Yoane 14:18 - Amazwi Yakwe Leza 2013

¹⁸ “Ntalamusya mwenga wa ana asyale, lelo ndawela kunomuli.

Yoane 14:18 ပူးပေါင်းရင်းမြစ်များ

Masamu 101:2

Imiyele yane imayanga iyakwe ukayele. Uzye ulawela lilaci kunondi? Nemo ukwane namaikalanga ni misango isuma.

Masamu 23:4

Nanti ningapita umu mukonko umufitisye, awe cumi ntange noope iciipe icili consi, pano we Yawe uli nane. Insonzo ni ntuwa yako vikancingilila.

Ezaya 43:1

Lelo ndakai, Yawe uwakuumvile we Yakobo, wiyo uwakupanzile we Izlaeli, akuti, “Utuvwa intete, pano natinkukulula, nakwama ukwi zina, wewe wakwane.

Ezaya 51:12

Yawe nupya wavwanga wati, “Kapela wa maka kuno muli anene. Nga fwandi nupya ungaoopa uli umuntu umwina kufwa, wino waviilwe uku muntu? Wiyo alafoota sile nu kuuma wi sote?

Nyimbo zya ndosya 5:3

Sweswe ana asyale aula umukwasi, nga lyene yamayo a yamukamfwilwa.

Oseya 14:3

Aina Asilya yatangatutuula, ni mfwalasi zya nkondo zitangatucingilila. Vino twapanga uku makasa itu tutalatala twame tuti, ‘Leza witu,’ pano wewe waya na mizu ku ana asyale.”

Oseya 6:3

Lekini twezye ukumanya Yawe. Lekini tutukusye ukumumanya. Cumi kwene aliza kunotuli wa kutunka kwi lanzi, aliza kunotuli wa mvula ya macesya, ni yapa mooko ino ikatontekela umusili.”

Mateo 18:20

Pano kuno antu yaili nanti yatatu yakongana mwi zina lyane, nani ndaya nao.”

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Yoane 14:16

Nani ndapepa kuli Tata, nawe alamupeela kaazwa muze, kuti aikale namwe manda pe.

Yoane 14:3

Lyene ndi napita kukumuteyanyizizya ncende, ndawela kwiza mutola kuti kunondi akuno namwe mukaye.

Yoane 16:16

“Pa kasita kanono mutalandola nupya, nga nupya pa kasita kanono mulandola.”

Yoane 16:33

Nati munena vintu vii pakuti muzane mutende munondi. Lino mucili mu nsi mulacula. Lelo posyini! Nemo nati ncimvya maka amu nsi ii.”

2 Tesalonika 2:16

Mwene witu Yesu Klistu, na Leza Tata wino watutemwa, nupya mu cikuku cakwe watupeela ukomelezyo nu upaalilo,

Ayebulai 2:18

Acino ndakai wene ali na maka yakwazwa yao akutunkwa pano umwisikulu watunsilwe nu kucula.