Yoane 14:23 - Amazwi Yakwe Leza 2013

²³ Yesu amwaasuka ati, “Wino wensi uwantemwa, wene akayela mazwi yane. Wene alatemwikwa na Tata, nga Tata nani tuliza kunoli nu kwikala nawe.”

Yoane 14:23 ပူးပေါင်းရင်းမြစ်များ

Utandiko 1:26

Nupya Leza avwanga ati, “Katuumbe umuntu mu cata citu, aye wakwe sweswe. Wene alaangalila inswi, ni vyunyi ivikapapuka, iviteekwa ni nyama zya mpanga, nga ni vikasela vyonsi.”

Utandiko 11:7

Leka tuye pansi tukavulunganye ululimi lwao kuti yatauvwana.”

Masamu 90:1

Mwene, wewe uli wikalo witu wakuzinamo, umu nkulo zyonsi.

Masamu 91:1

Wiyo uwaya ku kuzina kuli Leza wapapelapela, umu mapa ya cisao cakwe Umweneco Wamaka yonsi,

Ezaya 57:15

Pano nemo ne Leza Wapapelapela nemuno nikala umu ncende yamuzilo, nkaamwa ukuti Wamuzilo wilya, nkuti, “Nkaikala umu ncende yapapelapela yamuzilo. Lelo nkaikala na antu aicefya nupya afuke myenzo, kuti aicefya yayo njapupuzule imyenzo.

Yoane 10:30

Nemo na Tata twaya wenga.”

Yoane 14:15

“Ndi mwantemwa mwayela masunde yane.

Yoane 14:17

Wene a Mupasi wa cumi, wino akasokolola cumi ca pali Leza. Antu atemwa sile vya nsi yatangamuzengela, pano yatangamulola nanti kumumanya. Lelo mwemo mwamumanya pano akaikala namwe, nupya amaikalanga munomuli.

Yoane 14:21

“Wino wensi akapokelela masunde yane nu kuyayela, ala wene uwantemwa. Na wino wensi uwantemwa, wene alatemwikwa na Tata. Nani kwene ndamutemwa nu kuisokolola kunoli.”

Yoane 14:24

Wino wensi atantemwa wene asyayela mazwi yane. Na mazwi yano muvwa yene yatafuma kunondi, lelo yafuma kuli Tata, wino uwantuma.

Yoane 15:10

Ndi mwayela masunde yane, ale lyonsi mumaikala mu kutemwa kwane, ndi vino nani nkayela masunde yakwe Tata nu kwikala mu kutemwa kwakwe.

Yoane 16:27

pano Tata umwisikulu wamutemwa. Wene wamutemwa pano mwemo mwantemwa nga nu kutaila vino nafumile kunoli.

Yoane 6:56

Wino wensi akulya umwili wane nu kumwa uwazi wane wene akaikala munondi, nga nani nkaikala munoli.

Yoane 8:51

Cumi namunena nati, wino wensi akayela mazwi yane wene atalafwa.”

Yoane 8:52

Ayuda yati, “Ndakai twamanya nu kusininkizya vino uli nu mupasi wankota! Abulaamu wafwa, na yakasema nao yafwa nga nawe wavwanga wati, wino wensi, akayela mazwi yako wene atalafwa.

2 Kolinto 6:16

Uzye ng'anda yakwe Leza vingalemana uli nu tuluwi? Sweswe ng'anda ikulu yakwe Leza wa umi, ndi vino Leza umwisikulu walanda wati, “Ndikala pamwi na antu yaa nga nu kupita pakasi kao. Ndaya Leza wao, nao yalaya antu yane.”

Efeso 3:17

Nupya nkupepa kuti Klistu aikala mu myenzo inu pa kutaila kwinu kuti muzyansye nu kwika misisi mu kutemwa kwakwe.

1 Yoane 2:24

Lyene namwe lekini ilandwe lino muvwile kufuma ku utandiko likalilile mu myenzo inu. Vino muvwile kufuma ku utandiko ndi vikalilila mu myenzo inu namwe lyonsi kwene mulikala mu Mwana na muli Tata.

1 Yoane 2:5

Lelo mu cumi wino wensi akayela mazwi yakwe, wiyo kwene awino kutemwa kuno watemwa Leza kwaya ukufumaluke. Vii, avino swemo tungasininkizya ukuti tuli muli Leza.

1 Yoane 4:4

Lelo mwe ana yane, mwemwe yakwe Leza. Mwemo mwacimvya mpiti yakasema yaufi, pano Mupasi uwaya muno muli wene uwamaka kuluta Mupasi utazumila Klistu uli muli yao amu nsi.

1 Yoane 5:3

Swemo tukalanga kutemwa kuno twatemwa Leza pa kuyela masunde yakwe. Na masunde yakwe angupale,

2 Yoane 1:6

Kutemwa kuno nkulanda kukusenula ukuti tulinzile kuyela malamulo yakwe Leza. Ilamulo lino muvwile kufuma ku utandiko ilyakuti mwensi mwatemwana.

Umbwilo 21:22

Lelo mu musumba ntawenimo Ng'anda ikulu yakwe Leza, pano Mwene Leza Wamaka yonsi nga nu Mwana wa Mfwele ali Ng'anda ikulu iyaya mwenemo.

Umbwilo 21:3

Alino nuvwa izwi likulu likulanda kufuma ku cilimba ca wene liti, “Ndakai uwikalo wakwe Leza uli pamwi na antu! Wene amaikalanga nao nupya yene yalaya antu yakwe. Leza umwisikulu alaya nao nupya wene alaya ali Leza wao.

Umbwilo 22:3

Kusi cimwi icatipwa na Leza icilazanwa mu musumba ukulu. Cilimba ca wene cakwe Leza nupya ca Mwana wa Mfwele cilaya mu musumba ukulu, na aomvi yakwe yalamupepa.