Yoane 14:27 - Amazwi Yakwe Leza 2013

²⁷ “Namusila mutende, mutende wane auno namupeela. Ntamupile mutende ndi vino amu nsi yakapela. Mutaleka myenzo inu yaaziwa, nanti kuvwa intete.

Yoane 14:27 ပူးပေါင်းရင်းမြစ်များ

2 Milandu 20:30

Pamulandu uu, kwali umutende utantalile uwaku matwi cele umu uteko onsi wakwe Yeosafati nu ku inipamba

Yobo 34:29

Ale lelo tuti Leza ndi cakuti atakasi ukuyaasuka, uzye kungaya uwakumusokonsya? Nanti ndi cakuti wene wavimba apa manso, uzye kungaya uwakumulola? Kusi!

Masamu 11:1

Nutukila kuli Yawe. Kuno icani cino mukunena imuti, “Papukila uku mwamba wa cunyi?

Masamu 112:7

Asioopa nanti panono ndi cakuti yamwikwila isyamo. Wene waya umuposye apamulandu sile uwakutaila muli Yawe.

Masamu 27:1

Yawe ali luswepo lwane na katuula wane, kusi cino ningoopa. Yawe akantuula kuli vyonsi ivya uzanzo, fwandi kusi wino ningoopa.

Masamu 28:3

Utankululula nu kunsendenkanya pamwi na aipe, yakaleta tweo. Yene yakalanda ivya longo uku yauze, lelo ala umu myenzo yao muli ulupato.

Masamu 29:11

Yawe aliwe akapeela antu yakwe amaka, nupya akapolelela antu yakwe upolelelo wa longo.

Masamu 56:11

A Leza awino nemo nataila, ni ntete nemo intazikwata foo. Icani fwandi cino umuntu uwasilesile angancita?

Masamu 56:3

Lino intete zyandema, awewe sile wenga we muno nkataila, Leza mukulu.

Masamu 72:2

Leka alungika lino akuteeka antu yako, nu kuvwangila alanda.

Masamu 72:7

Leka usuma uvulisye apa nsita ino Mwene ali pano nsi, ni syuko lya antu likayeko insita yonsi, ukufika na pano umwezi ulata ukuya penepo.

Masamu 85:10

Ukutemwa na ucumi vilakomenkana. Uololoke nu mutende vilazengelana.

Masamu 91:5

Usiku, kusi nanti cimwi cino umaopanga, nanti kusi ivyakukupumikizya umukasanya.

Mapinda 3:25

Wemo utalaoopa amasyamo yano yakapumikizya antu, nanti yano yakaponela antu aipe.

Ezaya 12:2

Cumi kwene Leza ali ufyusi wane. Nkutaila lyene apaula ukoopa, pano Yawe ali maka yane, nu lwimbo lwane, nu ufyusi wane.”

Ezaya 41:10

Ali cino mwemo mutaoopa, nemo namayanga pee namwe. Mutasakamala nanti cimwi pano nene indi Leza winu. Nene namamukomyanga nupya namamwavwanga. Nene namamusunganga nupya nene namamupususyanga.

Ezaya 41:14

Nupya Yawe wavwanga wati, “Mwe ina Izlaeli, nanti angala mwacepesya nu kuulilwa amaka, mutaoopa foo, pano nene namamwazwanga. Anene Leza Wamuzilo wakwe Izlaeli. Anene namamupususyanga.

Ezaya 54:13

Ana yako yonsi yalasambilila kuli ne Yawe, isyuko lyao lilakula wakwe cimwi.

Ezaya 55:12

Icumi cumi mulafuma nu luzango, yalamutwala umulongo. Imyamba ni milundu vilapunda nu luzango apa nkolelo inu. Ni miti yonsi yamu mutengo ilakomela inkufi.

Ezaya 57:19

Nemo naletela yonsi pyu ulongo, yayo yano yali umupipi, nga na yayo ali ukutali kwene! Ala nemo ndapozya antu yane.”

Ezaya 9:6

Ala lyene umwana watatuvyalilwa, yatiyatupeela umwana umonsi wino yatiyatwika uwene apa viye vyakwe. Yatiyamutemela izina lyakwe yati, “A Ciinda Wakuzunguka”, “Leza Wamaka yonsi”, “Umukwasi wa pee”, “Mwanangwa wa Cituku”.

Yelemiya 1:8

Utayoopa foo, pano namayanga nawe nu kukupususya. Ivyalanda ne Yawe.”

