Yoane 15:16 - Amazwi Yakwe Leza 2013

¹⁶ Asi mwemwe mwansolwile, lelo nene namusolwile nu kumutuma kuti mukaseeka vizao vingi, vino vikaikalilila. Caleka Tata alamupeela consi cino mulamulenga mwi zina lyane.

Yoane 15:16 ပူးပေါင်းရင်းမြစ်များ

Utandiko 18:18

Amu mupanda wakwe yalaya uluko lukulu nupya ulwa maka, ni mitundu yonsi yamu nsi ilanguzya kuti njipolelele ndi vino namupolelela.

Masamu 145:4

Muno inkulo zyalondenkanila, antu yalatakola imilimo yako. Yene yalalanda imilimo yako iyamaka.

Masamu 71:18

Nanti lyene nemo ninkota, ninkwata ni mvwi, ala utandekelezya we Leza! Uwaya nani lino nkulumbilizya amaka yako nu ukama wako, ukufika ni nkulo iiliza uku nkolelo.

Mapinda 11:30

Ukwikala umi wa mpomvu kukapela umi wape, lelo ukukana malango ukulovya uumi.

Ezaya 27:6

Mu wanda ulya aina Izlaeli ana yakwe Yakobo yace yazyansye wa misisi ya miti. Yene yalakula ningo, yalawalula nu kulemba ningo. Insi yonsi ilalimba iviseekwa vya micitile yao isuma.

Mika 5:7

Lyene antu yakwe Yakobo asyala yonsi yalaya pakasi ka mitundu ingi ya antu, wa lumi ulwafuma kuli Yawe. Yalaya wa mvula ino ikutonya pa mulemvwe, ino isilolela ukunenwa nu muntu, nanti umuntu aipeele ilamulo.

Mateo 21:22

Na consi cino mwalenga mwi pepo, ndi mwataila mulapokelela.”

Mateo 7:7

“Caleka namunena nati, lengini nga mumapelwa, londini nga mumazana, konkonsyini nga mumayulilwa.

Luka 6:13

Lino kwaca aama alondezi yakwe yonsi nga muliyo asolola ikumi na yaili, ayatemela ati, “Atumwa.”

Yoane 13:18

“Ntakulanda pamulandu wakwe mwemwe mwensi. Manyile yao yano nasolola. Lelo ilembelo lilinzile lifikiliziwe, lino likati, ‘Umuntu wino akulya pamwi nani watankatukila.’

Yoane 15:19

Ndi mwemo muya amu nsi, nga amu nsi yamutemwa wa antu yao. Lelo mwemo namusolwile kufuma mu nsi ii. Mwemo musi amu nsi, caleka amu nsi yamupata.

Yoane 15:5

“Nene mutingi namwe mwemwe misambo. Wino wensi wikala munondi, nga nani munoli, wene akaseeka vizao vingi. Pano mutangacita cimwi kwaula nene.

Yoane 6:70

Yesu nawe avwanga ati, “Uzye ntamusolwile mwemwe ikumi na yaili? Lelo wenga uwa munomuli wene u Musomvi.”

Milimo 1:24

Lyene yapepa yati, “Mwene, wemo wamanya myenzo ya antu onsi, utulange wino watusolola pa antu yaa oili,

Milimo 1:8

Lelo lino Mupasi Wamuzilo aliza panomuli, mulazuziwa na maka, mulaya yakambone yane mu Yelusalemu, mu Yudeya na monsi mu Samaliya, nga nu kufika na kuno insi yapela.”

Milimo 10:41

kusi ku antu onsi, suka sile sweswe, swe muno Leza wasolwile mpiti kuya yakambone yakwe. Kuli kuti walolekile kuli sweswe swe muno twalile nu kumwa pamwi nawe pacisila cakuzyukuka kwakwe kufuma ku mfwa.

Milimo 22:14

Alino avwanga ati, ‘Leza wa vikolwe vitu watakusola kuti umanye ukulonda kwakwe, nu kulola umuomvi wakwe Umololoke, uuvwe ni zwi lyakwe.

Milimo 9:15

Mwene anena Ananiya ati, “Pitanga, pano nati musola kuya muomvi wane, kuti aleke imanyike ku Akulukuwa nu ku ene nga nu ku ina Izlaeli.

