Yoane 12:6 - Amazwi Yakwe Leza 2013

⁶ Wavwanzile cii, asi pamulandu wa kusakamala apina, lelo pano wali umwivi. Wene wali akasunga wa cipao, lelo wiyangamo.

Yoane 12:6 ပူးပေါင်းရင်းမြစ်များ

Masamu 14:1

Iciwelewele umu mwenzo wakweco cikati, “Leza kutaya.” Yene yafuma umu nzila, ni vicitwa vyao ivyansonyi. Kusi muntu nanti wenga akacita visuma.

Mapinda 29:7

Umuntu akacita vyaololoke akasakamala insambu zya mupina. Lelo umwipe wene pasi nanti cimwi cino wamanya.

Ezekelo 33:31

Antu yane yakaiza kunuli iumba likalamba, yiza yikala pa nkolelo yako apa kuvwa amazwi yako, lelo yakana ukuyalondela. Mu tunwa twao mwazula intumpu, nu mu myenzo yao mwaya ulwiswa lwa vyuma vino yakalonkela uku ukakasi.

Mateo 21:13

Ayanena ati, “Calembwa mu malembelo cati, ‘Ing'anda yane ilaamwa ing'anda ya mapepo.’ Lelo mwemo mwaicita ininga ya iivi.”

Luka 8:3

Na Yoana muka Chuza uwali musika wakwe Helodi. Na Susana na anaci yauze aingi yano aomvyanga cuma cao pa kutumikila Yesu na alondezi yakwe.

Yoane 10:13

Wino uwalembwa sile incito wene akautuka pano wene walembwa sile incito nupya asyasakamala mfwele.

Yoane 12:5

“Uzye pacani amafuta yaa yatakaziwe pa mpiya myanda itatu, nga ni mpiya zipelwe ku apina?”

Yoane 13:29

Pano Yuda wali akasunga wa cipao ca mpiya, alondezi yamwi yelenganya vino Yesu watamunena kuya kala vintu vino yulilwe pa kuzevya cimulo, nanti kuti akapele cimwi ku apina.

1 Kolinto 6:10

nanti akaiya, nanti a lwiswa, nanti akolesi, nanti akatumpwila auze, nanti aivi, pali yaa yonsi kusi alakumako ku Wene wakwe Leza.

Galatiya 2:10

Cintu cino yene yuzizye sile kunotuli cakuti tulinzile kwiusya kusakamala apina aya mwi umba lyao, na cii cili cino nalondesyanga kucita.

1 Tesalonika 5:22

leukini viipe vya misango yonsi.

Yakobo 2:2

Ndi cali muntu mukama wino azwite mbalaminwe iyapangwa kuli zaabu nga ni nsalu ziyembe cuze wiza mu ukongano winu, nga nu mupina nawe kwene aiize, ale azwite vinyanko.

Yakobo 2:6

Lelo mwemo mukasaalula apina! Uzye asi akama akamucuzya nu kumutintanya yamutwala ku vilye vya milandu?