika nu ku mpelelekezyo wene alatuulwa.

Luka 6:22

“Alongo amwemwe ndi antu yamupata, yamukana, yamutuka, yavwanga yati mwemwe yaipe pamulandu wa kulondela Mwana wa Muntu.

Yoane 16:1

“Nati munena vintu vii kuti mutanenuka mu utailo winu.

Yoane 16:33

Nati munena vintu vii pakuti muzane mutende munondi. Lino mucili mu nsi mulacula. Lelo posyini! Nemo nati ncimvya maka amu nsi ii.”

Yoane 3:20

Pano wensi wino akacita vicitwa vyankota wene wapata luswepo, nupya atangiza ku luswepo, pano asyalonda kuti vicitwa vyakwe vyankota visokololwe.

Yoane 7:7

Mwemo amu nsi yatangayamupate, lelo nemo yampata pano nkayanena vino vicitwa vyao iviipe.

Milimo 14:22

Yakomelezya yano ataile nu kuyakonkomezya kuti yatwalilile kuya acumi mu utailo. Yayasambilizya yati, “Pakuti tukingile mu Wene wa mwiyulu, tulinzile kupita mu ntazi zingi.”

Ayebulai 12:2

Lekini twike manso pali Yesu, wino utailo witu wimililapo kufuma kukutandika kufika nu ku mpela. Wene atanenwike pamulandu wa mfwa ya pa lupanda! Wene atelenginye cimwi pa kuzewana kwa mfwa ya pa lupanda, pamulandu wa luzango luno lwali nkolelo. Ndakai atenzi kwi kasa lilunji lya cilimba cakwe Leza.

Yakobo 4:4

Mwe antu mwe muno musi akutailwa kuli Leza! Uzye mutamanyile ukuti ndi mwaya ucuza ni nsi ala mwapatana na Leza? Wino wensi akalonda kuya cuza wa nsi ala wene waicita mwanisi wakwe Leza.

1 Yoane 3:1

Elenganyini vino Tata watutemwa! Kutemwa kwakwe ukukulu cuze cakuti swemo twaamwa ana yakwe. Nu mu cumi avino tuli. Uu uli mulandu uno amu nsi yatatumanya, pano yene yatamanya Leza.

1 Yoane 3:13

Acino inane, mutazunguka ndi antu amu nsi ii yamupata.

1 Yoane 3:3

Muntu ali wensi wino uwakwata upaalilo uu muli Klistu, ala wene akaikala mu muzilo ndi vino Klistu wikala.