Yoane 12:48 - Amazwi Yakwe Leza 2013

⁴⁸ Na wino wensi uwankana, wasula mazwi yane, akunoli alamupingula. Mazwi kwene yano nkalanda alamupingula pa wanda wampelelekezyo.

Yoane 12:48 ပူးပေါင်းရင်းမြစ်များ

Ezaya 53:3

Wasaalukanga nu kusulwa ku antu, wali umuntu wa ulanda, wene uvwanga ukali. Swemo twamusuuzile cakuti tutalondanga nu kumulolekesya, pano tutamwikanga pa untu foo.

Mateo 10:15

Cumi namunena vino pa wanda wa upinguzi Leza alaya na mizu kuli Sodoma na Gomola kuluta musumba uwo.

Mateo 21:42

Lyene Yesu ayauzya ati, “Uzye mutatala mwawelenga mu malembelo yano akati, ‘Iwe lino yakakuula yakanyile, lyene lyacisilwe iwe lya pitungi lya ng'anda. Mwene uwacita vii, uzye catuzungusya uli mu manso itu?’

Mateo 25:31

“Lino Mwana wa Muntu aliiza mu lulumbi lwakwe, pamwi na angeli onsi, wene alikala pa cilimba cakwe ca wene.

Mako 12:10

Uzye ale mutali muwelenge ilembelo lii? ‘Iwe lino yakakuula yakanyile, lyene lyacisilwe iwe lya pitungi lya ng'anda.

Mako 16:16

Wino wensi alataila nu kuwatiziwa, wene alatuulwa. Lelo wino wensi atalataila alavunukwa ku mfwa.

Mako 8:31

Alino Yesu atandika kusambilizya alondezi yakwe ati, “Mwana wa Muntu ali nu kucula cuze, nupya aikolo na yasimapepo akalamba, na yakasambilizya ya Masunde yalamukana nu kumukoma, lelo pa wanda uwalenga yatatu alazyukuka nu kuya nu umi.”

Luka 10:16

Yesu anena alondezi yakwe makumi cinimbali na yaili ati, “Wino akamuvwila, akauvwila nene. Lelo wino uwamukana, ala wakana nene. Caleka wino uwankana, ala wakana uwantuma.”

Luka 17:25

Lelo nkolelo ali nu kucula cuze, nupya antu amu mukulo uu yalamukana.

Luka 20:17

Yesu ayalolekesya nga ayauzya ati, “Uzye lyene, icalembwa cino cikati, ‘Iwe lino yakakuula yakanyile lyene lyacisilwe iwe lya pitungi lya ng'anda,’ cikasenula uli?

Luka 7:30

Lelo Afaliseo na yakasambilizya ya Masunde pakukana kuwatiziwa na Yoane, yasuzile vino Leza walondanga kuyacitila.

Luka 9:22

Caleka ayanena ati, “Mwana wa Muntu ali nu kucula cuze, nupya aikolo na yasimapepo akalamba, na yakasambilizya ya Masunde yalamukana nu kumukoma, lelo pa wanda wakulenga yatatu alazyukuka kufuma ku afwe.”

Luka 9:26

Muntu ndi wankana pamwi na mazwi yane, Mwana wa Muntu nawe alamukana lino aliiza mu lulumbi lwakwe, nu mu lulumbi lwakwe Isi nga nu lwa angeli yamuzilo.

Yoane 11:24

Mata amunena ati, “Nati manya vino alazyukuka nupya mu kuzyukuka kwa pa wanda wampelelekezyo.”

Yoane 5:45

Mutaelenganya vino ndamulongwela kuli Tata. Apanoli wenga wino alamulongwela, a Mose kwene wino mwapaalilamo.

Yoane 6:39

Na kuu kuli kulonda kwakwe wino uwantuma, ukuti ntakaponzye nanti wenga pali yonsi yano wampela. Lelo ukuti nkaleke yonsi yakazyukuke yaye nu umi pa wanda wampelelekezyo.