Nyimbo zya ndosya 3:17

Ntange niusye nu usuma wa mutende vino waya, nanti vino ukwikala ku matwi cele kwaya kumwi ni nsansa.

Ezekelo 2:6

“Nawe we mwana wa muntu, utoopa nga yakunena yati, ‘Imyunga yatikuzinguluka, utenzi na pa makalela.’ Utoopa amazwi yaa, utaya ni ntete ndi yakutunwila amanso, pano uluko lulo lwatalama.

Danieli 4:1

Umwene Nebukadineza watumile imbila ii ku antu amu nko zyonsi, ni misango yonsi ya antu, ni ndimi zyonsi umu nsi ati, “Nalaula!

Danieli 6:25

Lyene umwene Dalyusi alembela antu amu nko zyuze zyonsi, ni misango ya antu yonsi, ni ndimi zyonsi, ati, “Nkumulamuka!

Zakaliya 6:13

Aliwe kwene alankuulila Ng'anda yane ikulu ne Yawe, nupya alacindama wa mwene wa muno nsi, wiyo alaateeka na antu yakwe. Alakwatapo simapepo wenga wino alaaimilila pa cilimba cakwe ca wene, yonsi yoili yalauvwana nu kuombela ca pamwi mu mutende.

Mpendwa 6:26

Si Yawe amulange impumi yakwe amupeele nu mutende.”

Mateo 10:26

“Caleka mutaoopa antu. Kusi cimwi icafisama icitalasokololwa paswe, nanti cimwi cino icafiswa icitalaumbulwa.

Luka 1:79

nu kuyengesa pali yonsi yano aikala mu mfinzi nu mu cinzingwa ca mfwa, nga nu kututungulula mu kwikala umi wa mutende.”

Luka 10:5

Mu ng'anda yonsi muno mwingila ndi yamupokelela, mutale muti, ‘Mutende uye pali onsi amu ng'anda ii.’

Luka 12:4

“Namunena, yacuza yane, mutaoopa yano akakoma umwili, lelo pacisila kusi na cuze cino yangacita.

Luka 2:14

“Ululumbi kuli Leza mwiyulu papelapela, nu mutende pali yano Leza akuzangilamo.”

Yoane 14:1

Yesu anena alondezi yakwe ati, “Mutaleka myenzo inu yaaziwa. Tailini Leza, mutaile nani kwene.

Yoane 16:33

Nati munena vintu vii pakuti muzane mutende munondi. Lino mucili mu nsi mulacula. Lelo posyini! Nemo nati ncimvya maka amu nsi ii.”

Yoane 20:19

Lyene manguzi pa wanda wakutandika mulungu, lino ilanzi lyatemba, alondezi yakongine pamwi. Milyango ya ng'anda nayo ala yatifiikilwa, pano yoopanga intunguluzi zya Ciyuda. Alino Yesu aiiza aimilila pakasi kao, ayanena ati, “Mutende uye namwe.”

Yoane 20:21

Yesu nupya ayanena ati, “Mutende uye namwe. Ndi vino Tata wantumile avino nani namutuma.”

Yoane 20:26

Pacisila ca manda cinani, alondezi yakwe pali pamwi na Tomasi nupya yali mukasi ka ng'anda. Alino Yesu aiiza aimilila pakasi kao, ala ni milyango yatifiikilwa, nga ayanena ati, “Mutende uye namwe.”

Milimo 10:36

Mwamanya ilandwe lino watumile ku ina Izlaeli, ukukosola Ilandwe Lisuma ilya mutende kupitila muli Yesu Klistu, wino ali Mwene wa antu onsi.

Milimo 18:9

Usiku umwi Mwene aloleka kuli Paulo mu cilolwa, nga amunena ati, “Utuvwa intete, lelo twalilila nu kuvwanga, utata,

Loma 1:7

Caleka nalemba kalata kuli mwemwe mwensi mwe yakundwe yakwe Leza amu Loma, mwe muno mwaamwa kuti namwe kwene muye antu yakwe amuzilo. Leza Tata nu Mwene witu Yesu Klistu amupeele cikuku nu mutende.

Loma 15:13

Mwene Leza ali ntulo ya upaalilo, aleke muzange muye nu mutende cuze kupitila mu utailo winu munoli, pakuti upaalilo winu utwalilile kukula mu maka yakwe Mupasi Wamuzilo.

Loma 5:1

Caleka pano twati tuya aololoke pa manso yakwe Leza pamulandu wa utailo, lyene tukweti mutende pakasi kitu na Leza, kupitila mu Mwene witu Yesu Klistu.

