Yoane 14:17 - Amazwi Yakwe Leza 2013

¹⁷ Wene a Mupasi wa cumi, wino akasokolola cumi ca pali Leza. Antu atemwa sile vya nsi yatangamuzengela, pano yatangamulola nanti kumumanya. Lelo mwemo mwamumanya pano akaikala namwe, nupya amaikalanga munomuli.

Yoane 14:17 ပူးပေါင်းရင်းမြစ်များ

Mapinda 14:10

Umwenzo ukaimanyila onga ivikucuzya, nupya patangaya nanti wenga angamanya ndi watiuzanga.

Ezaya 57:15

Pano nemo ne Leza Wapapelapela nemuno nikala umu ncende yamuzilo, nkaamwa ukuti Wamuzilo wilya, nkuti, “Nkaikala umu ncende yapapelapela yamuzilo. Lelo nkaikala na antu aicefya nupya afuke myenzo, kuti aicefya yayo njapupuzule imyenzo.

Ezaya 59:21

Alino nupya ne Yawe napangana namwe upangano wakuti nemo napeela amaka yane na masunde yane. Fwandi mwemo mulinzile ukuviyela, nu kuvisambilizya ku yana yinu na izikulu inu, ukutandikila sile apilelo ukufika nu kumpela ya manda. Kuu kuli kulanda kwakwe Yawe.

Ezekelo 36:27

Mupasi wane auno ndiika munomuli, nupya ndasumbako amano wakwe cimwi apakuti muce mwawaka amasunde yane ni vipope vyane vino nemo namupeela.

Mateo 10:20

Pano mazwi yano mulavwanga yatalaya mazwi inu, lelo yalafuma kuli Mupasi Wamuzilo.

Yoane 14:16

Nani ndapepa kuli Tata, nawe alamupeela kaazwa muze, kuti aikale namwe manda pe.

Yoane 14:23

Yesu amwaasuka ati, “Wino wensi uwantemwa, wene akayela mazwi yane. Wene alatemwikwa na Tata, nga Tata nani tuliza kunoli nu kwikala nawe.”

Yoane 15:26

“Lelo kaazwa aliza, ali Mupasi, wino akasokolola cumi ca pali Tata, nupya akafuma kuli Tata. Ndamutumila wii kwene kufuma kuli Tata, nga nawe alapeela umboni pamulandu wane.

Yoane 16:13

Lelo lino Mupasi wa cumi aliza, wene alamutungulula ku cumi cakwe Leza consi. Pano atalaivwangila. Lelo vintu vyonsi vino alauvwa avino alavwanga, nga alamumanyisya ni vintu ivili nu kwiza.

Yoane 6:40

Pano kulonda kwakwe Tata kwakuti wensi uwalola Mwana nu kumutaila, wene alaya nu umi wape, nga nani ndaleka azyukuke pa wanda wampelelekezyo.”

1 Kolinto 14:15

Uzye lyene ndinzile kucita uli? Namapepanga mu mwenzo nga na muli kampingu wane kwene. Namaimbilanga mu mwenzo nga na muli kampingu wane kwene.

1 Kolinto 2:14

Muntu wino asi na Mupasi, wene atangapokelela mawila yakwe Mupasi wakwe Leza. Muntu uwa musango uu, atangiluka vintu vya Mupasi. Kunoli visisenula cimwi, pano vikalondekwa kuya nu Mupasi Wamuzilo kuti muntu avyuvwe.

1 Kolinto 3:16

Cumi mwemo mwamanya vino mwemwe Ng'anda ikulu yakwe Leza nga na vino Mupasi Wamuzilo akaikala munomuli.

1 Kolinto 6:19

Uzye mutamanya vino mili inu ing'anda ikulu yakwe Mupasi Wamuzilo? Leza wamupile Mupasi Wamuzilo kuti aikala munomuli. Uli mulandu uno umi uno mukwikala usi wakwinu lelo uwakwe Leza.

2 Kolinto 13:5

Muyezye mweisikulu pakuti muilole ndi mu cumi mukwikala mu utailo. Lelo ndi Klistu asyaikala muno muli, ale lyene mwaposiwa.

2 Kolinto 6:16

Uzye ng'anda yakwe Leza vingalemana uli nu tuluwi? Sweswe ng'anda ikulu yakwe Leza wa umi, ndi vino Leza umwisikulu walanda wati, “Ndikala pamwi na antu yaa nga nu kupita pakasi kao. Ndaya Leza wao, nao yalaya antu yane.”

Galatiya 4:6

Leza watumile Mupasi wa Mwana wakwe mu myenzo itu, pakusininkizya ukuti sweswe ana yakwe, Mupasi wino akati, “Abba, Tata wane.”

Efeso 2:22

Munoli namwe kwene mukukulwa nu kulundinkanyiwa kuti muye wikalo wakwe Leza mukuomba kwakwe Mupasi Wamuzilo.

Efeso 3:17

Nupya nkupepa kuti Klistu aikala mu myenzo inu pa kutaila kwinu kuti muzyansye nu kwika misisi mu kutemwa kwakwe.

Kolose 1:27

Ipange lyakwe Leza ilya kuumbula nkama kwene ii iyalulumbi ku antu yakwe. Nupya nkama ii iyakupeela ku antu onsi. Nkama iyakuti Klistu aikala munomuli, nupya wene ali upaalilo winu uwa kukuma ku lulumbi lwakwe Leza.

2 Timoti 1:14

Mu maka yakwe Mupasi Wamuzilo, wino akaikala munotuli, nakunena ukuti wacingilila vintu visuma vino walasikwa.

1 Yoane 2:27

Lelo mwemo Klistu wamupolelela pa kumupongolwela Mupasi wakwe wikala munomuli, nupya citakulondekwa ukuti umuntu umwi amusambilizya. Mupasi Wamuzilo aliwe akamusambilizya vyonsi. Vino akamusambilizya ivya cumi visi vyaufi. Caleka mulinzile kuyela usambilizyo wakwe Mupasi Wamuzilo nga nu kwikalilila mu utandano na Klistu.

1 Yoane 3:24

Wino wensi akayela malamulo yakwe Leza wene wikala munoli, na Leza nawe wikala muli aliwe. Nupya twamanya ukuti Mupasi Wamuzilo wino watupeela wene ali cisininkizyo cakuti Leza wikala munotuli.

1 Yoane 4:4

Lelo mwe ana yane, mwemwe yakwe Leza. Mwemo mwacimvya mpiti yakasema yaufi, pano Mupasi uwaya muno muli wene uwamaka kuluta Mupasi utazumila Klistu uli muli yao amu nsi.

1 Yoane 4:6

Lelo swemo sweswe yakwe Leza. Wino wensi uwamanya Leza wene akauvwa kunotuli. Wino wensi asi wakwe Leza wene asyauvwa kunotuli. Vii avino tungalanda upusano uwaya pakasi ka Mupasi ukalanda icumi nga nu mupasi ukalanda intumpu.

1 Yoane 5:7

Kwaya yakambone yatatu.

Umbwilo 2:17

“Akweti amatwi yakuuvwa, auvwe cino Mupasi Wamuzilo akulanda ku mauvi! “Yao alacimvya ndayapeela mana uwafiswa. Nupya cila wenga uwa munoyali ndamupeela iwe litiswe pano palembwa izina lipya, ililamanyikwa kuli aliwe asi kuli wensi.