Yoane 15:14 - Amazwi Yakwe Leza 2013

¹⁴ Mwemwe yacuza yane ndi mukucita vintu vino namunena.

Yoane 15:14 ပူးပေါင်းရင်းမြစ်များ

1 Yamwene 4:5

Azaliya umwana wakwe Natani uwangalilanga alasi yamu vitungu. Zabudi umwana wakwe Natani, wali a mpandamano uwa mwene.

2 Yamwene 18:6

Na cico cali umukuti aliwe wenga sile wasakamalanga Yawe ukwaula ukumusangukila. Wene wayelanga amasunde yano Yawe wapile Mose.

2 Milandu 20:7

Uzye usi wewe wazinzile aikazi ya mpanga ii apa manso ya antu yako aina Izlaeli nu kupeela impanga ii ku amu mupanda wakwe Abulaamu cuza wako mpaka umuyayaya?

Kufuma 7:6

Mose na Aaloni iyacita wakwe vino Yawe wapeezile ilamulo kunoyali.

Mapinda 18:24

Yacuza yamwi yakatutwala ukwilovyo. Lelo yacuza yamwi yaluta nu kulemana kwa lupwa.

Lwimbo lwakwe Solomoni 5:1

We mutemwikwa wane, nawinga wane, ala nemo natimfika mu calo cane. Nkuzombola usule wane ni vintu vyane vya mununko usuma. Nkulya uci wane na nacisenga wane uwa uci. Nkumwa waini wane ni ziya lyane. Mwemuno mwakundana, lyangini nu kumwa. Mwemuno mwakundana mwangini sile wakwe cimwi.

Ezaya 41:8

“Lyene fwandi mwe ina Izlaeli mwe aomvi yane, mwemwe muli mutundu wa antu yano naisolwela ne mweneco. Mwemwe ana yakwe Abulaamu cuza wane.

Yelemiya 32:23

Nayo ali vino yingile mwenemo nu kuipoka. Lelo yakana ukuyela amazwi yako nu kulondela amasunde yako. Yatacisile nanti conga pali vino wayanenyile. Caleka walesile ukuti uyi onsi uyaponele.

Ezekelo 12:7

Acino nani incita wakwe muno wampelile ilamulo. Umusanya imfumya cifunda cane, icinyepwe kwati ca muntu wino akuya ku uzya. Amanguzi nalyo intulula icipongo mu lung'umba na makasa yane. Lino kakuku katola, imfumya cifunda cane, ncisenda pa ciye ala na antu yalya yakulola.

Mateo 12:50

Pano wino wensi akacita kulonda kwakwe Tata uwa mwiyulu, wene ali mwina wane, na kaci wane na mayo.”

Luka 12:4

“Namunena, yacuza yane, mutaoopa yano akakoma umwili, lelo pacisila kusi na cuze cino yangacita.

Yoane 13:17

Ndakai mwati mumanya vintu vii, nga ndi mukuvicita mulaya alongo.

Yoane 14:15

“Ndi mwantemwa mwayela masunde yane.

Yoane 14:21

“Wino wensi akapokelela masunde yane nu kuyayela, ala wene uwantemwa. Na wino wensi uwantemwa, wene alatemwikwa na Tata. Nani kwene ndamutemwa nu kuisokolola kunoli.”

Yoane 14:28

Mwali muvwa vino nali nati, ‘Nkupita, lelo ndawela kunomuli.’ Ndi mwantemwa, mungazanga pa kuvwa vino nkuya kuli Tata. Pano Tata andusile.

Yoane 2:5

Alino nyina anena aomvi ati, “Vyonsi vino amamunena kucita, mucite.”

Yakobo 2:23

Na malembelo yafikiliziwe yano yakati, “Abulaamu wataile Leza, nga pamulandu wa kutaila kwakwe Leza wamuzumile kuya mololoke.” Vii avino Abulaamu wizile aamwa ukuti a cuza wakwe Leza.

1 Yoane 5:3

Swemo tukalanga kutemwa kuno twatemwa Leza pa kuyela masunde yakwe. Na masunde yakwe angupale,

Luti 3:6

Acino Luti akatuka atentemukila ku lwano lwa kupuulila nu kucita vivi kwene vino nyinavyala watamunena.