Yoane 8:47

Muntu wakwe Leza akauvwa mazwi yakwe Leza. Mwemo musi yakwe Leza, na pamulandu kwene uu acino musyakuvwila.”

Milimo 17:31

Pano wimika uwanda uno alapingwilapo antu yonsi amu nsi mu wololoke ukupitila muli wino wasola. Wapela icisininkizyo pali wensi pakuzyukula umuntu wilya kufuma ku afwe!”

Milimo 3:23

Na wino wensi uwakana ukuvwa kasema wilya alapaatululwa kufuma ku antu yakwe Leza nu kononwa.’

Loma 2:16

Acino kulingana ni Landwe Lisuma lino nkakosola, avino cilaya na pa Wanda uno Leza alapingula antu kupitila muli Klistu Yesu pa vya nkama vyamu myenzo yao.

2 Kolinto 4:3

Ndi kuli cimwi cino cafiswa ica pamulandu wi Landwe lino tukakosola, ale cafiswa ku antu yano akulowa.

2 Tesalonika 1:8

mu cimbilimbili ca moto, kwiza vunuka yao akakana Leza nupya asyataila Ilandwe Lisuma lya Mwene witu Yesu.

Ayebulai 10:25

Tutata kukongana pamwi kulingana nu mwata witu, ndi vino yamwi yakucita. Lelo lekini twakomelezyanya nu kuluta, pano mwati mulola ukuti Wanda wa Mwene ukupalama pipi.

Ayebulai 12:25

Caleka tekelini, nupya mutakana kuuvwa kuli wino akuvwanga. Yao akanyile kuuvwa kuli Leza lino wavwanzile kunoyali kupitila muli Mose, yatatuuzilwe. Uzye lyene swemo tungatuulwa uli ndi twakana kuyela wino akuvwanga kunotuli kufuma kwiyulu?

Ayebulai 2:3

Uzye lyene tungatuulwa uli ndi tusyakwika mano ku ufyusi wakula musango uu? Mwene umwisikulu uwatandike kulanda pa ufyusi uu, na yao auvwileko mazwi yaa yasininkizye kunotuli ukuti avino cili.

Ayebulai 4:12

Izwi lyakwe Leza ilya umi nupya likuomba. Lyene lyakalipa kuluta lupanga luno lwanyolwa konsi koili. Lyene likaputula nu kupenka monsi, kufika pano umi nu mupasi vyakomana, na muno yanamfyumfyu ni mimfyompo vyakomana lyene likapingula vilondwa, nu kwelenganya kwa mu mwenzo wa muntu.

1 Petulo 1:5

Kupolelelwa kuu ukwakwe mwemwe, mwe muno mu utailo mukasungwa ningo na maka yakwe Leza kufika ku ufyusi uno ulasokololwa pa mpela ya nsita.

2 Petulo 3:3

Cankolelo, mulinzile kumanya ukuti mu manda yaa akusyalikizya antu yamwi yalaloleka yano umi wao ukatungululwa ni nsuna zyao. Yene yalamusoweka

2 Petulo 3:7

Lelo izwi lyakwe Leza ilyasunga mayulu nga ni nsi ino ilipo ilelo, kufika lino vilononwa nu moto. Vyene vyasungwa kufika pa wanda uno yakaifya yalapingulwa nu kononwa.

1 Samueli 10:19

Lelo mwemo mwatimukana Leza winu, wino akamutuula ku ntazi zinu zyonsi na kuli vyonsi vino vikamusakamika. Mwemo mwavwanga mwati, ‘Awe! Tupele sile umwene uwakuti atuteeka.’ Acino fwandi yangini mutantame pa manso yakwe Yawe umu mitundu inu ni miiko inu.”

1 Samueli 8:7

Nawe Yawe amunena ati, “Uvwikisye ningo vyonsi vino antu yakukunena. Asi awewe yakanyile ukuya umwene wao, lelo anene nemuno yatiyakana ukuya umwene wao.