Yoane 14:6 - Amazwi Yakwe Leza 2013

⁶ Yesu amwaasuka ati, “Nene ndi nzila, ni cumi, nu umi. Pasi umwi angiza kuli Tata suka wizila muli nene.

Yoane 14:6 ပူးပေါင်းရင်းမြစ်များ

Mateo 11:27

“Tata wampeela vintu vyonsi. Pasi nanti wenga uwamanya Mwana suka sile Tata, nupya pasi nanti wenga uwamanya Tata suka sile Mwana, nga na yao yonsi yano Mwana wasola kuti amusokolole kunoyali.

Yoane 1:14

Izwi wiya wizile aya umuntu, wino uwa zuziwemo cikuku nga ni cumi, nupya wizile aikala pamwi naswe. Twaweni lulumbi lwakwe lwakuya Mwana wenga sile kufuma kuli Leza Tata.

Yoane 1:17

Pano Leza wapile Masunde ku antu kupitila muli Mose, lelo Yesu Klistu watuletela uwila, cikuku nga ni cumi.

Yoane 1:4

Wene wali intulo ya umi, nupya umi wakwe wapile luswepo ku antu onsi.

Yoane 10:28

Nemo nazipela umi wapee nga nazyo zitalalowa. Pasi umuntu alazisompola mwi kasa lyane.

Yoane 10:7

Nupya Yesu ati, “Cumi namunena vino nemo nene mulyango wakwingililapo mfwele.

Yoane 10:9

Nene mulyango! Wino wensi uwingila pali nene, alatuulwa. Wene alingila, alafuma nu kuzana vyakulya.

Yoane 14:19

Pa kasita kanono antu amu nsi yatalandola, lelo mwemo mulandola. Ndi vino nemo ndi nu umi, namwe kwene mulaya nu umi.

Yoane 15:1

“Nene mutingi wa cumi na Tata ali mulimi.

Yoane 18:37

Caleka Pilato amuuzya ati, “Uzye lyene wewe Mwene?” Yesu aasuka ati, “Watuvwanga vino nene Mwene. Navilwe nga nu kwiza mu nsi pamulandu onga sile wakuti ndande pamulandu wa cumi. Wino wensi waya uwa cumi wene akauvwa mazwi yane.”

Yoane 5:21

Pano vino Tata akatutulula afwe nu kuyapela umi, avino nu Mwana kwene akapeela wino akasi umi.

Yoane 6:33

Pano cakulya cino Leza akapeela awiyo uwafuma kwiyulu, wino akapeela umi ku antu amu nsi onsi.”

Yoane 6:51

Nene kwene indi cakulya icikapela umi cino ciiza pano pansi kufuma kwiyulu. Muntu ndi walya cakulya cii, wene alaya nu umi wape. Umwili wane uli cakulya ca umi uno nkapela ku antu yonsi amu nsi kuti yaye nu umi.”

Yoane 6:57

Tata wino akapeela umi uwantuma, nga nani indi nu umi pamulandu wakwe. Mu musango uli onga kwene wino wensi akulya umwili wane alaya nu umi pamulandu wane.

Yoane 6:68

Simoni Petulo amwaasuka ati, “Mwene, uzye aweni namuze wino tungayako? Mazwi yako yakapela umi wape.

Yoane 8:32

Mulamanya cumi ca pali Leza, nga ni cumi cilamukulula.”

Yoane 8:51

Cumi namunena nati, wino wensi akayela mazwi yane wene atalafwa.”

Milimo 3:15

Mwakomile Umwene wino akapeela umi, lelo Leza wamuzyukwile kufuma ku afwe, nga naswe sweswe yakambone pali cii.

Milimo 4:12

Kusi umuntu nanti wenga muno antu yangazana ufyusi, pano muno nsi yonsi kusi zina na lyuze lino Leza wapela kunotuli lyakuti tutuulilwemo.”

Milimo 9:2

kuti angamupeela ya kalata akuimanyisya ku ntunguluzi zya Ciyuda mu mang'anda ya mapepo ku Damasiko, pakuti ndi wazanyileko yamwi akalondela nzila ya Mwene, akwate maka aku yalema onsi, aonsi na anaci, ayatwale ku Yelusalemu.

Loma 15:16

lyakuya muomvi wakwe Yesu Klistu uwa kuombela Akulukuwa. Nkatumikila wakwe simapepo pa kukosola Ilandwe Lisuma kufuma kuli Leza, pakuti Akulukuwa yangaya wa mpolelwa iyapokelelwa kuli Leza, apalamikwa kunoli mu maka yakwe Mupasi Wamuzilo.

Loma 5:2

Pano twataila muli Klistu, Klistu kwene uwalenga kuti tukwate longo lwakuti twaikalilila mu luse lwakwe Leza. Acino tukailumba pa kukwata upaalilo wa kukumako ku ucindami wakwe Leza!

Loma 5:21

Caleka ndi vino iifyo lyateekanga kupitila mu mfwa, avino ni cikuku cakwe Leza kwene cikayateeka kupitila mu kuyacita kuya aololoke pa manso yakwe Leza, nu kuyatungulula ku umi wape muli Yesu Klistu, Mwene witu.