Loma 5:10

Twali anisi yakwe Leza, lelo mu mfwa ya Mwana wakwe watuwikizyanya nawe. Lyene vino twaya yacuza yakwe Leza, cumi Klistu alatutuula pano wene umumi.

Loma 8:6

Kutungululwa ni vilondwa vya mwili ukuiletelela imfwa, kutungululwa na Mupasi Wamuzilo kwene kukatuletela umi nu mutende.

1 Kolinto 1:3

Leza Tata nu Mwene Yesu Klistu amupeele cikuku nu mutende.

Galatiya 1:3

Cikuku nu mutende viye kunomuli kufuma kuli Leza Tata nu Mwene witu Yesu Klistu.

Galatiya 5:22

Lelo Mupasi Wamuzilo wene akatulenga kuti twatemwana, kuya nu luzango, mutende, kuteeka mwenzo, uluse, cikuku, kuya a cumi,

Galatiya 6:16

Yao alondela lamulo lii, namwe kwene antu yakwe Leza acumi, Leza pamwi na alaya na mizu panomuli nu kumupeela mutende.

Filipi 4:7

Lyene pamulandu wakuti mwemwe yakwe Klistu, Leza alamupeela mutende uno kusi umuntu nanti wenga angaumanyikisya. Mutende kwene uu, ulatungulula umi winu ni myelenganyizizye inu.

Kolose 1:2

Tukulemba kalata kuli mwe ina Kolose asolwa na Leza, mwe ina itu autailo muli Klistu. Leza Tata aye nu luse kunomuli nu kumupeela mutende.

Kolose 1:20

Kupitila mu Mwana, Leza welenginye kuleta mutende ku viumbwa vyonsi. Wene wacisile mutende kupitila mu mpolelwa ya mfwa ya Mwana wakwe pa lupanda, nu kuleta viumbwa vyonsi kunoli, ivya mwiyulu ni vyamu nsi.

Kolose 3:15

Mutende uno Klistu akapeela uwa kutungulula myenzo inu. Leza wamusolwile kuti mwikale mu mutende kwene uu, pano mwemwe vilundwa vya mwili onga. Nupya mulinzile mwataizya.

2 Tesalonika 1:2

Cikuku nu mutende kufuma kuli Leza Tata nu Mwene Yesu Klistu viye namwe.

2 Tesalonika 3:16

Mwene wino ali intulo ya mutende umwisikulu amupeela mutende nsita zyonsi mu musango uli onsi. Mwene aye namwe mwensi.

2 Timoti 1:7

Pano Mupasi uno Leza watupeela wene usyatulenga kuya antete. Lelo Mupasi wakwe wene ukatupela maka, kutemwa nga nu kuikanya.

Ayebulai 13:20

Leza uwazyukwile Yesu Mwene witu kufuma ku mfwa. Yesu ali Mucemi Mukulu uwa mfwele pano imfwa ino wafwile pa kuipeela impolelwa ili ino wapangamo upangano namwe, wa manda pe.

Ayebulai 7:2

Abulaamu nawe amupeela icikumi pali vyonsi vino wasenzile. Mekisedeki izina lino nkolelo likusenula ukuti “Kateeka wino akaleta uwololoke.” Cakwe ciili wene wali a kateeka wa Salemu, cikusenula ukuti, “Kateeka wino akaleta mutende.”

Umbwilo 1:4

Ne Yoane nalemba kalata ku mauvi cinimbali amu muputule wa mpanga ya Asiya. Cikuku nu mutende viye namwe kufuma kuli Leza, wino alipo, wino uwalipo, wino aliza. Cikuku nu mutende viye namwe kufuma ku mipasi cinimbali ili ku nkolelo ya cilimba cakwe Leza.

Umbwilo 2:10

Utuvwa intete pali vino wasya ucule. Uvwa! Muli nu kweziwa na Ciwa lino wene alalenga kuti yamwi amunomuli yayalilwe mu ng'anda yaminyololo. Na macuzi yako yalasila mu manda ikumi. Uye uwakutailwa mpaka ni mfwa, nani ndakupeela cilambu cangala icili umi wape.

Umbwilo 21:8

Lelo antete na yano asi nu utailo, na yakacita ya vintu vyawinyi, ni nkomi, yacizelele, alozi, na yakapepa ya tuluwi, na antu yonsi antumpu, wikalo wao a yemba wa moto muno maluti yakapya. Ii ili mfwa yakwe ciili.”