Yoane 13:34 - Amazwi Yakwe Leza 2013

³⁴ Ndakai namupeela isunde lipya lyakuti mwatemwana. Ndi vino nani namutemwa, avino namwe mulinzile kutemwana.

Yoane 13:34 ပူးပေါင်းရင်းမြစ်များ

Masamu 119:63

Nene cuza wakwe yayo yonsi akakoopa, yayo yonsi akayela amasunde yako.

Masamu 16:3

Kuli yayo akaele aya muno nsi, ali yacindame yane yano nemo nkazangilamo.

Aina Levi 19:18

Utalandula uyi wa muntu umwi nanti kutwalilila kupata umuntu umwi. Lelo uwatemwa muzo ndi vino waitemwa. Nene indi Yawe.

Aina Levi 19:34

Mwayasunga ndi vino mukasunga aina Izlaeli yauzo. Nupya mwayatemwa ndi vino mwaitemwa mweisikulu. Mwaiusya vino mwali ainamasi mu mpanga ya Eguputo. Nene indi Yawe Leza winu.

Mateo 5:44

Lelo nemo namunena nati, temwini anisi inu, pepelini yano akamuzunya,

Yoane 15:17

Lyene, lii lili sunde lino namupeela ilyakuti mutemwane.

Yoane 17:21

Nkuyapepela kuti yonsi kwene yaye wenga. Tata! Si leka yaye wenga, ndi vino wewe nani twaya wenga. Si leka yaye wenga, kuti antu amu nsi yataile vino wewe wantumile.

Loma 12:10

Mwatemwana cuze ndi vino aina Klistu yalinzile kutemwana, nupya mwacindikana.

Loma 13:10

Umwi ndi watemwa umuze ale wene atalamucitila ciipe. Caleka kutemwa kuli kuyela Masunde.

Loma 13:8

Mutaya na nkongole ku muntu ali wensi suka sile kutemwana. Pano wino wensi uwatemwa umuze ala wayela vyalembwa mu mpapulo zyakwe Mose.

Galatiya 5:22

Lelo Mupasi Wamuzilo wene akatulenga kuti twatemwana, kuya nu luzango, mutende, kuteeka mwenzo, uluse, cikuku, kuya a cumi,

Galatiya 5:6

Pano lino twaya yakwe Klistu Yesu, lyene kusilamulwa nanti kuntasilamulwa kusyalanga kupusana kumwi. Lelo cintu cino mulinzile kusakamala utailo winu ungamulenga kutemwana.

Galatiya 6:10

Caleka tulinzile kucita visuma ku muntu wensi vino tungacita nu kuluta kuli yao ali alondezi yakwe Klistu.

Galatiya 6:2

Mwaazwana kusenda visendo, nga mu musango kwene uu, mukaayela Masunde yakwe Klistu.

Efeso 5:2

Lekini umi winu watungululwa nu kutemwa, wakwe vino Klistu watutemilwe nu kupeela umi wakwe pamulandu witu, kuti uye mununko usuma uwa mpolelwa ino ikazanzya Leza.

Kolose 1:4

Pano tuvwa vya pa utailo winu uno mwakwata muli Klistu Yesu nga nu kutemwa kuno mwakwata pa antu yakwe Leza onsi.

1 Tesalonika 3:12

Lekini Mwene avuzye kutemwa kuno mwatemwana, nga nu kutemwa antu yauze, ndi vino wavuzya kutemwa kwitu kunomuli.

2 Tesalonika 1:3

Mwe ina itu, tulinzile kutaizya Leza nsita zyonsi. Catuzipila kucita cii, pamulandu wakuti utailo winu ukukula cuze nga nu kutemwana pakasi kinu kukukulilako.

Ayebulai 13:1

Mwatwalilila kutemwana wa ina Klistu.

Yakobo 2:8

Ndi mukuyela Isunde lya Wene ilyaya mu malembelo likati, “Uwatemwa umuzo ndi vino waitemwa.” Ale mukucita ningo.

1 Petulo 1:22

Pano mwasangulula myenzo inu pa kuyela cumi. Ndakai mungatemwana wa ina ataila. Lelo mulinzile kutwalilila kutemwana nu mwenzo onsi.

2 Petulo 1:7

Ku kuipelesya ku umi wa kupepa Leza ungilizyini kutemwana kwa wina. Alino ku kutemwana kwa wina ungilizyini kutemwa antu onsi.

1 Yoane 3:11

Landwe lino muvwile kufuma ku utandiko likati mulinzile kutemwana.

1 Yoane 3:23

Ilamulo lino watupeela ilyakuti tutaile mu Mwana wakwe Yesu Klistu nga nu kutemwana ndi vino Klistu watupile ilamulo.

1 Yoane 4:21

Ilamulo lino Klistu watupeela likati wino wensi uwatemwa Leza wene alinzile kutemwa nu mwina wakwe kwene.

2 Yoane 1:5

Acino w e Mangu mukundwe, nkukulenga nkuti twatemwana. Ilamulo lii lino nkumulembela lisi lipya. Lyene ilamulo lino twapilwe kufuma ku utandiko.