1 Kolinto 15:45

Pano calembwa mu malembelo cati, “Muntu wakutandika, Adamu, waumvilwe aya ciumbwa ca umi.” Lelo Yesu wino ali Adamu wakusyalikizya, wene ali Mupasi wino akapeela umi.

Efeso 2:18

Muli Klistu, swensi kwene Ayuda na Akulukuwa tungapalama kuli Tata kupitila mu Mupasi onga kwene.

Kolose 2:17

Vintu vii vyonsi ivisontelelo vya vintu ivyali nu kwiza. Lelo ucumi wakwevyo a Klistu.

Kolose 2:9

Mwata wakwe Leza onsi waya muli Klistu, mu untu wakwe,

Kolose 3:4

Umi winu uwa cumi a Klistu nga lino alaloleka, lyene namwe kwene mulaloleka pamwi nawe nu ku kumako kululumbi lwakwe!

Ayebulai 7:25

Acino na ndakai kwene wene akweti maka akutuula yao akaiza kuli Leza kupitila munoli. Pano wene uwa umi manda pe pa kuyapapatilako kuli Leza.

Ayebulai 9:8

Mu utantiko uu onsi amuno Mupasi Wamuzilo akusambilizya paswe ukuti inzila ya kwingila mu Ncende Yamuzilo Kuluta itange iyeko lino muputule wakwe conga uciimi.

1 Petulo 1:21

Klistu uwalenzile kuti mutaile muli Leza, wino wamuzyukwile kufuma ku afwe. Nupya wamupile lulumbi. Acino utailo nga nu upaalilo winu vyaya muli Leza.

1 Petulo 2:4

Izini kuli Yesu. Wene ali iwe lya umi lino antu yakana ukuti ilya mpomvu. Lelo Leza walisolwile wi we lyamutengo cuze.

1 Petulo 3:18

Pano Klistu umwisikulu wafwile lyonga sile pamulandu wa maifyo itu. Wene wali uwakaele pa kufwila yakaifya, pakuti amutungulule kuli Leza. Wene wakomilwe, lelo aya nu umi ku mupasi.

1 Yoane 1:8

Ndi twati tusi na maifyo, ale twaisomba sweisikulu, nga ni cumi cisi munotuli.

1 Yoane 2:23

Pano wino wensi uwakana Mwana ala wene wakana na Tata kwene. Wino wensi uwazumila Mwana ala wene wazumila na Tata kwene.

1 Yoane 5:20

Twamanya ukuti Mwana wakwe Leza wiza nupya uwalenga kuti tumanye Leza wa cumi. Swemo tukaikala muli Leza wa cumi, na muli Yesu Klistu Mwana wakwe. Wene ali Leza wa cumi nupya aliwe akatupeela umi wape.

1 Yoane 5:6

Wii ali wino wizile na manzi nu wazi, a Yesu Klistu kwene, nga atizile na manzi yatupu sile, lelo wizile na manzi nu wazi. Mupasi Wamuzilo umwisikulu akupeela umboni uwakuti cii icacumi, pano wene ali cumi.

2 Yoane 1:9

Muntu asyakulondela usambilizyo wakwe Klistu, nda kapuzya mwenemo wene asi na Leza. Wino wensi akayela usambilizyo wakwe wene ali na Tata nu Mwana kwene.

Umbwilo 1:5

Cikuku nu mutende viye namwe kufuma kuli Yesu Klistu kambone uwakutailwa, uwali wankolelo kuzyukuka kufuma ku mfwa, nupya wene ali kateeka wakwe yakateeka yonsi amu nsi. Wene watutemwa nupya waipile kuti atukulule ku maifyo itu

Umbwilo 19:11

Nupya ndola iyulu lyalekuka, ni mfwalasi itiswe iloleka. Izina lyakwe wino uwakwezilepo yakati, “Uwakutailwa” nu “Wacumi.” Wene ataya na lufyengo mu upinguzi wakwe nanti mu ulwi uno akalwisya.

Umbwilo 20:15

Wino wensi atalemvilwe izina lyakwe mu lupapulo lwa umi wene wasumbilwe muli yemba wa moto.

Umbwilo 22:1

5Lyene mungeli andanga luzi lwa manzi yano akapeela umi, luyengese wakwe Kulustele, luno lwafuma mu cilimba ca wene cakwe Leza nupya ca Mwana wa Mfwele.

Umbwilo 22:17

Mupasi Wamuzilo pamwi na Nawinga yakuti, “Iza!” Na wino wensi akuuvwa vii alinzile alande ati, “Iza!” Wino wensi ali nu lusala, aiize. Wino wensi akulonda manzi yano yakapela umi, yene yamapelwa kunoli uwila.

Umbwilo 3:14

“Lemba ku ntunguluzi yakwi uvi ku Lodesiya uti, “Lii ilandwe kufuma kuli wino akwamwa Ameni, kambone uwakutailwa nupya uwa cumi. Wene ali ntulo yakwe vyonsi vino Leza waumba.

Umbwilo 3:7

“Lemba ku ntunguluzi yakwi uvi ku Filadefia uti, “Lii ilandwe kufuma kuli wino uwamuzilo nupya uwa cumi. Wene akweti mfungulo yakwe Kateeka Davidi, nupya lino wayula mulyango, kusi umuntu nanti wenga angauyala, na lino wene wauyala, kusi muntu nanti wenga angauyula.