Yoane 14:1 - Amazwi Yakwe Leza 2013

¹ Yesu anena alondezi yakwe ati, “Mutaleka myenzo inu yaaziwa. Tailini Leza, mutaile nani kwene.

Yoane 14:1 ပူးပေါင်းရင်းမြစ်များ

Masamu 43:5

We mwenzo wane, icani fwandi cino ukungumalile vii? Icani cino ukunyongotekela? Tailanga sile muli Leza! Kande nalukumutaizya nupya kwene, pano wene ali Katula wane na Leza wane.

Masamu 77:10

Nga kula nupya imbwela inti, “Icikuncisa uku mwenzo, aeci icakuti, awe cumi Leza lyene amaka yakwe yatiyasila.”

Ezaya 26:3

We Yawe antu yano yakasumba amano kuli wewe, nu kukutaila, leka yaikala umutende.

Yelemiya 8:18

Iyee mwe, ala ulanda wane utangasila. Umwenzo wane pasi pakunyongoloka.

Yoane 11:33

Lino Yesu walola ukuti Maliya akulila pamwi na Ayuda kwene amusukilile ala yakulila, auvwa ulanda cuze mu mwenzo.

Yoane 12:27

“Ndakai nuvwa ulanda cuze mu mwenzo. Uzye namavwanga cani? Uzye namavwanga inti, ‘Tata, untuule mu kasita kaa ka macuzi?’ Lelo uli mulandu uno nizile, kuti mpite mu kasita kaa ka ucuzi.

Yoane 12:44

Yesu asanzika izwi ati, “Wino wantaila, ala atataile nene nenga, lelo wataila na wino uwantuma.

Yoane 13:19

Ndakai namunena cii na lino citali cicitike, kuti lino cilacitika, muce mutaile vino ‘Nene ali Nene kwene.’

Yoane 16:24

Kufika na ndakai mutali mulenge cimwi mwi zina lyane. Lengini nga mulapelwa, kuti muzange cuze.

Yoane 16:3

Antu yalacita vintu vii kunomuli pano yatamanya Tata, nanti anene.

Yoane 16:6

Lyene ndakai pano namunena vintu vii myenzo inu ili nu ulanda.

Yoane 5:23

pakuti yonsi yacindike Mwana vino yacindika Isi. Wino asyakucindika Mwana, ala asyakucindika ni Isi wino wamutumile.

Yoane 6:40

Pano kulonda kwakwe Tata kwakuti wensi uwalola Mwana nu kumutaila, wene alaya nu umi wape, nga nani ndaleka azyukuke pa wanda wampelelekezyo.”

2 Kolinto 2:7

Lelo nanti angala muntu wifya, mulinzile kumwelela nga nu kumukomelezya, kuti mutaleka auvwe ulanda nga nu kunenuka.

Efeso 1:15

Caleka nani kwene kufuma lino nuvwile vya pa utailo uno mukweti mu Mwene witu Yesu nga nu kutemwa kuno mwakwata pa antu yakwe Leza onsi,

2 Tesalonika 2:2

mutaleka ciye cangupale kuvulunganyiziwa nu kwanolwa na antu yano yakati Wanda wa kwiza kwa Mwene wiza mpiti. Na manye antu yakaelenganya ukuti swemo twavwanzile cii lilyo lino twasemanga nanti kukosola, nanti lino yawelenzile kalata witu umwi.

1 Petulo 1:21

Klistu uwalenzile kuti mutaile muli Leza, wino wamuzyukwile kufuma ku afwe. Nupya wamupile lulumbi. Acino utailo nga nu upaalilo winu vyaya muli Leza.