Loma 1:13

Mwe inane nkasi mumanye vino insita zingi nkapanga ukwiza mupempula. Lelo kuli cikandesya. Nkalonda kwiza zombola vizao vya ku Mupasi muli mwemwe wakwe vino nacita mu Akulukuwa yauze.

Loma 1:5

Kupitila muli Klistu amuno Leza wampeela isyuko lyakuya mutumwa pakuti ntungulule antu amu nko zyonsi kuti yataile nu kuyela Leza na kuti Klistu acindikwe.

Loma 15:4

Vyonsi ivyalembwa mu malembelo vyalemvilwe ukutusambilizya, pakuti tuye nu upaalilo kupitila mu kutekeziwa nu kukomeleziwa kuno malembelo yakutupela.

Loma 9:21

Uzye nakamata asi ni nsambu zya pa mbulo iya kucita mukanya onga civiya conga cicindame nu mukanya uze civiya cuze cisaluke?

1 Kolinto 10:11

Vintu vii vyonsi vyacitikile vikolwe vitu kuti ciye ukusokwa, nupya vyalemvilwe kuti viye vyakutusambilizya swe muno tukulolela mpelelekezyo yakwe vyonsi.

Galatiya 1:15

Lelo Leza mu cikuku cakwe wene wansolwile na lino ntali kuti mvyalwe. Wene wangamile kwiza mutumikila.

Efeso 2:10

Leza watucita ndi vino tuli muli Klistu Yesu kuti twaikala ndi vino lyonsi akalonda, nu kuti twacita vintu visuma vino watuteyanyizizya.

Kolose 1:23

Mulinzile kutwalilila kuya acumi nupya akomeleke cuze mu utailo winu. Mutalinzile kuta upaalilo uno mwapokelile lino muvwile Ilandwe Lisuma. Lyene lyakosozilwe ku antu yonsi pano nsi, nga nani nemwisikulu nene muomvi wi Ilandwe kwene lii.

Kolose 1:6

Ilandwe Lisuma likutwalilila kuleta upolelelo nupya likusalangana mu nsi yonsi, ndi vino likacita lyonsi pakasi kinu kufuma pa wanda uno mwatandike kuvwa pa cikuku cakwe Leza nu kucimanyikisya vino caya.

1 Timoti 2:7

Acino wene wantumile kuya mutumwa nupya kasambilizya wa Akulukuwa, kuti nakosola ilandwe ilya kulenga antu yataile cumi. Nemo nsyakutumpoka. Lelo nkulanda cumi!

2 Timoti 1:11

Leza wansolola kuti inje kakosola, mutumwa na kasambilizya wi Landwe Lisuma.

2 Timoti 2:2

Maila aingi ukauvwa nkusambilizya pa manso yakwe yakambone aingi. Lyene ndakai nkulonda kuti wemo ulasike mulimo uu ku antu atailwe, yano angasambilizya antu yauze.

Tito 1:5

Nakusile mu Kulete, pakuti ulungike vintu ivyali nu kulungikwa. Nupya kuti usolole aikolo akutungulula iuvi muli cila musumba. Iusya vino nakutungulwile. Natile

Ayebulai 11:4

Mu utailo amuno Abeli wapile impolelwa isuma kuli Leza kuluta ino Kaini wapile. Mu utailo amuno Leza wavwangile Abeli visuma ukuti wene umololoke, pano Leza umwisikulu uwamucitile umboni pakupokelela uwila wakwe. Mu utailo wakwe Abeli acili akuvwanga nanti angala wene wafwa.

Yakobo 3:18

Lyene usuma uli uzombozi uno ukafuma ku mbezu zino yakacita ya mutende yakakomela.

1 Petulo 3:15

Lelo mukwatile Klistu coopo mu myenzo inu, nupya mwamucindika wa Mwene. Muye aiteyanya lyonsi pa kwasuka umuntu umwi uwamuzya pali vino mukapaalila.

1 Petulo 3:2

pano yalalola vino micitile inu yaya isuma nupya iya mucinzi.

1 Yoane 4:10

Kuu kuli kutemwa kwakuti asi sweswe twatemwa Leza, lelo pano wene uwatutemilwe nga atuma Mwana wakwe kuti aye impolelwa ya pa maifyo itu.

1 Yoane 4:19

Swemo tukatemwa pano Leza uwatandike ukututemwa.